TV9 Tamil News Photo Gallery > These 3 apps on your phone may be leaking your personal data

இந்த 3 செயலிகள் உங்கள் போனில் இருக்கா? காத்திருக்கும் ஆபத்து!

Published:

03 Feb 2026 21:59 PM

IST

Data Privacy Risk : இன்றைய காலகட்டங்களில் ஸ்மார்ட்போன்கள் நமது தனிப்பட்ட தகவலின் மிகப்பெரிய ஆதாரமாக மாறிவிட்டன. பல செயலிகள் பயனர்களின் தனிப்பட்ட தகவல்களை அவர்களுக்குத் தெரியாமல் கசியவிடுகின்றன. இந்த செயலிகள் பயனர்களின் லொகேஷன், புரௌசிங் ஹிஸ்ட்ரி வரை முக்கியமான டேட்டாவை சேகரிக்கலாம்.

செயலிகள் மூலம் நமது டேட்டா மூன்றாம் தரப்பு நிறுவனங்களுக்கு செல்கிறது. அங்கு, விளம்பரங்களை வழங்குவது முதல் அனைத்திற்கும் இது பயன்படுத்தப்படுகிறது. இந்த மூன்று வகையான செயலிகளை பயன்படுத்தினால், உங்கள் டேட்டா முற்றிலும் பாதுகாப்பாக இருக்காது என்று நிபுணர்கள் கூறுகிறார்கள்.

2 / 5

மிகப்பெரிய அச்சுறுத்தல் இலவச VPN செயலிகளுடன் தொடர்புடையது என்று கூறப்படுகிறது. இந்த செயலிகள் பயனர்களின் அடையாளங்களை மறைப்பதன் மூலம் இணையத்தைப் பாதுகாப்பானதாக்குவதாகக் கூறுகின்றன. ஆனால் உண்மையில், பல இலவச VPN சேவைகள் தங்கள் பயனர்களின் அனைத்து ஆன்லைன் செயல்பாடுகளையும் கண்காணிக்கின்றன. இந்த செயலிகள் எந்த வலைத்தளங்களைப் பார்வையிடுகின்றன, எந்த ஆப்ஸ் பயன்படுத்தப்படுகின்றன என்பதைப் பதிவு செய்யலாம். பல சந்தர்ப்பங்களில், பயனர்களின் டேட்டாவை விற்பதன் மூலம் அவை லாபம் ஈட்டுகின்றன.

3 / 5

ஃபிளாஷ்லைட், கிளீனர் மற்றும் பூஸ்டர் போன்ற ஆப்ஸ்களும் கவலைக்குரியவை. இன்று பெரும்பாலான ஸ்மார்ட்போன்கள் ஃபிளாஷ்லைட்டுடன் வருகின்றன. இருப்பினும், பல பயனர்கள் அத்தகைய ஆப்ஸை தனித்தனியாக பதிவிறக்கம் செய்கிறார்கள். ஒரு எளிய ஃபிளாஷ்லைட் அல்லது போன் கிளீனர் ஆப்ஸுக்கு இடம், சேமிப்பு மற்றும் இணைய அணுகல் போன்ற அனுமதிகளை கேட்கின்றன. இந்த செயலிகள் ஸ்மார்ட்போனை சுத்தம் செய்வதற்கு முன்பு பயனர்களின் டேட்டாவை கண்காணிப்பதில் கவனம் செலுத்துவதாக நிபுணர்கள் எச்சரிக்கின்றனர்.

4 / 5

ஃபோட்டோ எடிட்டிங், ஃபேஸ் ஃபில்டர் செயலிகள் ஆகியவை பயனர் தனியுரிமைக்கு ஆபத்தை ஏற்படுத்துகின்றன. இந்த செயலிகள் பெரும்பாலும் புகைப்படம் போன்ற முக்கியமான டேட்டாக்களை சேவையகங்களில் பதிவேற்றுகின்றன. இந்த டே்டா எப்போது, எப்படி நீக்கப்படுகிறது என்பது பெரும்பாலும் தெளிவாகத் தெரியவில்லை. முக அடையாளங்கள் தவறாகப் பயன்படுத்தப்பட்டால், அது பயனரின் டிஜிட்டல் அடையாளத்தை கடுமையாக சேதப்படுத்தும்.

5 / 5

எந்த செயலிகள் அதிகப்படியான அனுமதிகளை எடுத்துக்கொள்கின்றன என்பதை பயனர்கள் தாங்களாகவே சரிபார்க்கலாம். போன் செட்டிங்ஸில், எந்தெந்த செயலிகள் தொடர்ந்து லொகேஷன் அல்லது பின்னணியில் இணையத்தைப் பயன்படுத்துகின்றன என்பதைப் பார்க்க, பிரைவசி பிரிவைச் சரிபார்க்கவும். அவற்றின் செயலிகளுக்கு சம்மந்தமில்லாத அனுமதிகளைக் கொண்ட செயலிகளுக்கான அணுகலை கட்டுப்படுத்துவது சிறந்தது.