ஸ்ரீவில்லிபுத்தூர் தேர்தல் 2026

Karthik.A TVK

Won

தொகுதி அறிமுகம்

மேற்குத் தொடர்ச்சி மலையின் அடிவாரத்தில் அமைந்துள்ள ஸ்ரீவில்லிபுத்தூர், தற்போது தனித் தொகுதி (SC) ஆக உள்ளது. இத்தொகுதி ஸ்ரீவில்லிபுத்தூர் நகராட்சி, வத்திராயிருப்பு பேரூராட்சி மற்றும் அதனைச் சுற்றியுள்ள ஏராளமான கிராமங்களை உள்ளடக்கியது. இது தென்காசி மக்களவைத் தொகுதியின் கீழ் வருகிறது.

பொருளாதாரம் & சிறப்புகள்

பன்னிரு ஆழ்வார்களில் ஒருவரான ஆண்டாள் மற்றும் பெரியாழ்வார் அவதரித்த தலம் இது. இங்குள்ள 192 அடி உயர ராஜகோபுரம் தமிழக அரசின் அதிகாரப்பூர்வ முத்திரையில் இடம்பெற்றுள்ளது. இக்கோயிலின் தேரோட்டம் மிகவும் புகழ்பெற்றது. புவிசார் குறியீடு (GI Tag) பெற்ற ஸ்ரீவில்லிபுத்தூர் பால்கோவா உலகத்தரம் வாய்ந்தது. இங்குள்ள பால் பண்ணைகள் மற்றும் பால்கோவா தயாரிப்பு நிலையங்கள் ஆயிரக்கணக்கானோருக்கு வாழ்வாதாரம் அளிக்கின்றன. இத்தொகுதியின் முக்கியத் தொழில் விவசாயம். நெல், பருத்தி, கரும்பு மற்றும் தென்னை சாகுபடி அதிக அளவில் நடைபெறுகிறது. வத்திராயிருப்பு மற்றும் அதன் சுற்றுவட்டாரப் பகுதிகள் செழிப்பான விவசாயப் பூமியாகத் திகழ்கின்றன. மேற்குத் தொடர்ச்சி மலைப் பகுதியில் அமைந்துள்ள இந்தச் சரணாலயம், அரிய வகை சாம்பல் நிற அணில்களின் பாதுகாப்பிடமாக உள்ளது. மேலும், ஸ்ரீவில்லிபுத்தூர் - மேகமலை புலிகள் காப்பகம் இத்தொகுதியின் இயற்கை வளத்திற்கு மேலும் பெருமை சேர்க்கிறது.

அரசியல் மற்றும் சமூகச் சூழல்

ஸ்ரீவில்லிபுத்தூர் தொகுதி ஆன்மீகப் பண்பாடும், விவசாய மக்களின் நலன்களும் பின்னிப்பிணைந்த ஒரு களமாகும். தலித் சமூக மக்கள் பெரும்பான்மையாக உள்ள இத்தொகுதியில், முக்குலத்தோர், நாடார் மற்றும் கம்மவார் நாயுடு சமூக மக்களின் வாக்குகளும் வெற்றியைத் தீர்மானிக்கும் முக்கியச் சக்திகளாக உள்ளன. பால்கோவா உற்பத்தியாளர்களுக்குச் சீரான பால் விநியோகம் கிடைப்பதையும், ஏற்றுமதி வாய்ப்புகளைப் பெருக்க அரசு சார்பில் நவீனப் பொதியிடல் மையங்கள் அமைக்கப்பட வேண்டும் என்பது பிரதான கோரிக்கை.