2026 FIH Hockey World Cup: சுதந்திர தினத்தில் தொடங்கிய வெற்றி பயணம்.. உலகக் கோப்பையில் வேல்ஸ் அணியை வீழ்த்திய இந்திய ஹாக்கி அணி!
India vs Wales Highlights: 2026 FIH உலகக் கோப்பை இன்றைய 'டி' பிரிவு ஆட்டத்தில் இந்தியா மற்றும் வேல்ஸ் அணிகள் மோதின. இந்த போட்டியில் இந்தியா ஆரம்பம் முதலே ஆதிக்கம் செலுத்தியது. முதல் கால்பகுதியில் இந்திய அணி 2-0 என்ற கோல் கணக்கில் முன்னிலை பெற்றனர். இரண்டாவது கால்பகுதியில் எந்த அணியாலும் கோல் அடிக்க முடியவில்லை.
2026ம் ஆண்டு சுதந்திர தினமான இன்று அதாவது 2026 ஆகஸ்ட் 15ம் தேதி இந்திய ஹாக்கி அணி (India Hockey Team) 2026 FIH உலகக் கோப்பையில் (FIH World Cup 2026) தனது பயணத்தை ஒரு வெற்றியுடன் தொடங்கியது. நெதர்லாந்தின் ஆம்ஸ்டெல்வீனில் உள்ள வாக்னர் ஹாக்கி ஸ்டேடியத்தில் நடைபெற்ற இப்போட்டியில், இந்திய அணி வேல்ஸ் அணியை 3-1 என்ற கோல் கணக்கில் தோற்கடித்தது. கேப்டன் ஹர்மன்பிரீத் சிங் மற்றும் சஞ்சய் ஆகியோர் அணிக்காக கோல் அடித்தனர். அதேநேரத்தில், வேல்ஸ் அணி இந்திய அணிக்கு எதிராக ஒரே ஒரு கோலை மட்டுமே பதிவு செய்தது.
2026 FIH உலகக் கோப்பை இன்றைய ‘டி’ பிரிவு ஆட்டத்தில் இந்தியா மற்றும் வேல்ஸ் அணிகள் மோதின. இந்த போட்டியில் இந்தியா ஆரம்பம் முதலே ஆதிக்கம் செலுத்தியது. முதல் கால்பகுதியில் இந்திய அணி 2-0 என்ற கோல் கணக்கில் முன்னிலை பெற்றனர். இரண்டாவது கால்பகுதியில் எந்த அணியாலும் கோல் அடிக்க முடியவில்லை. இந்தியா தொடர்ந்து முன்னேறி, 3வது கால்பகுதியில் கோல் அடித்தது. பின்னர், இறுதியான நான்காவது கால்பகுதியில், வேல்ஸ் அணி ஆட்டத்தின் ஒரே கோலை அடித்தது.
ALSO READ: கேப்டனாக ஹர்மன்பிரீத் சிங்.. உலகக் கோப்பைக்கான இந்திய ஹாக்கி அணி அறிவிப்பு!
கோல் அடித்து தொடங்கி வைத்த சஞ்சய்:
A WINNING START FOR US TO THE WORLD CUP! 💥
The Indian Men’s Team open their FIH Hockey World Cup Belgium & Netherlands 2026 campaign with a 3–1 win over Wales! 🇮🇳🙌
Harmanpreet Singh (2 goals) and Sanjay’s (1 goal) penalty-corner goals scripted India’s victorious start in… pic.twitter.com/qgqlEJuRgF
— Hockey India (@TheHockeyIndia) August 15, 2026
முதல் கால் பகுதியின் 8-வது நிமிடத்தில் சஞ்சய் இந்திய அணியின் முதல் கோலை அடித்தார். பின்னர், 11-வது நிமிடத்தில் கேப்டன் ஹர்மன்பிரீத் இணைந்து 2 கோல்களை அடித்தார். இதன் மூலம் முதல் கால் பகுதியில் இந்தியா இரண்டு கோல்களை அடித்தது. அதைத் தொடர்ந்து இந்தியாவுக்கு ஒரு பெனால்டி கார்னர் கிடைத்தது.
இரண்டாவது கால் பகுதியில் கோல்கள் எதுவும் அடிக்கப்படவில்லை. இருப்பினும், இந்தியாவுக்கு ஒரு பெனால்டி கார்னர் கிடைத்தது. பின்னர் 3வது கால் பகுதி வந்தது. அதில் கேப்டன் ஹர்மன்பிரீத் சிங் மீண்டும் தனது மாயாஜாலத்தைக் காட்டி 43வது நிமிடத்தில் தனது இரண்டாவது கோலையும், அணியின் மூன்றாவது கோலையும் அடித்தார்.
ALSO READ: ஆண்கள் மற்றும் மகளிர் ஹாக்கி உலகக் கோப்பை.. முழு அட்டவணை விவரம்!
மூன்று கால்பகுதிகளுக்குப் பிறகு, இந்திய அணி 3-0 என்ற கோல் கணக்கில் முன்னிலை பெற்றிருந்தது. ஆட்டம் இப்போது இந்தியாவின் முழுமையான கட்டுப்பாட்டில் இருந்தது. வெற்றி பெற, மீதமுள்ள 15 நிமிடங்களில் வேல்ஸ் அணி 4 கோல்களை அடிக்க வேண்டியிருந்தது. இது சாத்தியமற்றது என்று தோன்றினாலும் வேல்ஸ் போராடியது. ஆட்டத்தின் இறுதி வரை அது அப்படியே நீடித்தது. நான்காவது கால்பகுதியின் 56-வது நிமிடத்தில், வேல்ஸ் அணிக்காக சாம் வெல்ஷ் ஒரே கோலை அடித்தார். இவ்வாறு, முழு நேர ஆட்ட முடிவில் இந்தியா 3-1 என்ற கோல் கணக்கில் போட்டியை வென்றது.
