புகழ்பெற்ற கோவில்களில் ரீல்ஸ் சர்ச்சை: மரியாதை மீறலா அல்லது சுதந்திரமா?

தஞ்சாவூர் மே 02: அண்மைக்காலமாக தமிழகத்தில் உள்ள புகழ் பெற்ற கோவில்களில் இளைஞர்கள் திரைப்பட பாடல்களுக்கு ரீல்ஸ் எடுக்கும் சம்பவங்கள் அதிகரித்து வருகிறது. தஞ்சை பெரியகோவிலில் (Tanjore Big Temple) இளம் பெண்கள் நடனம் ஆடிய ரீல்ஸ் வீடியோ (Reels Video Viral) வைரலாகி, கடும் விமர்சனங்களை ஏற்படுத்தியுள்ளது. இது கோவிலின் மரியாதையை மீறுவதாகக் கூறி, போலீஸ் விசாரணை தொடங்கப்பட்டது. இதேபோன்ற சம்பவங்கள் நெல்லை, திருச்செந்தூர், சென்னை கோவில்களிலும் நடந்துள்ளன. கோவில் நிர்வாகங்கள் ரீல்ஸ் எடுப்பதை கண்டித்து, பக்தி உணர்வை காக்க வேண்டுகோள் விடுத்துள்ளன. சமூக வலைதள பிரபலம் என்பது காரணமாக புனித இடங்களில் இளைஞர்கள் செயற்படுவது கலாசார ஒழுங்கை பாதிக்கிறது. இது, மரியாதை மற்றும் சமூக பொறுப்பு குறித்து சிந்திக்கவைக்கும் நிகழ்வாகும்.

தஞ்சை பெரியகோவிலில் முகம் சுளிக்கவைக்கும் ரீல்ஸ்

தமிழர்களின் கலாச்சாரம், கலைவழிபாடு மற்றும் சிற்ப பாரம்பரியத்தின் சான்றாக விளங்கும் தஞ்சை பெரியகோவிலில் சமீபத்தில் இரண்டு இளம் பெண்கள் எடுத்த ‘ரீல்ஸ்’ வீடியோ சமூக வலைதளங்களில் வைரலானது. இந்த வீடியோவில், கோவிலின் நுழைவாயிலில் நடனம் ஆடும் காட்சிகள் இடம்பெற்றிருந்தன. இது, பக்தர்களிடையே கடும் எதிர்வினையை ஏற்படுத்தி, காவல்துறையினர் விசாரணை மேற்கொள்வதற்கான கட்டாயத்தை உருவாக்கியது.

புனித இடங்களின் மீது மரியாதை தவறும் செயலா?

பொதுவாக, கோவில்கள் மற்றும் புனித இடங்களில் செல்போன்கள், கேமிரா போன்ற சாதனங்களை கொண்டு செல்வது கட்டுப்படுத்தப்பட்டுள்ளது. இருந்தாலும், சில இளைஞர்கள் சமூக வலைதள பிரபலமாவதற்காக, இவை மீறி ரீல்ஸ் வீடியோ எடுத்து பதிவிடுகின்றனர். இது பக்தி உணர்வை களையக்கூடிய செயல் என்று, சமூகத்தில் பலரும் கண்டனம் தெரிவிக்கின்றனர்.

நெல்லை கோவிலில் தொடங்கிய சர்ச்சை

இதேபோல, திருநெல்வேலியில் உள்ள நெல்லையப்பர் – காந்திமதி அம்மன் கோவிலில், சிறுவர்கள் நடனம் ஆடிய வீடியோ இன்ஸ்டாகிராமில் பதிவானது. இதும் பெரும் விமர்சனத்தை ஏற்படுத்தியது. கோவில் நிர்வாகி சைபர் கிரைம் போலீசில் புகார் அளித்தார். பின்னர், சம்பந்தப்பட்ட மாணவர்கள் வீடியோவை நீக்கி, மன்னிப்பு கேட்டனர்.

முந்தைய சம்பவங்கள் – தொடரும் பாரம்பரியக்கேடு

இதேபோன்ற ரீல்ஸ் சம்பவங்கள் திருச்செந்தூர் முருகன் கோவில், சென்னை கபாலீஸ்வரர் கோவில்களில் நிகழ்ந்துள்ளன. ஒவ்வொரு முறைதோறும், சம்பந்தப்பட்ட நபர்கள் மன்னிப்பு கேட்கும் நிலை உருவாகியுள்ளது. இது தொடர்ச்சியாக ஒரு கலாசார மற்றும் ஒழுக்க நடைமுறையை கேள்விக்குள்ளாக்கும் நிலையில் உள்ளது.

கோவிலுக்கு வரும் பக்தர்கள் பக்தியுடன் நடந்து கொள்ள வேண்டுகோள்

கோவில் நிர்வாகம், பக்தர்களுக்கும், இளைஞர்களுக்கும் ஒரு உறுதியான வேண்டுகோளை வெளியிட்டுள்ளது:
“கோவில் என்பது ஒரு பக்திப் புனித இடம். அதில் பொது ஒழுங்கு மற்றும் மரியாதையை மீறும் வகையில் புகைப்படம் அல்லது வீடியோ எடுப்பது தவறாகும். சமூக வலைதளங்களில் பிரபலமாவது என்பதற்காக, பக்தி உணர்வை துஷ்பிரயோகம் செய்யவேண்டாம்.” என கேட்டுக்கொள்ளப்பட்டுள்ளது.

கலாசார ஒழுங்குக்கும் சமூக பொறுப்புக்கும் இடையிலான மோதல்

இந்தச் சம்பவங்கள், சமூக வலைதளங்கள் மற்றும் பாரம்பரிய இடங்களின் புனிதத்தை அவமதிப்பதாக சுட்டிக்காட்டுகின்றன. இளம் தலைமுறையின் செயல்கள், சமூக ஒழுக்கநெறிகளையும், பக்தி மரியாதையையும் புறக்கணிக்கக் கூடாது என்பது நினைவூட்டப்படுகிறது.