தமிழ்நாடு அரசு: 2025 கல்பனா சாவ்லா விருதுக்கு விண்ணப்பிக்க அழைப்பு
Kalpana Chawla Award 2025:தமிழ்நாடு அரசு 2025 ஆம் ஆண்டு சுதந்திர தின விழாவில் துணிவுமிக்க பெண்களுக்கு ரூ.5 லட்சம் பரிசுத் தொகையுடன் கூடிய கல்பனா சாவ்லா விருதை வழங்குகிறது. விண்ணப்பங்கள் awards.tn.gov.in இல் 2025 மே 16 முதல் பதிவேற்றம் செய்யப்பட்டுள்ளன. விண்ணப்பதாரர்கள் மாவட்ட சமூக நல அலுவலகத்தில் ஆவணங்களை சமர்ப்பிக்க வேண்டும்.
கல்பனா சாவ்லா விருதுக்கு விண்ணப்பிக்க அழைப்பு
தமிழ்நாடு மே 19: 2025ஆம் ஆண்டு சுதந்திர தின விழாவில், தமிழக அரசு (Tamilnadu Government) துணிவுடன் செயல்பட்ட பெண் ஒருவருக்கு ‘கல்பனா சாவ்லா விருது’ (‘Kalpana Chawla Award’) வழங்கப்படும். ரூ.5 லட்சம் ரொக்கப்பரிசும், தங்கமுலாம் பூசப்பட்ட வெள்ளிப் பதக்கமும் விருதுடன் வழங்கப்படும். விருதுக்கான விண்ணப்பங்கள் 2025 மே 16 முதல் https://awards.tn.gov.in இணையதளத்தில் பதிவேற்றம் செய்யப்பட்டுள்ளது. விண்ணப்பித்தவர்கள் மாவட்ட சமூக நல அலுவலகத்தில் ஆவணங்களை நேரில் ஒப்படைக்க வேண்டும். பரிந்துரை செய்யும் கருத்துருக்கள் 2025 ஜூன் 16க்குள் சமர்ப்பிக்க வேண்டும். இது குறித்து அரசு அறிவிப்பில் குறிப்பிடப்பட்டுள்ளது.
‘கல்பனா சாவ்லா விருது’ வழங்கப்படவுள்ளதாக தமிழக அரசு அறிவிப்பு
கல்பனா சாவ்லா விருது என்பது இந்திய விண்வெளி விஞ்ஞானி கல்பனா சாவ்லாவின் நினைவாக வழங்கப்படும் ஒரு விருதாகும். இந்த விருது அவரது அறிவியல் சாதனைகள் மற்றும் பெண்கள் முன்னேற்றத்திற்கு அவர் அமைந்துள்ள உந்துசக்திக்கு அஞ்சலியாக வழங்கப்படுகிறது.
வழங்கப்படும் துறை: விஞ்ஞானம், தொழில்நுட்பம், கல்வி, பெண்கள் சமூக மேம்பாடு உள்ளிட்ட துறைகளில் சிறப்பாக பணியாற்றும் பெண்களுக்கு வழங்கப்படுகிறது.
தொடக்கம்: கல்பனா சாவ்லாவின் மரணத்துக்கு பிந்தைய வருடங்களில் இந்த விருது தொடங்கப்பட்டது.
வழங்குபவர்கள்: சில ஆண்டுகளில் மாநில அரசு அல்லது தனிப்பட்ட அறக்கட்டளைகள், கல்வி நிறுவனங்கள் இந்த விருதை வழங்கியிருக்கின்றன (உதாரணமாக: தமிழ்நாடு, ஹரியானா அரசு, பஞ்சாப் தொழில்நுட்ப பல்கலைக்கழகம்).
விருது நோக்கம்: பெண்களுக்கு உந்துதலாக விளங்க, அவர்களது சாதனைகளை வியக்கச் செய்யும் வகையில் பாராட்டுவதே நோக்கம்.
வரும் 2025 ஆம் ஆண்டுக்கான சுதந்திர தின விழாவில், துணிவும் சாகசமும் கொண்ட வீரத் தன்மையுடன் செயல்பட்ட பெண்மணிக்கு ‘கல்பனா சாவ்லா விருது’ வழங்கப்படவுள்ளதாக தமிழக அரசு தெரிவித்துள்ளது.
‘கல்பனா சாவ்லா விருது’க்கு எப்படி விண்ணப்பிப்பது?
தமிழக அரசு வெளியிட்டுள்ள செய்திக்குறிப்பில் தெரிவிக்கப்பட்டுள்ளதாவது: ஒவ்வொரு ஆண்டும் சுதந்திர தினத்தன்று, வீர தீர செயல்களில் ஈடுபட்ட பெண்மணியொருவருக்கு ரூ.5 லட்சம் ரொக்கப்பரிசும், தங்கமுலாம் பூசப்பட்ட வெள்ளிப் பதக்கமும் கொண்ட ‘கல்பனா சாவ்லா விருது’ வழங்கப்படுகிறது. அதனை தொடர்ந்து, 2025ஆம் ஆண்டுக்கான விருது பெற விண்ணப்பங்கள், தமிழக அரசின் விருதுகள் இணையதளமான https://awards.tn.gov.in இல் 2025 மே 16ஆம் தேதி முதல் பதிவேற்றம் செய்யப்பட்டுள்ளன.
விருதுக்கு விண்ணப்பிக்க விரும்பும் பெண்கள், இணையதளத்தில் பதிவு செய்த பின்னர், சம்பந்தப்பட்ட மாவட்ட சமூக நல அலுவலகத்தில் நேரில் சென்று தேவையான ஆவணங்களை சமர்ப்பிக்க வேண்டும்.
மாவட்டங்களிலுள்ள அனைத்து துறையினரும், தகுதியான வீரப் பெண்மணிகளை பரிந்துரை செய்யும் கருத்துருக்களை வருகிற ஜூன் 16ஆம் தேதிக்குள் சமர்ப்பிக்க வேண்டும் என தமிழக அரசு கேட்டுக்கொண்டுள்ளது.