மலையாளத்தில் மிஸ் பன்னாமல் பார்க்க வேண்டிய ஃபீல் குட் படங்கள்

படங்கள்

சுலைகா மன்ஸில்: இயக்குநர் அஷ்ரஃப் ஹம்சா இயக்கத்தில் வெளியான படம் சுலைகா மன்ஸில் (Sulaikha Manzil). இந்தப் படத்தில் நடிகர்கள் லுக்மான் அவரன், அனார்கலி மரிக்கார் மற்றும் செம்பன் வினோத் ஜோஸ் ஆகியோர் முக்கியகதாப்பாத்திரத்தில் நடித்திருந்தனர். இரண்டு இஸ்லாமிய குடும்பங்களில் திருமணத்தை சுற்றி நடக்கும் கதையை ரொமாண்டிக் காமெடி பாணியில் எடுத்திருந்தார் இயக்குநர். இந்தப் படத்திற்கு இசையமைப்பாளர் விஷ்ணு விஜய் இசையமைத்திருந்தார். இந்தப் படத்தில் பாடல்கள் அனைத்தும் சூப்பர் டூப்பர் ஹிட் அடித்தது. 21-ம் தேதி ஏப்ரல் மாதம் 2023-ம் ஆண்டு திரையரங்குகளில் வெளியான இந்தப் படம் ரசிகர்களிடையே விமர்சன ரீதியாகவும் வசூல் ரீதியாகவும் நல்ல வரவேற்பைப் பெற்றது குறிப்பிடத்தக்கது. இந்தப் படம் தற்போது ஹாட் ஸ்டார் ஓடிடியில் காணக் கிடைக்கின்றது.

ஹிருதயம்: இயக்குநர் வினீத் ஸ்ரீநிவாசன் எழுதி இயக்கியுள்ள படம் ஹிருதயம். இந்தப் படத்தில் நடிகர்கள் பிரணவ் மோகன்லால், கல்யாணி பிரியதார்ஷன், தர்ஷனா ஆகியோர் முக்கிய கதாப்பாத்திரத்தில் நடித்திருந்தனர். 21-ம் தேதி ஜனவரி மாதம் 2022-ம் ஆண்டு திரையரங்குகளில் வெளியான இந்தப் படம் தற்போது ஹாட் ஸ்டார் ஓடிடியில் காணக் கிடைக்கின்றது.

ப்ரோ டாடி: நடிகர் பிருத்விராஜ் சுகுமாரன் இயக்கி நடித்துள்ள படம் ப்ரோ டாடி. இந்தப் படத்தில் நடிகர் பிருத்விராஜ் சுகுமாரன் உடன் இணைந்து நடிகர்கள் மோகன்லா, கல்யாணி பிரியதர்ஷன், மீனா, லாலு அலெக்ஸ் , கனிஹா , ஜெகதீஷ் , மல்லிகா சுகுமாரன், சௌபின் ஷாஹிர் , உன்னி முகுந்தன் ஆகியோர் முக்கிய கதாப்பாத்திரத்தில் நடித்திருந்தனர். இந்தப் படம் தற்போது ஹாட்ஸ்டார் ஓடிடியில் காணக் கிடைக்கின்றது.

வரனே அவஷ்யமுண்டு: இயக்குநர் அனூப் சத்யன் எழுதி இயக்கியுள்ள படம் வரனே அவஷ்யமுண்டு. இந்தப் படத்தில் நடிகர்கள் துல்கர் சல்மான் மற்றும் கல்யாணி பிரியதர்ஷன் முன்னணி வேடத்தில் நடித்திருந்த நிலையில் இவர்களுடன் இணைந்து நடிகர்கள் சுரேஷ் கோபி, சோபனா, ஊர்வசி என பலர் இந்தப் படத்தில் நடித்திருந்தனர்.

இந்தப் படம் பிப்ரவரி மாதம் 7-ம் தேதி 2020-ம் ஆண்டு திரையரங்குகளில் வெளியானது. இந்தப் படம் ரசிகர்களிடையே விமர்சன ரீதியாக வரவேற்பைப் பெற்றது. இந்த நிலையில் இந்தப் படம் தற்போது சன் நெக்ஸ்ட் ஓடிடியில் காணக் கிடைக்கின்றது.

தண்ணீர் மதன் தினங்கள்: இயக்குநர் கிரிஷ் எழுதி இயக்கியுள்ள படம் தண்ணீர் மாத்தான் தினங்கள். இந்தப் படத்தில் நடிகர்கள் வினீத் ஸ்ரீநிவாசன், மேத்யூ தாமஸ், அனஸ்வரா ராஜன் ஆகியோர் முக்கிய கதாப்பாத்திரத்தில் நடித்திருந்தனர். இந்தப் படம் 29-ம் தேதி ஜூலை மாதம் 2019-ம் ஆண்டு திரையரங்குகளில் வெளியாகி ரசிகர்களிடையே நல்ல வரவேற்பைப் பெற்றது. இந்தப் படம் தற்போது அமேசான் ப்ரைம் ஓடிடியில் காணக் கிடைக்கின்றது.