அரங்கம் அதிரட்டுமே… கூலி படத்தின் ஷூட்டிங் ஸ்பாட் வீடியோவை வெளியிட்ட படக்குழு

நடிகர் ரஜினிகாந்தின் (Actor Rajinikanth) நடிப்பில் இறுதியாக திரையரங்குகளில் வெளியான படம் வேட்டையன். இந்தப் படத்தைத் தொடர்ந்து நடிகர் ரஜினிகாந்த் இயக்குநர் லோகேஷ் கனகராஜ் (Director Lokesh Kanagaraj) உடன் கூட்டணியை அறிவித்தார். இந்தப் படத்தின் அறிவிப்பு வெளியானதில் இருந்தே ரசிகர்கள் இந்தப் படத்தின் மீதான எதிர்பார்ப்பை வெளிப்படுத்தி வருகின்றனர். இந்த நிலையில் படம் குறித்து படக்குழு தொடர்ந்து அப்டேட்களை வெளியிட்டு வருகின்றது. முன்னதாக படத்தில் நடிக்கும் நடிகர்கள் யார் யார் என்பதை போஸ்டருடன் படக்குழு வெளியிட்டது. அந்தப் போஸ்டரைப் பார்க்கும் போது அதில் பான் இந்திய அளவில் நடிகர்கள் இந்தப் படத்தில் நடிப்பது உறுதியானது. இவர்கள் அனைவரும் கேமியோ ரோலில் இல்லை படத்தின் கதாப்பாத்திரங்களாகவே நடிக்கின்றனர் என்று இயக்குநர் லோகேஷ் கனகராஜ் சமீபத்திய பேட்டி ஒன்றில் தெரிவித்தார்.

இந்தப் படத்தில் சூப்பர் ஸ்டார் நடிகர் ரஜினிகாந்த் உடன் இணைந்து நடிகர்கள் நாகார்ஜுனா, உபேந்திரா ராவ், சௌபின் ஷாகிர், சத்யராஜ் மற்றும் ஸ்ருதி ஹாசன் உடன் இணைந்து பலர் இந்தப் படத்தில் நடித்துள்ளனர். படம் கேங்ஸ்டர் தொடர்பான கதை என்று முன்னதாக சினிமா வட்டாரங்களில் தகவல்கள் வைரலானது குறிப்பிடத்தக்கது.

கூலி படக்குழு வெளியிட்ட எக்ஸ் தள பதிவு:

என்னைக்கும் கொறையாத மவுசு💥 #PowerHouseVibe is now available on Instagram & YT Shorts Audio🔊#Coolie worldwide from August 14th 😎@rajinikanth @Dir_Lokesh @anirudhofficial @iamnagarjuna @nimmaupendra #SathyaRaj #SoubinShahir @shrutihaasan @hegdepooja @anbariv @girishganges… pic.twitter.com/IRVk8scxQx

— Sun Pictures (@sunpictures) May 23, 2025

கூலி படத்தின் ரிலீஸ் அப்டேட்:

இயக்குநர் லோகேஷ் கனகராஜ் இயக்கத்தில் நடிகர் ரஜினிகாந்த் நடிப்பில் உருவாகியுள்ள இந்த கூலி படம் வருகின்ற ஆகஸ்ட் மாதம் 14-ம் தேதி 2025-ம் ஆண்டு திரையரங்குகளில் வெளியாகவுள்ளது. முன்னதாக இந்தப் படத்தின் வெளியீட்டிற்கான 100 நாட்கள் கவுண்டன் வீடியோ ஒன்றை படக்குழு வெளியிட்டிருந்தது. அது ரசிகர்களிடையே வைரலானது.

இந்த நிலையில் தற்போது படத்தில் இருந்து ஷூட்டிங் ஸ்பாட் வீடியோவை வெளியிட்டுள்ளது. அதில் ரஜினிகாந்தின் பல காட்சிகள் இடம் பெற்றுள்ளது ரசிகர்களிடையே வரவேற்பைப் பெற்று வருகின்றது. மேலும் இந்தப் படத்தில் இருந்து என்னைக்கும் கொறையாத மவுசு என்ற பாடல் அந்த வீடியோவில் ஒளிக்கின்றது.

நடிகர் ரஜினிகாந்தின் இந்த கூலி படத்திற்கு இசையமைப்பாளர் அனிருத் ரவிசந்திரன் இசையமைத்துள்ளார். முன்னதாக இவர் ரஜினிகாந்தின் படங்களுக்கு இசையமைத்த பாடல்கள் அனைத்தும் ரசிகர்களிடையே நல்ல வரவேற்பைப் பெற்றது போல இந்தப் படத்தின் பாடல்களும் நல்ல வரவேற்பைப் பெரும் என்று எதிர்பார்க்கப்படுகின்றது.