Food Recipe: கோடைக்கால ஆரோக்கிய ரெசிபி! சுரைக்காய் கபாப் செய்வது எப்படி..? எளிய குறிப்புகள் இதோ!
Zucchini Kebab Recipe: சுரைக்காயில் உள்ள ஊட்டச்சத்துக்கள் எலும்புகளை வலுவாக வைத்திருக்கவும், இரத்த அழுத்தம் மற்றும் வகை-2 சர்க்கரை நோயைக் கட்டுப்படுத்தவும் உதவுகின்றன. அந்தவகையில், சுரைக்காயை கொண்டு சுவையான கபாப் எப்படி செய்வதென்று பார்க்கலாம்.
கோடை காலம் (Summer) தொடங்கியவுடன், உடலுக்கு ஈரப்பதத்தையும் குளிர்ச்சியையும் வழங்க மக்கள் தங்கள் உணவில் மோர், லஸ்ஸி, தயிர், வெள்ளரி மற்றும் காய்கறிகள் போன்ற பலவற்றைச் சேர்க்க விரும்புகிறார்கள். கோடைகாலத்தில் விளையக்கூடிய ஒரு நன்மை பயக்கும் காய்கறிதான் (Zucchini) சுரைக்காய். வெள்ளரிக்காய் மற்றும் வெண்டைக்காய் போல தோற்றமளிக்கும் இதில் நார்ச்சத்து, கால்சியம், இரும்பு, துத்தநாகம், வைட்டமின் சி, வைட்டமின் கே, வைட்டமின் பி6, மாங்கனீசு, மெக்னீசியம் மற்றும் பொட்டாசியம் போன்ற பல ஊட்டச்சத்துக்கள் நிறைந்துள்ளதாக நிபுணர்கள் கூறுகின்றனர். இதில், 80 முதல் 90 சதவீதம் தண்ணீர் உடலை நீரேற்றமாக வைத்திருக்கிறது. இந்தக் காய்கறியில் உள்ள ஊட்டச்சத்துக்கள் எலும்புகளை வலுவாக வைத்திருக்கவும், இரத்த அழுத்தம் மற்றும் வகை-2 சர்க்கரை நோயைக் கட்டுப்படுத்தவும் உதவுகின்றன. அந்தவகையில், சுரைக்காயை கொண்டு சுவையான கபாப் எப்படி செய்வதென்று பார்க்கலாம்.
சுரைக்காய் கபாப்
தேவையான பொருட்கள்:
- துருவிய சுரைக்காய் – 1 கப்
- பெரிய வெங்காயம் – 1
- அரிசி மாவு – 3 ஸ்பூன்
- சோள மாவு 2 ஸ்பூன்
- ப்ரட் க்ரம்ஸ் – 3 ஸ்பூன்
- மிளகாய் தூள் – 1 ஸ்பூன்
- சோயாசாஸ் – 1 ஸ்பூன்
- மல்லிதழை – ஒரு கைப்பிடி
- கறிவேப்பிலை – ஒரு கொத்து
- உப்பு – தேவையான அளவு
- எண்ணெய் – தேவையான அளவு
சுரைக்காய் கபாப் செய்வது எப்படி..?
- கடையில் வாங்கி வந்த சுரைக்காயை நன்றாக கழுவி தோல் நீக்கி, துருவி ஒரு தட்டில் எடுத்து வைத்துக் கொள்ளவும்.
- மேலே குறிப்பிட்டுள்ள அளவிலான வெங்காயம், கொத்தமல்லி, கறிவேப்பிலை ஆகியவற்றை மண், தூசிகள் இருந்தால் நன்றாக போகும் அளவிற்கு கழுவி பொடி பொடியாக நறுக்கி வைத்துக் கொள்ளவும்
- இப்போது அடுப்பை ஆன் செய்து நாண்ஸ்டிக் கடாயை வைத்து சூடானதும் துருவி எடுத்து வைத்துள்ள சுரைக்காயை போட்டு, அதில் இருக்கும் தண்ணீர் சுண்டும் வரைக்கும் வதக்கி கொள்ளவும்.
- சுரைக்காய் நன்றாக வதங்கியதும் எடுத்து தனியாக வைத்து கொள்ளவும்.
- அதே கடாயில் நறுக்கின வெங்காயம், கொத்தமல்லி, கறிவேப்பிலை ஆகியவற்றை போட்டு சிறிது எண்ணெய் ஊற்றி நன்றாக வதக்கி கொள்ளவும்.
- அடுத்ததாக வதக்கிய பொருட்களுடன் எண்ணெய் தவிர்த்து மற்ற எல்லா பொருட்களையும் சேர்த்து நன்றாக பிசையவும்.
- மீண்டும் ஆன் செய்து ஒரு குச்சி அல்லது பனியார கம்பியில் பிசைந்த கலவையை சிறு சிறு உருண்டைகளாக்கி அதை நன்றாக அமுக்கி கபாப் போல் செய்யவும்.
- அப்படி இல்லையென்றால், இதை வட்டமாக தட்டி வடை போல் செய்து பொரித்தெடுக்கலாம்.
- அவ்வளவுதான் சுவையான சுரைக்காய் கபாப் ரெடி.
- இப்போது கெட் செப்புடன் குழந்தைகளுக்கு கொடுத்தால் அள்ளி சாப்பிடுவார்கள். இதில் சிறிது பனீரையும் துருவி சேர்த்துக் கொள்ளலாம்.
இதய ஆரோக்கியம்:
சுரைக்காய் நுகர்வு செரிமானத்திற்கு நல்லது என்று கருதப்படுகிறது. இதை தொடர்ந்து உட்கொள்வது வயிறு தொடர்பான பல பிரச்சனைகளில் இருந்து நிவாரணம் அளிக்கும். இது மலச்சிக்கலில் இருந்து நபருக்கு நிவாரணம் அளிக்கிறது. மேலும் சுரைக்காய் கொலஸ்ட்ரால் இல்லாதது. இதன் காரணமாக, கெட்ட கொழுப்பு பிரச்சனையால் பாதிக்கப்பட்டவர்களுக்கு இது மிகவும் நன்மை பயக்கும் என்று கருதப்படுகிறது. இதை உங்கள் அன்றாட உணவில் சேர்த்துக் கொள்வதன் மூலம், (LDL) கொழுப்பிலிருந்து நிவாரணம் பெறலாம். அதாவது LDL, இது இதய ஆரோக்கியத்திற்கும் நல்லது என்று கருதப்படுகிறது. இது தவிர, உயர் இரத்த அழுத்த அளவைக் கட்டுப்படுத்தவும் இது உதவுகிறது.
