Children’s Day 2025: குழந்தைகள் தினத்தில் உங்கள் குழந்தைகள் உரையாற்ற ஆசையா? இப்படி பேசினால் ஆசிரியர்களும் ரசிகர்களாக மாறுவார்கள்!

குழந்தைகள் தினம்

ஒவ்வொரு ஆண்டும் நவம்பர் 14ம் தேதி நாடு முழுவதும் குழந்தைகள் தினம் மிகுந்த உற்சாகத்துடன் கொண்டாடப்படுகிறது. இந்தியாவின் முதல் பிரதமர் பண்டிட் ஜவஹர்லால் நேருவின் (Jawaharlal Nehru) பிறந்தாள் குழந்தைகள் தினமாக கொண்டாடப்படும். நேரு குழந்தைகள் மீது மிகுந்த பாசம் கொண்டிருந்தார். இந்த காரணத்திற்காக, நேருவின் மறைவுக்கு பிறகு, அவரது பிறந்தநாளை குழந்தைகள் தினமாக கொண்டாட நாடாளுமன்றத்தின் ஒரு தீர்மானம் நிறைவேற்றப்பட்டது. அப்போதிலிருந்து, ஒவ்வொரு ஆண்டும் நவம்பர் 14 குழந்தைகள் தினமாக (Children’s day 2025) கொண்டாடப்படுகிறது. இதுபோன்ற சூழ்நிலையில் பள்ளிகளில் பேச்சுப் போட்டிகள் ஏற்பாடு செய்யப்படுகின்றன. உங்கள் வீட்டு பிள்ளைகளும் உரை நிகழ்த்த போகிறீர்கள் என்றால், பெற்றோர்களுக்கு சில விஷயங்களை மனதில் கொள்ள வேண்டியவை.

நாடு முழுவதும் உள்ள பள்ளிகளுக்கு குழந்தைகள் தினம் ஒரு சிறப்பு சூழ்நிலையை கொண்டு வருகிறது. பள்ளிகள் குழந்தைகளுக்காக அர்ப்பணிக்கப்பட்ட பல்வேறு நிகழ்ச்சிகளை ஏற்பாடு செய்கின்றன. குழந்தைகள் தினத்தன்று, பள்ளிகளில் பேச்சுகள், நடனங்கள், விளையாட்டு மற்றும் கட்டுரை உள்ளிட்ட ஏராளமான போட்டிகளை நடத்துகின்றன. அதிக செயல்திறன் கொண்ட குழந்தைகளை ஊக்குவிக்க பரிசுகள் வழங்கப்படுகின்றன.

ALSO READ: இலங்கைதான் டூர் பிளான்.. சுற்றுலாவுக்கு குவியும் இந்தியர்கள்…. அப்படி என்னதான் ஸ்பெஷல்?

குழந்தைகள் தின உரை 2025:

மதிப்பிற்குரிய பள்ளி முதல்வர் ஐயா, அன்புள்ள ஆசிரியர்களே மற்றும் எனது அன்பு நண்பர்கள் அனைவருக்கும் குழந்தைகள் தின நல்வாழ்த்துகள்..

இன்று குழந்தைகளுக்கு மிகவும் சிறப்பு வாய்ந்த மற்றும் மகிழ்ச்சியான நாள், ஏனென்றால் இன்று நவம்பர் 14. இந்த நாள் நாடு முழுவதும் குழந்தைகள் விழாவாக கொண்டாடப்படுகிறது. இந்த நாளில்தான் நமது நாட்டின் முதல் பிரதமர் ஜவஹர்லால் நேரு பிறந்தார். நாம் அனைவரும் அவரை “நேரு மாமா” என்று அன்பாக அழைத்தோம். நேரு குழந்தைகளை மிகவும் நேசித்தார். அவர்களுடன் விளையாடுவதையும், அவர்கள் சொல்வதை கேட்பதை அதிகமாக விரும்பினார்.

குழந்தைகளுக்கு சரியான பராமரிப்பு, அன்பு மற்றும் கல்வி வழங்கப்பட்டால், சிறந்த தேசத்தை உருவாக்க முடியும் என்று நேரு சொல்வார். இன்றைய குழந்தைகள்தான் நாளைய இந்தியா என்று நேரு மாமா நம்பினார். இதை கேட்டதும் எங்களுக்கு மிகவும் மகிழ்ச்சியாகவும் பெருமையாகவும் இருக்கிறது. அதாவது, நமது நாட்டின் எதிர்காலம், அதன் முன்னேற்றம் மற்றும் செழிப்பு நம் ஒவ்வொருவரையும் சார்ந்துள்ளது. நாம் அனைவரும் வளர்ந்து மருத்துவர்கள், பொறியாளர்கள், ஆசிரியர்கள், விஞ்ஞானிஅக்ள் அல்லது நமது நாட்டிற்கு சேவை செய்யும் வீரர்களாக மாறுவோம். எனவே, நாம் அனைவரும் நமது பொறுப்புகளை புரிந்துகொள்வது மிகவும் முக்கியம்.

குழந்தைகள் தினம், ஒவ்வொரு குழந்தைக்கும் நல்ல கல்வி, நல்ல ஆரோக்கியம் மற்றும் அனைத்து வகையான சுரண்டல்களிலிருந்தும் பாதுகாப்பு பெறுவதற்கான உரிமை உண்டு என்பதை நமக்கு நினைவூட்டுகிறது. இந்த சிறப்பு நாளில் நாம் அனைவரும் கடினமாக படித்து நமது அறிவை விரிவுபடுத்துவோம் என்று உறுதிமொழி எடுப்போம். நாம் எப்போதும் பெரியவர்களை மதிப்போம், நமது ஆசிரியர்களுக்கு கீழ்ப்படிவோம். நேரு மாமா விரும்பியபடி, அனைத்து மதங்கள் மற்றும் நம்பிக்கைகளை சேர்ந்த மக்களுடனும் அன்பையும் நட்பையும் பேணுவோம். நாம் எப்போதும் உண்மையை பேசுவோம், நேர்மையாக செயல்படுவோம்.

ALSO READ: 75 வயதிலும் சுறுசுறுப்பு.. போகும் இடமெல்லாம் உற்சாகம்.. பிரதமர் மோடியின் உடற்தகுதி ரகசியம் என்ன..?

நாங்கள் பெரியவர்களாகும்போது, நேரு மாமா முழு தேசமும் பெருமைப்படும் ஒரு இந்தியாவை உருவாக்குவோம் என்று உறுதியளிக்கிறோம். வளமான, வலிமையான மற்றும் ஒன்றுப்பட்ட இந்தியாவை உருவாக்குவோம். இந்த நாளை நாம் அனைவரும் மகிழ்ச்சியுடன் கொண்டாடி நேரு மாமாவை நினைவு கூர்வோம்.

எனக்கு வாய்ப்பளித்த அனைவருக்கும் நன்றி..!

ஜெய் ஹிந்த்..!