விருதாச்சலம் தேர்தல் 2026

Premallatha Vijayakant DMDK

Won

தொகுதி அறிமுகம்:

கடலூர் மாவட்டத்தில் அமைந்துள்ள விருத்தாசலம் தொகுதி, ஆன்மீகம் மற்றும் விவசாயம் செழித்த ஒரு வரலாற்றுச் சிறப்புமிக்க தொகுதியாகும். மணிமுத்தாறு நதிக்கரையில் அமைந்துள்ள பழமையான விருத்தகிரீஸ்வரர் கோவில் இத்தொகுதியின் அடையாளமாக உள்ளது. இது ஒருங்கிணைந்த கடலூர் மாவட்டத்தின் வணிக மையமாகவும், போக்குவரத்து சந்திப்பாகவும் திகழ்கிறது.

பொருளாதாரம் & சிறப்புகள்:

விருத்தாசலம் பீங்கான் பொருட்களுக்குப் பெயர் பெற்றது. இங்குள்ள அரசு பீங்கான் தொழிற்பேட்டை (Ceramic Industrial Estate) மற்றும் பல தனியார் தொழிற்சாலைகள் மூலம் பீங்கான் மின்சாதனங்கள் மற்றும் கலைப்பொருட்கள் உற்பத்தி செய்யப்படுகின்றன. இப்பகுதியைச் சுற்றியுள்ள கிராமங்களில் முந்திரி சாகுபடி மிக அதிகம். மேலும் நெல், கரும்பு மற்றும் மணிலா (நிலக்கடலை) உற்பத்தியிலும் இத்தொகுதி முன்னணியில் உள்ளது. சுற்றியுள்ள நூற்றுக்கணக்கான கிராமங்களுக்கு விருத்தாசலம் நகரம் ஒரு முக்கியமான சந்தையாகவும், கல்வி நிலையங்கள் நிறைந்த இடமாகவும் உள்ளது.

அரசியல் முக்கியத்துவம்:

தமிழக அரசியலில் விருத்தாசலம் தொகுதிக்கு ஒரு தனி மரியாதி உண்டு. குறிப்பாக, 2006-ல் தேமுதிக தலைவர் விஜயகாந்த் அவர்கள் முதன்முதலில் போட்டியிட்டு வெற்றி பெற்ற தொகுதி இது என்பதால் மாநில அளவில் இது கவனிப்பைப் பெற்றது. இங்கு வன்னியர், தலித் மற்றும் சிறுபான்மையின மக்கள் பரவலாக உள்ளனர். விவசாயிகளின் கோரிக்கைகளும், நெய்வேலி நிலக்கரி சுரங்க பாதிப்பு தொடர்பான விவகாரங்களும் இங்கு தேர்தல் நேரங்களில் எதிரொலிக்கும்.மணிமுத்தாறு ஆற்றைச் சுத்தம் செய்தல், பாதாள சாக்கடைத் திட்டம் மற்றும் பீங்கான் தொழிலை நவீனப்படுத்துதல் போன்றவை இத்தொகுதி மக்களின் நீண்டகால கோரிக்கைகளாக உள்ளன.