TV9 Tamil News Photo Gallery > Madurai Meenakshi Amman Chithirai Festival: A Grand Celebration of Divine Union

மதுரை மீனாட்சி அம்மன் சித்திரைத் திருவிழா: தெய்வீகத் திருமணத்தின் பிரம்மாண்ட கொண்டாட்டம்

Updated On:

31 Mar 2026 16:40 PM

IST

Chithirai Thiruvizha: மதுரை மீனாட்சி அம்மன் சித்திரைத் திருவிழா கொடியேற்றத்துடன் தொடங்கி 12 நாட்கள் மதுரையை விழாக்கோலமாக மாற்றுகிறது; இதில் அம்மனின் பட்டாபிஷேகம் மற்றும் திக்குவிஜயம் போன்ற நிகழ்வுகள் மதுரையின் அரசியாக அவர் பொறுப்பேற்பதை உணர்த்துகின்றன. திருவிழாவின் சிகர நிகழ்ச்சியான மீனாட்சி-சொக்கநாதர் திருக்கல்யாணத்தை தரிசிக்க பல்லாயிரக்கணக்கான பக்தர்கள் கூடி மகிழ்வர்.

மதுரை மீனாட்சி அம்மன் கோவிலில் சித்திரை மாதம் வளர்பிறையில் கொடியேற்றத்துடன் இந்த மாபெரும் திருவிழா தொடங்குகிறது. சுமார் 12 நாட்கள் நடைபெறும் இந்த விழாவில், மதுரை மாநகரமே விழாக்கோலம் பூண்டு, பல்லாயிரக்கணக்கான பக்தர்கள் திரண்டு வந்து சுவாமி தரிசனம் செய்வார்கள்.

2 / 6

திருவிழாவின் எட்டாம் நாளில் மீனாட்சி அம்மனுக்கு மதுரையின் அரசியாக முடிசூட்டும் 'பட்டாபிஷேகம்' மிக விமர்சையாக நடைபெறும். அன்றிலிருந்து மதுரையின் ஆட்சிப் பொறுப்பை மீனாட்சி அம்மன் ஏற்பதாக ஐதீகம் என்பதால், அம்மனுக்கு ரத்தினக் கிரீடம் சூட்டி செங்கோல் வழங்கப்படுகிறது.

3 / 6

பட்டாபிஷேகத்தைத் தொடர்ந்து மீனாட்சி அம்மன் எட்டுத் திக்குகளிலும் உள்ள தேவர்களை வெல்லும் 'திக்குவிஜயம்' நிகழ்ச்சி நடைபெறுகிறது. இறுதியில் கயிலாயத்தில் சிவபெருமானைச் சந்திக்கும் போது, அவரே தனது மணாளன் என்பதை அறிந்து அம்மன் நாணம் கொள்வது இந்த நிகழ்வின் சிகரமாகும்.

4 / 6

திருவிழாவின் பத்தாம் நாளில் உலகப்புகழ் பெற்ற மீனாட்சி அம்மன் - சொக்கநாதர் திருக்கல்யாண வைபவம் பிரம்மாண்டமாக நடைபெறும். பட்டுப் பீதாம்பரங்கள் உடுத்தி, வைர வைடூரியங்கள் ஜொலிக்க நடைபெறும் இந்த திருமணத்தைக் காண உலகெங்கிலும் இருந்து மக்கள் மதுரையில் கூடுவார்கள்.

5 / 6

திருக்கல்யாணத்திற்கு அடுத்த நாள் அதிகாலையில் மீனாட்சி மற்றும் பிரியாவிடையுடன் கூடிய சுந்தரேஸ்வரர் ஆகிய இரு பெரும் தேர்களில் அமர்ந்து மாசி வீதிகளில் உலா வருவார்கள். பக்தர்கள் வடம்பிடித்து இழுக்க, 'ஹர ஹர மகாதேவா' என்ற முழக்கத்துடன் தேர்கள் அசைந்து வரும் காட்சி மெய்சிலிர்க்க வைக்கும்.

6 / 6

சித்திரைத் திருவிழாவின் உச்சகட்ட நிகழ்வாக, மதுரையின் காவல் தெய்வமான கள்ளழகர் தங்கக் குதிரை வாகனத்தில் வைகை ஆற்றில் இறங்குவார். தனது தங்கை மீனாட்சியின் திருமணத்திற்கு தாமதமாக வந்ததால் கோபம் கொண்டு ஆற்றில் இறங்குவதாகக் கருதப்படும் இந்த நிகழ்வு கோடிக்கணக்கான மக்களை ஈர்க்கும்.

Tamil Nadu Temples