ஆண்டவன் இருக்கான்…. கூலி படம் குறித்து ரஜினிகாந்த் பேட்டி!

கூலி படத்தின் இசை வெளியீட்டு விழா, ஆகஸ்ட் 2, 2025 அன்று சென்னையில் உள்ள நேரு ஸ்டேடியத்தில் நடைபெற்று வருகிறது. இந்த நிலையில் இசை வெளியீட்டு விழாவுக்கு நடிகர் ஆமிர்கான், கை முழுவதும் டாட்டூவுடன் மாஸ் லுக்கில் வந்தார். இந்த வீடியோவை சன் பிக்சர்ஸ் நிறுவனம் வெளியிட்டுள்ளது.

சன் பிக்சர்ஸ் வெளியிட்ட ஆமிர்கானின் வீடியோ

கூலி படத்தின் இசை வெளியீட்டு விழாவில் பேசிய இசையமைப்பாளர் அனிருத் ,  லோகேஷ் கனராஜ் படங்கள் எனக்கு மிகவும் பிடிக்கும். அவர், தலைவர் ரஜினிகாந்த்தை வைத்து படம் இயக்க வேண்டும் என நினைத்தேன். இதற்காக ரஜினிகாந்த்திற்கு மெசேஜ் அனுப்பினேன் என்று பேசியுள்ளார்.

கூலி பட டிரெய்லர் ஆகஸ்ட் 2, 2025 அன்று வெளியாகி வைரலாகி வருகிறது. இந்தப் படத்தின் டிரெய்லரில் நடிகர் ரஜினிகாந்த், ஸ்ருதி ஹாசனிடம், உன் அப்பா எனக்கு நண்பன் என பேசும் வசனம் ரசிகர்களைக் கவர்ந்துள்ளது. அவர் மறைமுகமாக நடிகர் கமல்ஹாசனை குறிப்பிடுவதாக கருத்து தெரிவித்து வருகின்றனர்.

Read More… 

கூலி படத்தின் இசை வெளியீட்டு விழா ஆகஸ்ட் 2, 2025 அன்று நடைபெற்று வருகிறது. இந்த நிலையில் நிகழ்வில் பேசிய நடிகை ஸ்ருதி ஹாசன், லோகேஷிற்கு நன்றி தெரிவித்தார். அவரது பதிவில், லோகேஷ் கனகராஜ் சிறந்த இயக்குநர், எனக்கு இந்த ப்ரீத்தி கதாப்பாத்திரத்தை கொடுத்தற்கு நன்றி. அதே போல எனது அப்பாவுக்கு விக்ரம் படம் கொடுத்தற்கு நன்றி என்று பேசினார்.

நடிகர் கமல்ஹாசன் தனது இன்ஸ்டாகிராம் பக்கத்தில் தனது போட்டோவை பகிர்ந்து, நான் உட்பக்கமாகவும் ஒளிர்கிறேன். வழிகாட்டிகளுக்கு நன்றி என குறிப்பிட்டுள்ளார். இந்த பதிவு ரசிகர்களிடையே வைரலாகி வருகிறது.

கமல்ஹாசனின் இன்ஸ்டாகிராம் பதிவு

குட் பேட் அக்லி படத்துக்கு பிறகு மீண்டும் இயக்குநர் ஆதிக் இயக்கத்தில் அஜித் குமார் நடிக்கிருக்கிறார். இதனை சமீபத்தில் அளித்த பேட்டியில் ஆதிக் உறுதி செய்திருக்கிறார். இந்தப் படத்துக்கு அனிருத் இசையமைக்கவுள்ளதாக தற்போது தகவல் வெளியாகியுள்ளது. இந்தப் படத்தை ரோமியோ பிக்சர்ஸ் நிறுவனம் தயாரிக்கிறது.

