TV9 Tamil News Health > Beat the Heat: Smart Ways to Stay Cool and Safe!

கத்திரி வெயிலை ஜெயிக்கலாம்: உடல் நலம் காக்கும் எளிய ரகசியங்கள்!

Published:

06 Apr 2026 17:50 PM

IST

Essential Sun Protection Tips: வெப்பத்தின் தாக்கத்திலிருந்து தப்பிக்கத் தாகம் இல்லாவிட்டாலும் போதிய அளவு தண்ணீர் குடித்து உடலை எப்போதும் நீர்ச்சத்துடன் வைத்துக்கொள்ள வேண்டும். மதிய வேளையில் சூரிய ஒளியில் நேரடியாகச் செல்வதைத் தவிர்த்து, வெளியே செல்லும்போது குடை, தொப்பி மற்றும் பருத்தி ஆடைகளை அணிவது பாதுகாப்பானது.

உடலில் நீர்ச்சத்துக் குறையாமல் இருக்கத் தாகம் எடுக்காவிட்டாலும் அடிக்கடி தண்ணீர் குடிக்க வேண்டும். இளநீர், மோர் மற்றும் பழச்சாறுகள் பருகுவது உடலின் வெப்பநிலையைச் சீராக வைத்திருக்கவும் சோர்வைத் தவிர்க்கவும் பெரிதும் உதவும்.

2 / 6

வெயில் காலத்தில் இறுக்கமான ஆடைகளைத் தவிர்த்து, காற்றோட்டமான மற்றும் லேசான பருத்தி ஆடைகளை அணிய வேண்டும். கருப்பு போன்ற அடர் நிறங்களைத் தவிர்த்து வெள்ளை அல்லது வெளிர் நிற ஆடைகளை அணிவது சூரிய வெப்பத்தை உடல் ஈர்க்காமல் தடுக்கும்.

3 / 6

உச்சக்கட்ட வெயில் நிலவும் காலை 11 மணி முதல் மாலை 4 மணி வரை வெளியில் செல்வதைத் தவிர்க்க வேண்டும். தவிர்க்க முடியாத சூழலில் வெளியே சென்றால், அவ்வப்போது நிழலான இடங்களில் ஓய்வெடுத்து உடலை அதிக வெப்பமடையாமல் பார்த்துக் கொள்ள வேண்டும்.

4 / 6

வெயிலில் செல்லும்போது குடை, தொப்பி அல்லது கைக்குட்டையைப் பயன்படுத்தித் தலையை மறைத்துக் கொள்வது அவசியமாகும். மேலும், கண்களைப் பாதுகாக்கத் தரமான சூரியக் கண்ணாடி (Sunglasses) அணிவது புற ஊதாக் கதிர்களின் பாதிப்பிலிருந்து உங்களைக் காக்கும்.

5 / 6

எளிதில் செரிமானமாகும் உணவுகளையும், நீர்ச்சத்து மிகுந்த தர்பூசணி, வெள்ளரிக்காய் போன்ற காய்கறி, பழங்களையும் அதிகம் சேர்த்துக் கொள்ள வேண்டும். அதிக காரம், எண்ணெய் மற்றும் மசாலா கலந்த உணவுகளைத் தவிர்ப்பது உடல் சூடு அதிகரிப்பதைத் தடுக்க உதவும்.

6 / 6

சூரிய ஒளியால் ஏற்படும் தோல் எரிச்சல் மற்றும் பாதிப்புகளைத் தவிர்க்கச் சருமத்தில் 'சன்ஸ்கிரீன்' (Sunscreen) பூச்சுக்களைப் பயன்படுத்தலாம். நீண்ட நேரம் வெயிலில் இருப்பவர்கள் அவ்வப்போது குளிர்ந்த நீரால் முகம் மற்றும் கைகளைக் கழுவுவது உடல் சூட்டை உடனடியாகக் குறைக்க உதவும்.