15 – 20 விநாடிகள் ஓடுவதால் இதயத்துக்கு கிடைக்கும் நன்மைகள் – ஆராய்ச்சியில் சுவாரசிய தகவல்
Health benefits of Running : சிறிது நேரம் ஓடுவதால் கூட நமக்கு நிறைய ஆரோக்கிய நன்மைகள் கிடைக்கும் என்பது வியப்பாக இருக்கலாம். தினமும் வெறும் 10-15 வினாடிகள் ஓடுவதால் கூட இதயம் ஆரோக்கியமாக செயல்பட ஆரம்பிக்கும் என ஆராய்ச்சி முடிவுகள் தெரிவிக்கின்றன. குறிப்பாக இது இரத்த ஓட்டத்தை மேம்படுத்தி, மன அழுத்தத்தை குறைக்கும்.
மக்களிடையே உடல் ஆரோக்கியம் குறித்து விழிப்புணர்வு ஏற்பட்டிருக்கிறது. குறிப்பாக கொரோனா (Corona) காலகட்டதுக்கு பிறகு மக்கள் உடல் நலனில் அக்கறை செலுத்த துவங்கியிருக்கின்றனர். பொதுவாக நடைபயிற்சி (Walking), ரன்னிங் மற்றும் சைக்கிள் ஓட்டுதல் உள்ளிட்ட பல பயிற்சிகள் தற்போது மக்களிடையே பிரபலமாக உள்ளன. ஆனால் இதில் ரன்னிங் பெரும்பாலும் மக்களுக்கு கடினமாகத் தெரிகிறது. உண்மையில், சில வினாடிகள் ஓடுவது கூட இதய தசைகளை வலுப்படுத்தவும் எனவும் அவற்றை ஆரோக்கியமாக வைத்திருக்கவும் உதவும் எனவும் ஆய்வுகள் தெரிவிக்கின்றன. இந்தப் பயிற்சியை எப்படிப் பாதுகாப்பாகச் செய்வது, அதைச் செய்வதால் என்னென்ன நன்மைகள் கிடைக்கும் என்பதைப் பார்ப்போம்.
வேகமாக ஓடும்போது இதயம் எவ்வாறு செயல்படுகிறது?
ஒரு நாளைக்கு சில வினாடிகள் ஓடுவது கூட உங்கள் இதய ஆரோக்கியத்தில் குறிப்பிடத்தக்க தாக்கத்தை ஏற்படுத்துகிறது. சில வினாடிகள் ஓடுவது போன்ற குறுகிய, தீவிரமான பயிற்சிகள் இதயத்தை அதிக வேலை செய்ய கட்டாயப்படுத்துகின்றன, இது இதயத்தின் செயல்பாட்டை மேம்படுத்துகிறது என்று ஆராய்ச்சி முடிவுகள் தெரிவிக்கின்றன. இந்த குறுகிய கால உடற்பயிற்சி இதயம் அதிக இரத்தத்தை பம்ப் செய்ய வைக்கிறது. இதன் மூலம் செயல்திறனை அதிகரித்து, காலப்போக்கில் இதய தசையை பலப்படுத்துகிறது.
குறுகிய காலத்திற்கு ஓடுவது உடலின் செயல்பாடுகளை விரைவுபடுத்தி, இதயத் துடிப்பை அதிகரிக்கவும், இரத்த ஓட்டத்தை மேம்படுத்தவும், தசைகள் மற்றும் உறுப்புகளுக்கு ஆக்ஸிஜன் விநியோகத்தை மேம்படுத்தவும் உதவுகிறது.
சில வினாடிகள் ஓடுவதன் மூலம், ஒருவரின் இதயத் துடிப்பு அதிகரித்து அவர்களின் இரத்த நாளங்கள் விரிவடைகின்றன, இதனால் தசைகளுக்கு ஆக்ஸிஜன் செல்கிறது. மேலும் இந்த செயல்பாடு இதயம் பிரச்னைகளை குறைக்கவும் மன அழுத்தத்தை சமாளிக்கவும் உதவுகிறது. மேலும் இது நீண்டகால ஆரோக்கிய நன்மைகளுக்கு வழிவகுக்கும் ஒரு முறையாகும்.
காலப்போக்கில், இதயம் மிகவும் திறமையாகிறது. இந்தப் பயிற்சி சராசரியாக செயல்படும் இதயத்தை அதிக திறனில் செயல்பட அனுமதிக்கிறது. எவ்வளவு நேரம் உடற்பயிற்சி செய்கிறோம் என்பது முக்கியம் என்றாலும், அதை விட நம் செய்யும் உடற்பயிற்சி உடலுக்கு உண்மையில் நன்மை பயக்கும் தீவிரம்தான் முக்கியம். குறிப்பாக 10-15 வினாடிகள் மட்டுமே ஓடினாலும் அது உடலுக்கு நேர்மறையான சில மாற்றங்களை ஏற்படுத்தக்கூடும்.
அதை எப்படி பாதுகாப்பாக செய்வது
உங்கள் உடற்பயிற்சி முறைகளில் ரன்னிங்கை சேர்க்கும்போது பாதுகாப்பில் கவனம் செலுத்துவது முக்கியம். ஆரம்பத்தில் சிறிது தூரம் நடைப்பயிற்சி அதன் பிறகு மெதுவாக ஜாகிங் செய்வது இதயத்தையும் தசைகளையும் கடினமான வேலைக்குத் தயார்படுத்த உதவுகிறது. ஏற்கனவே இதயப் பிரச்னைகள் இருப்பவர்கள் தங்கள் மருத்துவர்களிடம் அனுமதிபெற்று இந்த பயிற்சியை மேற்கொள்ளலாம்.
(Disclaimer : இணையத்தில் இருந்து சேகரிக்கப்பட்ட தகவல்களின் அடிப்படையில் இந்த விவரங்கள் கொடுக்கப்பட்டுள்ளன. உள்ளடக்கங்கள் தகவலுக்காக மட்டுமே. முயற்சிக்கும் முன் தொடர்புடைய நிபுணர்களின் ஆலோசனையைப் பெறவும். எந்த விளைவுகளுக்கும் TV9Tamil பொறுப்பேற்காது.)