நீண்ட இடைவேளைக்கு பிறகு நடிகர் ரஜினிகாந்த்துடன் இணைந்து நடிகர் சத்யராஜ் கூலி படத்தில் நடித்துள்ளார். இந்தப் படத்தில் அவர் வில்லனாக நடித்துள்ளதாக கூறப்படுகிறது. இந்த நிலையில் ஆகஸ்ட் 2, 2025 அன்று இந்தப் படத்தின் இசை வெளியீட்டு விழா நடைபெறும் நிலையில் அவர் விழா அரங்கிற்கு வரும் காட்சிகள் சமூக வலைதளங்களில் வெளியாகியுள்ளது.

ஹெச்.வினோத் இயக்கத்தில் தளபதி விஜய் நடித்துள்ள ஜனநாயகன் திரைப்படம் 2026 ஆம் ஆண்டு பொங்கலை முன்னிட்டு திரையரங்குகளில் வெளியாகவுள்ளது. இது நடிகர் விஜய்யின் கடைசி படம் என்பதால் அவரது ரசிகர்கள் மிகுந்த எதிர்பார்ப்புடன் காத்திருக்கிறார்கள். இந்த நிலையில் இந்தப் படத்தில் தான் விஞ்ஞானி வேடத்தில் நடித்திருப்பதாக நரேன் ஒரு பேட்டியில் தெரிவித்திருக்கிறார்.

லோகேஷ் கனகராஜ் இயக்கத்தில் ரஜினிகாந்த் நடித்துள்ள கூலி திரைப்படம் ஆகஸ்ட் 14, 2025 அன்று திரையரங்குகளில் வெளியாகவுள்ளது. இந்தப் படத்துக்கு தணிக்கைத் துறை A சான்றிதழ் வழங்கியுள்ளது. இந்த நிலையில் இந்தப் படத்தின் ரன் டைம் 2 மணி நேரம் 48 நிமிடங்கள் என தகவல் வெளியாகியுள்ளது.

கூலி பட இசை வெளியீட்டு விழா சென்னையில் உள்ள நேரு விளையாட்டு அரங்கில் மாலை நடைபெறவிருக்கிறது. இந்த நிலையில் இந்த நிகழ்வில் பங்கேற்க தனது வீட்டில் இருந்து கிளம்பிய நடிகர் ரஜினிகாந்த் செய்தியாளர்களை சந்தித்தார். அப்போது பேசிய  அவர், ரசிகர்களைப் போலவே எனக்கும் எதிர்பார்ப்பு இருக்கு. ஆண்டவன் இருக்கான் என்று தெரிவித்துள்ளார்.

லோகேஷ் கனகராஜ் இயக்கத்தில் சூப்பர் ஸ்டார் ரஜினிகாந்த், நாகார்ஜுனா, ஆமிர்கான், சத்யராஜ், உபேந்திரா, சௌபின் சாஹிர், ஸ்ருதி ஹாசன் உள்ளிட்டோர் நடித்துள்ள கூலி படத்தின் இசை வெளியீட்டு விழா ஆகஸ்ட் 2, 2025 அன்று வெளியாகிறது. இந்த நிலையில் இந்தப் படத்தின் பாடல்களை சன் பிக்சர்ஸ் நிறுவனம் வெளியிட்டுள்ளது.

கூலி படத்தின் பாடல்களை வெளியிட்ட சன் பிக்சர்ஸ்

ஜவான் படத்துக்காக நடிகர் ஷாருக்கானுக்கு சிறந்த நடிகருக்கான தேசிய விருது அறிவிக்கப்பட்டிருந்தது. இதனையடுத்து அட்லி உள்ளிட்ட ஜவான் படக்குழுவுக்கும், தனது ரசிகர்களுக்கும் நன்றி தெரிவித்து நடிகர் ஷாருக்கான் வீடியோ வெளியிட்டிருந்தார். இந்த நிலையில் அவருக்கு இசையமைப்பாளர் ஏ.ஆர்.ரஹ்மான் தனது எக்ஸ் பக்கத்தில், லெஜண்ட், வாழ்த்துகள் என குறிப்பிட்டுள்ளார்.

