India vs Pakistan Live Updates : பாகிஸ்தானுக்கு ஆதரவாக துருக்கி? சரக்கு விமானத்தால் பரபரப்பு

பாகிஸ்தானின் ஆளில்லா விமானங்கள் மற்றும் ராக்கெட்டுகளை சுட்டு வீழ்த்துவதில் இந்திய ராணுவம் மிகவும் தீவிரமாக உள்ளது. முன்னெச்சரிக்கை காரணமாக ஜம்மு நகரம் முழுவதும் மின் தடை ஏற்பட்டுள்ளது. பாகிஸ்தானிடம் இருந்து வரும் ட்ரோன்கள் ஒருங்கிணைந்த பாதுகாப்பு அமைப்பின் உதவியுடன் சுட்டு வீழ்த்தப்படுகின்றன. சில ராக்கெட்டுகளும் சுட்டு வீழ்த்தப்பட்டதாக தகவல் வெளியாகியுள்ளது. இந்தியா மீது பாகிஸ்தான் தாக்குதல்கள் தொடர்ந்து வரும் நிலையில், ஜம்முவை குறிவைத்து பாகிஸ்தான் ஆளில்லா விமானத் தாக்குதல்களை நடத்தியது. ஜம்முவில் மொத்தம் ஏழு இடங்களில் பலத்த வெடிச்சத்தங்கள் கேட்டன. ஜம்மு காஷ்மீர், ராஜஸ்தான், பஞ்சாப் மற்றும் அமிர்தசரஸில் மின் தடை விதிக்கப்பட்டது. ஜம்மு காஷ்மீர் மற்றும் அக்னூரில் சைரன்கள் ஒலித்தன.