Benefits of Drinking Water: வெறும் வயிற்றில் தண்ணீர் குடிப்பதால் ஏற்படும் நன்மைகள்!
Benefits of Drinking Water : நம்மில் பலரும் ஒரு நாளை காபி அல்லது டீயுடன் தான் துவங்குகிறோம். இது நமக்கு புத்துணர்ச்சி அளித்தாலும் உடல் ஆரோக்கியத்திற்கு அது தீங்கு விளைவிக்கும். அதற்கு பதிலாக வெறும் வயிற்றில் தண்ணீர் அருந்துவதால் ஏற்படும் நன்மைகள் குறித்து இந்த கட்டுரையில் பார்க்கலாம்.
மாதிரி புகைப்படம்
நம்மில் பலர் நாளை டீ (Tea) அல்லது காபி (Coffee) குடிப்பதன் மூலம் தொடங்குகிறோம். பலருக்கும் டீ குடித்தால் தான் அன்றைய நாளே தொடங்கும். இது ஒரு பக்கம் நமக்கு புத்துணர்ச்சி அளித்தாலும் நம் உடல் ஆரோக்கியத்தில் மோசமான விளைவுகளை ஏற்படுத்தும். மேலும் வெறும் வயிற்றில் டீ, காபி குடிப்பதால் அமில உற்பத்தியைத் தூண்டும். இதனைத் தவிர்க்க, தண்ணீர் (Water) குடித்து நாளைத் தொடங்குவது ஆரோக்கியத்திற்கு மிகவும் நன்மை பயக்கும். உடலில் நீர்ச்சத்து குறையும் போது சோர்வு மற்றும் இரத்த சோகை ஏற்படும். எனவே, காலையில் எழுந்தவுடன் ஒரு கிளாஸ் தண்ணீர் குடிப்பது உங்கள் உடலில் நீர் சத்து குறையாமல் வைத்திருக்க உதவும். இது உங்களை உற்சாகமாக வைத்திருக்கவும் உதவுகிறது. இது நீரிழப்பு காரணமாக ஏற்படும் பல பிரச்னைகளைத் தடுக்கவும் உதவும்.
காலையில் வெறும் வயிற்றில் தண்ணீர் குடிப்பதால் ஏற்படும் நன்மைகள்
காலையில் வெறும் வயிற்றில் தண்ணீர் குடிப்பதும் செரிமானத்தை எளிதாக்க உதவும். இது குடல் இயக்கங்களை மேம்படுத்துவதிலும், பிற செரிமான பிரச்னைகளைப் போக்குவதிலும் நன்மை பயக்கும். இந்தப் பழக்கம் குடல் ஆரோக்கியத்திற்கும் மிகவும் நல்லது. உடல் எடையை குறைக்க விரும்புவோர், அதிகாலையில் ஒரு கிளாஸ் தண்ணீர் குடிக்கும் பழக்கத்தை ஏற்படுத்துவதும் நன்மை பயக்கும். இந்தப் பழக்கம் சரும ஆரோக்கியத்தை மேம்படுத்துவதற்கும் மிகவும் நல்லது.
இது சருமத்தை பிரகாசமாக்குகிறது மற்றும் முகப்பரு மற்றும் கரும்புள்ளிகளை நீக்கி முகத்தை பளபளப்பாக்குகிறது. இந்தப் பழக்கம் உடலில் இருந்து நச்சுகளை அகற்றவும் உதவும். இது உடலில் உள்ள நச்சுக்களை வெளியேற்ற உதவுவது மட்டுமல்லாமல், உடலில் இருந்து வைரஸ்களையும் அகற்ற உதவும். எழுந்தவுடன் உடனடியாக ஒரு கிளாஸ் தண்ணீர் குடிப்பதும் உங்கள் நோய் எதிர்ப்பு சக்தியை மேம்படுத்த உதவும். இந்தப் பழக்கம் மூளை ஆரோக்கியத்திற்கும் நல்லது. இது மூளையின் செயல்பாட்டை நல்ல நிலையில் பராமரிக்கிறது.
தலைமுடியை பாதுகாக்கும்
இந்தப் பழக்கம் இரத்த ஓட்டம் மற்றும் வளர்சிதை மாற்றத்தை மேம்படுத்துவதிலும் நன்மை பயக்கும். வெறும் வயிற்றில் தொடர்ந்து தண்ணீர் குடிப்பது சிறுநீரக கற்கள் ஏற்படும் அபாயத்தையும் குறைக்கிறது. எழுந்தவுடன் உடனடியாக தண்ணீர் குடிப்பதும் உங்கள் தலைமுடிக்கு மிகவும் நன்மை பயக்கும். போதுமான தண்ணீர் இல்லாதபோது முடி உதிர்தல் மற்றும் பிற பிரச்சினைகள் ஏற்படுகின்றன. எனவே, பகலில், குறிப்பாக எழுந்தவுடன் தண்ணீர் குடிக்கும் பழக்கத்தை ஏற்படுத்திக் கொள்ளுங்கள்.
(Disclaimer : இணையத்தில் இருந்து சேகரிக்கப்பட்ட தகவல்களின் அடிப்படையில் இந்த விவரங்கள் கொடுக்கப்பட்டுள்ளன. உள்ளடக்கங்கள் தகவலுக்காக மட்டுமே. முயற்சிக்கும் முன் தொடர்புடைய நிபுணர்களின் ஆலோசனையைப் பெறவும். எந்த விளைவுகளுக்கும் TV9Tamil பொறுப்பேற்காது.)