மத்திய அரசு சார்பில் 71வது தேசிய விருதுகள் கடந்த ஆகஸ்ட் 1, 2025 அன்று அறிவிக்கப்பட்டது. தமிழில் கடந்த 2003 ஆம் ஆண்டு வெளியான பார்க்கிங் படத்துக்கு சிறந்த தமிழ் படம், சிறந்த திரைக்கதை, சிறந்த துணை நடிகர் என்ற விருது எம்.எஸ்.பாஸ்கருக்கு விருது அறிவிக்கப்பட்டது. இந்த நிலையில் அதிமுக பொதுச்செயலாளர் எடப்பாடி பழனிசாமி பார்க்கிங் படக்குழுவுக்கு வாழ்த்து தெரிவித்துள்ளார்.

கூலி படம் தொடர்பாக சமீபத்தில் ஒரு பேட்டியில் நடிகர் சத்யராஜ் குறித்து பேசியுள்ளார். அப்போது பேசிய அவர், மாஸ்டர் படம் பார்த்துவிட்டு எனக்கு சத்யராஜ் சார் போன் செய்திருந்தார். அப்போது அவர் நானும் வில்லன் தான் லோகேஷ். இந்த மாதிரி ஒரு வில்லன் ரோல் இருந்தா எழுதுப்பா, நான் பண்றேன் என சொன்னார். அப்படி தான் கூலி படத்தில் அவரை நடிக்க வைப்பது என முடிவெடுத்தேன் என்றார்.

நடிகர் ஷாருக்கான் முதன்முறையாக ஜவான் படத்துக்காக சிறந்த நடிகருக்கான தேசிய விருதை பெற்றுள்ளார். இந்த நிலையில் அவரது கொல்கத்தா நைட் ரைடர்ஸ் அணி ஷாருக்கானுக்கு தி பெஸ்ட் என குறிப்பிட்டு வாழ்த்து தெரிவித்துள்ளது. ஷாருக்கான் அறிமுகமாகி கிட்டத்தட்ட 33 ஆண்டுகள் ஆன நிலையில் அவருக்கு முதல் தேசிய விருது பெற்றுத் தந்த இயக்குநர் என்ற பெருமை இயக்குநர் அட்லிக்கு கிடைத்துள்ளது.

தமிழின் மிகச்சிறந்த குணச்சித்திர நடிகர்களில் ஒருவர் நடிகர் எம்.எஸ்.பாஸ்கர்.  இவருக்கு கடந்த 2023 ஆம் ஆண்டு வெளியான பார்க்கிங் படத்துக்காக சிறந்த துணை நடிகர் பிரிவில் தேசிய விருது அறிவிக்கப்பட்டிருக்கறது. இந்த நிலையில் அவர் முதன்மை வேடத்தில் நடிக்கவுள்ள படத்தின் டைட்டில் மற்றும் ஃபர்ஸ்ட் லுக் ஆகஸ்ட் 2, 2025 அன்று மாலை 6 வெளியாகும் என படக்குழு அறிவித்துள்ளது. இந்தப் படத்தை பிராங்க் ஸ்டார் ராகுல் இயக்குகிறார்.

கூலி திரைப்படத்தின் இசை வெளியீட்டு விழா ஆகஸ்ட் 2, 2025 அன்று நடைபெறவுள்ள நிலையில்,  நிகழ்வில் கலந்துகொள்ள நடிகர் நாகார்ஜுனா சென்னை வந்துள்ளார். கூலி படத்தில் அவர் வில்லன் வேடத்தில் நடித்துள்ளார். விமான நிலையத்தில் அவர் வேகமாக நடந்து வரும் வீடியோ தற்போது சமீக வலைதலங்களில் வைரலாகி வருகிறது.

