ENG W vs WI W: பேட்டில் பட்டதா..? விக்கெட் விழுந்ததா..? சர்ச்சையில் வெஸ்ட் இண்டீஸ் கேப்டன் விக்கெட்.. வைரலாகும் வீடியோ!
Hayley Matthews Wicket: பந்து நேராக விக்கெட் கீப்பர் ஏமி ஜோன்ஸின் கைகளில் சென்றது. அதன்பிறகு, ஏமி ஜோன்ஸ் அம்பயரிடம் முறையிட்டார். கள அம்பயர் என். ஜனனி அவரை அவுட் இல்லை என அறிவித்தார். இங்கிலாந்து கேப்டன் சார்லி டீ ரிவ்யூ கோரினார். இருப்பினும், மூன்றாவது அம்பயர் அவுட் என அறிவித்தார்.
2026 ஐசிசி மகளிர் டி20 உலகக் கோப்பையில் (ICC Womens T20 World Cup) இங்கிலாந்து மற்றும் வெஸ்ட் இண்டீஸ் அணிகளுக்கு இடையேயான போட்டி நடைபெற்றது. இந்தப் போட்டியில் அம்பயரின் முடிவு சர்ச்சையை ஏற்படுத்தியுள்ளது. லார்ட்ஸ் ஸ்டேடியத்தில் அம்பயரின் முடிவால் வெஸ்ட் இண்டீஸ் அணியின் கேப்டனும் நட்சத்திர ஆல்-ரவுண்டருமான ஹெய்லி மேத்யூஸ் (Hayley Matthews) அவுட்டான விதம் அனைவரையும் அதிர்ச்சிக்குள்ளாக்கியது. இந்தச் சம்பவமானது வெஸ்ட் இண்டீஸ் அணி பேட்டிங் செய்தபோது 4வது ஓவரில் நடந்தது. இங்கிலாந்து பந்துவீச்சாளர் லின்சி ஸ்மித்தின் பந்துவீச்சில் ஹெய்லி மேத்யூஸ் ஒரு கட் ஷாட் அடிக்க முயன்றார். பந்து நேராக விக்கெட் கீப்பர் ஏமி ஜோன்ஸின் கைகளில் சென்றது. அதன்பிறகு, ஏமி ஜோன்ஸ் அம்பயரிடம் முறையிட்டார். கள அம்பயர் என். ஜனனி அவரை அவுட் இல்லை என அறிவித்தார். இங்கிலாந்து கேப்டன் சார்லி டீ ரிவ்யூ கோரினார். இருப்பினும், மூன்றாவது அம்பயர் அவுட் என அறிவித்தார். பேட்டிற்கும் பந்திற்கும் இடையே இடைவெளி இருந்தபோதிலும், நடுவர் அவுட் என அறிவித்தது அனைவரையும் அதிர்ச்சியில் ஆழ்த்தியது.
ALSO READ: வங்கதேசத்தை எதிர்கொள்ளும் இந்திய மகளிர்.. மழையால் போட்டிக்கு தடையா?
வீடியோவில் காண்பிக்கப்பட்டது என்ன..?
CONTROVERSY at T20 WORLD CUP during England vs West Indies 🚨🚨
Hayley Matthews was given out by the 3rd umpire but there was a clear gap visible on the other frame between bat & bowl.
WAS IT OUT ACCORDING TO YOU ??? #T20WorldCup #ENGvWI pic.twitter.com/FpDFStemOF
— TheFakeFakeer (@TheFakeFakeer) June 24, 2026
இந்தப் போட்டியின் விக்கெட் வீடியோவின் தொடக்கத்தில் , பந்து பேட்டிற்கு மிக அருகில் சென்றது காணப்பட்டது. ஆனால், தெளிவான விலகல் எதுவும் இல்லை. பின்னர், டிவி அம்பயர் நிமாலி பெரேரா, அல்ட்ரா எட்ஜ் தொழில்நுட்பத்தின் மூலம் அதைச் சரிபார்க்க முடிவு செய்தார். அதில் ஒரு எட்ஜ் தெரிந்தது. அதாவது, அந்த நேரத்தில் பந்து பேட்டை தொட்டது போல் அது காட்டியது. ஆனால் அதே நேரத்தில், ஃபிரேமை சரிபார்த்தபோது, பந்து பேட்டை விட தூரமாக இருந்தது. இடைவெளி இருப்பதை அம்பயர் பெரேரா ஏற்றுக்கொண்டு மீண்டும் சரிபார்த்தார். ஆனால் இறுதியில், தனது முடிவை மாற்றி அவுட் கொடுக்குமாறு கள அம்பயருக்கு டிவி அம்பயர் உத்தரவிட்டார். இதனால் அனைவரும் ஆச்சரியமடைந்தனர். அம்பயரின் இந்த முடிவால் ஹெய்லி மேத்யூஸ் மிகவும் வருத்தமடைந்தார். அவரும் இந்த முடிவு குறித்து தனது ஆச்சரியத்தையும் அதிர்ச்சியையும் வெளிப்படுத்தினார்.
ஹேலி மேத்யூஸ் ஆடுகளத்தை விட்டு வெளியேறுவதற்கு முன்பு நடுவர் ஜனனி மற்றும் எலோயிஸ் ஷெரிடனுடன் வாக்குவாதம் செய்தார். மேலும், பிட்ச்சை விட்டு வெளியேறிய பிறகும் அவரது கோபம் நீடித்தது. ஓய்வறையில், அவர் தலைமைப் பயிற்சியாளர் ஷேன் டூட்ஸுடன் மறு ஒளிபரப்பையும் பார்த்தார். பின்னர் மேத்யூஸ் 4வது அம்பயர் கரின் க்ளோஸ்டேவுடன் நீண்ட நேரம் வாதம் செய்தார்.
போட்டியில் வெற்றி பெற்றது யார்..?
இங்கிலாந்து அணி 20 ஓவர்களில் 7 விக்கெட் இழப்பிற்கு 186 ரன்கள் எடுத்தது. வெற்றி பெற 187 ரன்கள் இலக்கை நிர்ணயித்தது. இந்த இலக்கை துரத்திய வெஸ்ட் இண்டீஸ் அணி, 20 ஓவர்களில் 5 விக்கெட் இழப்பிற்கு 148 ரன்கள் எடுத்தது. இந்தப் போட்டியில் வெஸ்ட் இண்டீஸ் அணி 38 ரன்கள் வித்தியாசத்தில் தோல்வியடைந்தது. இந்த வெற்றியின் மூலம், அரையிறுதிக்கு முன்னேறிய முதல் அணி என்ற பெருமையை இங்கிலாந்து பெற்றுள்ளது.
