Pradeep Ranganathan: டைட்டிலே மாஸ்.. பிரதீப் ரங்கநாதனின் அடுத்தப்படம் ரிலீஸ் அப்டேட்!

பிரதீப் ரங்கநாதனின் புதிய படம்

இயக்குநர் அஸ்வத் மாரிமுத்துவின் இயக்கத்தில், நடிகர் பிரதீப் ரங்கநாதன் (Pradeep Ranganathan) இறுதியாக நடித்திருந்த படம் டிராகன் (Dragon). இந்த படமானது எதிர்பாராத வரவேற்பைப் பெற்று சூப்பர் ஹிட்டானது. இந்த படத்தில் அவருக்கு ஜோடியாக நடிகை கயாடு லோஹர் (Kayadu Lohar) நடித்து  அசத்தியிருந்தார். இந்த படத்தைத் தொடர்ந்து நடிகர் பிரதீப் ரங்கநாதன், இயக்குநர் விக்னேஷ் சிவன் இயக்கத்தில் லவ் இன்சூரன்ஸ் கம்பெனி (Love Insurance Kompany) என்ற திரைப்படத்தில் நடித்து வந்தார். இந்த படத்தில் அவருக்கு ஜோடியாக, டோலிவுட் பிரபல நடிகை கிருத்தி ஷெட்டி நடித்துள்ளார். இந்த படத்தின் கதைக்களமானது முற்றிலும் மாறுபட்ட விதத்தில் உருவாகியுள்ளது. தொடர்ந்து இளம் நடிகைகளுடன் ஜோடியாக அடுத்தடுத்த படங்களில் ஹீரோவாக நடித்து வருகிறார் பிரதீப் ரங்கநாதன். இந்நிலையில் இவரின் முன்னணி நடிப்பில் 4வது திரைப்படம் உருவாகிவருகிறது.

இந்தப் படத்தை குட் பேட் அக்லி படத்தை தயாரித்தது மைத்ரி மூவி மேக்கர்ஸ் நிறுவனம் தயாரிக்கிறது. மேலும் இந்த படத்தைச் சுதா கொங்கராவின் உதவி இயக்குநர் கீர்த்தீஸ்வரன் (Keerthiswaran) இயக்கி வருகிறார். இவர் இந்தப் படத்தின் மூலம் இயக்குநராக அறிமுகமாகியுள்ளார் என்பது குறிப்பிடத்தக்கது.

இந்த படத்தின் தொடர்பான அறிவிப்புகள் சமீபத்தில் வெளியான நிலையில், தற்போது இந்த படத்தின் டைட்டிலை படக்குழு வெளியிட்டுள்ளது. பிரதீப் ரங்கநாதன் மற்றும் மமிதா பைஜூ ஜோடியாக நடிக்கும் இந்த படத்திற்கு “டியூட்” (DUDE)என்ற டைட்டிலை வைத்துள்ளனர். தற்போது இந்த செய்தியின் இணையத்தில் தீயாகப் பரவி வருகிறது.

பிரதீப் ரங்கநாதன் வெளியிட்ட எக்ஸ் பதிவு :

நடிகர் பிரதீப் ரங்கநாதனின் 4வது திரைப்படத்திற்குப் படக்குழு டியூட் என்ற டைட்டிலை வைத்துள்ளது. இந்த படத்தினை ஆரம்பத்தில் பிஆர்04 என்று அனைவரும் அழைத்துவந்த நிலையில், படக்குழு டைட்டிலை வெளியிட்டுள்ளது. மேலும் இந்த படமானது வரும் 2025ம் ஆண்டு தீபாவளி பண்டிகையை முன்னிட்டு வெளியாகும் என்று படக்குழு அறிவித்துள்ளது. இந்த திரைப்படத்தில் நடிகர் பிரதீப் ரங்கநாதனுக்கு ஜோடியாக நடிகை மமிதா பைஜூ நடித்தது வருகிறார். இவர் தற்போது தமிழில் விஜய்யின் ஜன நாயகன் படத்திலும் நடித்து வருகிறார் என்பது குறிப்பிடத்தக்கது.

அறிமுக இயக்குநர் கீர்த்தீஸ்வரன் இயக்கத்தில் உருவாகிவரும் இந்த படத்திற்கு, இளம் இசையமைப்பாளர் சாய் அப்யங்கர் இசையமைத்து வருகிறார். இவர் இந்த படத்தைத் தொடர்ந்து சூர்யாவின் 45வது படம், STR 49, பென்ஸ் போன்ற படங்களுக்கும் இசையமைத்து வருகிறார் என்பது குறிப்பிடத்தக்கது.

இந்த படத்தில் நடிகர்கள் சரத்குமார்  ஹிருத்து ஹூரான் போன்ற பிரபலங்கள் நடித்து வருகின்றனர். இந்நிலையில் நடிகர் பிரதீப் ரங்கநாதனின் லவ் இன்சூரன்ஸ் கம்பெனி திரைப்படமும் 2025 தீபாவளி பண்டிகையை முன்னிட்டு வெளியாகவுள்ளதாகக் கூறப்படும் நிலையில், தற்போது ரசிகர்கள் மத்தியில் குழப்பத்தை ஏற்படுத்தியுள்ளது. இதைத் தொடர்ந்து லவ் இன்சுரன்ஸ் கம்பெனி படத்தின் ரிலீஸ் தேதியும் வெளியாகும் என்று எதிர்பார்க்கப்படுகிறது.