கௌதம் தின்னனுரி இயக்கத்தில் விஜய் தேவரகொண்டா நடித்துள்ள கிங்டம் திரைப்படம் கடந்த ஜூலை 21, 2025 அன்று வெளியாகி நல்ல வரவேற்பை பெற்று வருகிறது. இந்த நிலையில் இந்தப் படம் 2 நாட்களில் ரூ.53 கோடி வசூலித்துள்ளதாக அதிகாரப்பூர்வமாக அறிகவிக்கப்பட்டுள்ளது. இந்த தகவல் விஜய் தேவரகொண்டாவின் ரசிகர்களிடையே மகிழ்ச்சியை ஏற்படுத்தியுள்ளது.

Read More… 

ரஜினிகாந்த்தின் கூலி படத்தின் இசை வெளியீட்டு விழா சென்னை நேரு விளையாட்டு அரங்கத்தில் ஆகஸ்ட் 2, 2025 அன்று மாலை பிரம்மாண்டமாக நடைபெறவிருக்கிறது. இந்த நிலையில் நேரு ஸ்டேடியத்தில் கூலி பட போஸ்டர்கள், கட் அவுட்கள் என களைகட்டியிருக்கிறது. இதற்கான வீடியோவை சன் பிக்சர்ஸ் நிறுவனம் வெளியிட்டுள்ளது.

பிரம்மாண்டமாக தயாராகும் நேரு ஸ்டேடியம்

கூலி படம் தொடர்பாக இசையமைப்பாளர் அனிருத் அளித்த பேட்டி ஒன்றில் தான் சாட்ஜிபிடி பயன்படுத்தி இசையமைத்ததாக கூறியுள்ளார். அந்த பேட்டியில், ஒரு பாடலுக்கு இசையமைத்துக்கொண்டிருந்தபோது இரண்டு வரிகளுக்கு இசை கிடைக்கவில்லை. உடனடியாக சாட்ஜிபிடியில் நான் இசையமைத்த பாடலை அப்லோடு செய்து 2 வரிகளை கேட்டேன். அதற்கு சாட் ஜிபிடி, பத்து வரிகளைக் கொடுத்தது என்றார். இந்த தகவல் ரசிகர்களிடையே ஆச்சரியத்தை ஏற்படுத்தியிருக்கிறது.

அட்லி இயக்கத்தில் கடந்த 2023 ஆம் ஆண்டு வெளியான ஜவான் படத்துக்காக சிறந்த நடிகருக்கான  தேசிய விருது நடிகர் ஷாருக்கானுக்கு அறிவிக்கப்பட்டது. இது குறித்து வாழ்த்து தெரிவித்த நடிகர் அல்லு அர்ஜுன், ஜவான் படத்துக்காக தேசிய விருது வென்ற ஷாருக்கானுக்கு மனமார்ந்த வாழ்த்துகள். அவரது 33 வருட சினிமா வாழ்க்கைக்கு சிறந்த கௌரவம் இந்த தேசிய விருது. மேலும் இந்த மேஜிக்கை நிகழ்த்தி காட்டிய என் இயக்குநர் அட்லீ சாருக்கு வாழ்த்துகள் என்று குறிப்பிட்டுள்ளார்.

லோகேஷ் கனகராஜ் இயக்கத்தில் ரஜினிகாந்த் முதன்மை வேடத்தில் நடித்துள்ள கூலி திரைப்படத்தின் இசை வெளியீட்டு விழா ஆகஸ்ட் 2, 2025 அன்று மாலை சென்னை நேரு விளையாட்டு அரங்கத்தில் பிரம்மாண்டமாக நடைபெறவிருக்கிறது. இந்த நிலையில் இந்த விழாவில் பங்கேற்க நடிகர் ரஜினிகாந்த் சென்னை வந்நதடைந்தார். அப்போது எடுக்கப்பட்ட வீடியோவை சன் பிக்சர்ஸ் நிறுவனம் தனது சமூக வலைதள பக்கத்தில் பகிர்ந்துள்ளது.

ஆமிர் கான் வீடியோவைப் பகிர்ந்த சன் பிக்சர்ஸ்

75வது தேசிய விருதுகள் ஆகஸ்ட் 1, 2025 அன்று அறிவிக்கப்பட்டது. தமிழில் பார்க்கிங் திரைப்படம் சிறந்த திரைக்கதை, சிறந்த துணை நடிகர், சிறந்த தமிழ் படம் ஆகிய 3 விருதுகளை அள்ளியது. சிறந்த இசையமைப்பாளராக ஜி.வி.பிரகாஷ் குமார் தேர்ந்தெடுக்கப்பட்டார். இந்த நிலையில் தேசிய விருதுகளுக்கு நடிகர் தனுஷ் வாழ்த்து தெரிவித்துள்ளார்.

தேசிய விருது பெற்றவர்களுக்கு வாழ்த்து தெரிவித்து தனுஷ் வெளியிட்ட பதிவு

பிரபல மலையாள நடிகரும், மிமிக்ரி கலைஞருமான கலாபவன் நவாஸ் ஹோட்டல் அறையில் சடலமாக கண்டெடுக்கப்பட்ட சம்பவம் பெரும் பரபரப்பை ஏற்படுத்தியுள்ளது. இதுதொடர்பாக காவல்துறையினர் விசாரணை நடத்தி வருகின்றனர். அவர் மாரடைப்பு காரணமாக உயிரிழந்து இருக்கலாம் என சொல்லப்படுகிறது.

கனா படம் மூலம் ரசிகர்களை கவர்ந்த குக் வித் கோமாளி பிரபலம் தர்ஷன் தற்போது ஹவுஸ்மேட்ஸ் படத்தில் நடித்துள்ளார். இந்த இரண்டு படத்தையும் நடிகர் சிவகார்த்திகேயன் தான் தயாரித்துள்ளார். இப்படியான நிலையில் நிஜ வாழ்க்கையில் தனக்கு சொந்த வீடு இல்லாததால் காதல் நிராகரிக்கப்பட்டதாக தர்ஷன் தெரிவித்துள்ளார்.

இயக்குநர் ராமின் இயக்கத்தில் சிவா, அஞ்சலி, கிரேஸ் ஆண்டனி உள்ளிட்ட பலரும் நடித்த படம் பறந்து போ. இப்படம் தமிழ் சினிமா ரசிகர்களிடையே மிகப்பெரிய வரவேற்பை பெற்றுள்ளது. இந்த படம் ஆகஸ்ட் 5 ஆம் தேதி ஹாட்ஸ்டார் ஓடிடி தளத்தில் வெளியாகும் என தெரிவிக்கப்பட்டுள்ளது.

தனது கவனம் முழுக்க சின்னத்திரையில் மட்டுமே இருந்ததால் பெரிய திரையில் ஜொலிக்க முடியவில்லை என பிரபல நடிகை தேவிப்பிரியா தெரிவித்துள்ளார். தேவதர்ஷினி போன்றோர் சரியான நேரத்தில் வாய்ப்புகளை பயன்படுத்தினார்கள். அந்த நேரத்தில் நான் அப்படி செய்ததில் வருத்தம் இருப்பதாகவும் தேவிப்பிரியா கூறியுள்ளார்.

இயக்குநர் ஹெச்.வினோத் ஹவுஸ்மேட்ஸ் படத்தை தியேட்டரில் பார்த்து படக்குழுவினரை பாராட்டியுள்ளார். நடிகர் சிவகார்த்திகேயன் தயாரித்துள்ள இப்படத்தை ராஜவேல் இயக்கியுள்ளார். தர்ஷன் இப்படத்தின் ஹீரோவாகவும், காளி வெங்கட் முக்கிய கேரக்டரிலும் நடித்துள்ளனர்.

ஹெச்.வினோத் இயக்கத்தில் நடிகர் விஜய்யின் கடைசிப்படம் என்ற அறிவிப்போடு வெளியாகவுள்ள ஜனநாயகன் படத்தில் தான் சிறப்பு தோற்றத்தில் நடிப்பதாக நடிகர் நரேன் கூறியுள்ளார். இந்த படத்தில் தான் ஒரு விஞ்ஞானியாக வருவேன், கெஸ்ட் ரோல் என்றாலும் மிக முக்கியமான கேரக்டர் என அவர் கூறியுள்ளார்.

பாலிவுட் சினிமாவின் பாட்ஷா என அழைக்கப்படும் நடிகர் ஷாருக்கான் தனது திரையுலக வாழ்க்கையில் முதல்முறையாக தேசிய விருது வென்றுள்ளார். இதனால் தான் மிகவும் மகிழ்ச்சியடைவதாக தெரிவித்து வீடியோ ஒன்றை வெளியிட்டுள்ளார்.

ஷாருக்கான் வீடியோ

சூரரைப்போற்று படத்திற்கு பிறகு இசையமைப்பாளர் ஜி.வி.பிரகாஷூக்கு 2வது முறையாக தேசிய விருது வாத்தி படத்திற்கு அறிவிக்கப்பட்டுள்ளது. இதன்மூலம் இளையராஜா, ஏ.ஆர்.ரஹ்மான் ஆகியோருக்கு பின் இசை மற்றும் பின்னணி இசை இரண்டிற்கு தேசிய விருது பெறும் சிறப்பை ஜி.வி.பிரகாஷ் பெற்றிருக்கிறார்.

துள்ளுவதோ இளமை படத்தின் மூலம் ரசிகர்களிடம் நன்கு பரீட்சையமான நடிகர் அபிநய் கல்லீரல் நோயால் பாதிக்கப்பட்டு சிகிச்சைப் பெற்று வருகிறார். அவருக்கு நடிகர் கேபிஒய் பாலா உதவி செய்த வீடியோ வெளியான நிலையில் திரைத்துறையினர் உதவ வேண்டும் என ரசிகர்கள் கோரிக்கை விடுத்து வருகின்றனர்.

திருக்குறளை தேசிய நூலாக அறிவிக்க வேண்டும் என பிரதமர் மோடிக்கு கவிஞர் வைரமுத்து வேண்டுகோள் விடுத்துள்ளார். சுதந்திர தின உரையில் தான் என்ன பேச வேண்டும் என மோடி நாட்டு மக்களிடம் கேட்டிருந்த நிலையில் வைரமுத்து இதனை பதிவிட்டுள்ளார்.

தமிழில் ஜோ படத்தின் மூலம் ரசிகர்களை கவர்ந்தவர் நடிகை மாளவிகா மனோஜ். இவர் தெலுங்கு திரையுலகில் அறிமுகமாகியுள்ளார். அவரின் முதல் படமான ஓ பாமா.. அய்யோ ராமா படம் தியேட்டரில் எதிர்பார்த்த வெற்றியைப் பெறாத நிலையில் ஓடிடியில் வெளியாகியுள்ளது. இப்படத்தை இடிவி வின் ஓடிடி தளத்தில் காணலாம்.

தெலுங்கில் வெளியான பகவந்த் கேசரி படத்துக்கு தெலுங்கு மொழியில் சிறந்த படத்திற்கான தேசிய விருது வழங்கப்பட்ட நிலையில் அப்படத்தில் இருந்து சில காட்சிகளை கொண்டு உருவாக்கப்பட்ட விஜய்யின் ஜனநாயகன் படத்துக்கு எதிர்பார்ப்பு எகிறியுள்ளது.

வெங்கி அட்லூரி இயக்கத்தில் நடிகர் சூர்யா, நடிகை மமிதா பைஜூ ஆகியோர் நடித்து வரும் படத்தில் நடிகை பவானி ஸ்ரீ முக்கிய வேடத்தில் நடிப்பதாக தகவல் வெளியாகியுள்ளது. இவர் ஏற்கனவே சூரி நடித்த விடுதலை படத்தில் அவருக்கு ஜோடியாக நடித்திருந்தார்.

71வது தேசிய விருது அறிவிப்பில் சிறந்த மலையாளப் படமாக தி கேரளா ஸ்டோரி தேர்வு செய்யப்பட்டதற்கு அம்மாநில முதலமைச்சர் பினராயி விஜயன் கடும் கண்டனம் தெரிவித்துள்ளார். கேரளாவுக்கு களங்கம் கற்பிக்கும் நோக்கில் எடுக்கப்பட்ட படத்தை அங்கீகரித்து அம்மாநிலம் அவமதிக்கப்பட்டுள்ளதாக கூறியுள்ளார்.

பார்க்கிங் படம் அதிகம் கவனம் ஈர்த்தவர்  இயக்குநர் ராம்குமார் பாலகிருஷ்ணன். இந்த படத்துக்கு சிறந்த படம், சிறந்த திரைக்கதை, சிறந்த துணை நடிகர் ஆகிய 3 பிரிவுகளில் தேசிய விருது கிடைத்துள்ளது. இதனால் ராம்குமார் பாலகிருஷ்ணனுக்கு பலரும் வாழ்த்து தெரிவித்து வருகின்றனர்.

கூலி படத்தில் இடம்பெற்ற மோனிகா பாடல் எதற்கு என்பதை இயக்குநர் லோகேஷ் கனகராஜ் விளக்கமளித்துள்ளார். அதன்படி, வணிக நோக்கங்களுக்காக மட்டுமே இப்பாடல் வைக்கப்பட்டுள்ளது. வழக்கமாக என் படங்களில் இதுபோன்ற பாடல்கள் இருக்காது. இப்பாடல் கூலி படத்தின் கதையின் ஓட்டத்தை தடுக்காது எனவும் லோகேஷ் தெரிவித்துள்ளார்.

நடிகர் ரஜினிகாந்த் நடிப்பில் லோகேஷ் கனகராஜ் இயக்கத்தில் உருவாகியுள்ள கூலி படத்தின் இசை மற்றும் ட்ரெய்லர் வெளியீட்டு விழா மிக பிரமாண்டமாக சென்னை நேரு உள்விளையாட்டரங்கில் நடைபெறுகிறது. சன் பிக்சர்ஸ் தயாரித்துள்ள இப்படத்திற்கு அனிருத் இசையமைத்துள்ளார்.

பார்க்கிங் படத்திற்காக தேசிய விருது வென்ற எம்.எஸ்.பாஸ்கருக்கு பன்முக கலைஞரான நடிகர் ராதாகிருஷ்ணன் பார்த்திபன் வாழ்த்து தெரிவித்துள்ளார். எம்.எஸ்.பாஸ்கர் தனது நெருங்கிய நண்பர் என்றும், உணவுக்கு வழியில்லாத காலத்தில் இருவரும் திறமையை வெளிப்படுத்த திணறிக் கொண்டிருந்தோம் என பழைய நினவுகளையும் பகிர்ந்து கொண்டுள்ளார்.

தன்னுடைய வாழ்க்கையில் சொந்த வீடு இல்லாததால் காதல் நிராகரிக்கப்பட்டதாக குக் வித் கோமாளி புகழ் தர்ஷன் தெரிவித்துள்ளார். ஆகஸ்ட் 1ம் தேதி அவர் நடித்துள்ள ஹவுஸ்மேட்ஸ் படம் வெளியான நிலையில், அந்த படத்தின் கதை தன்னுடைய வாழ்க்கையில் நடந்தது போல இருந்ததாக தெரிவித்துள்ளார்.