கஞ்சா வழக்கில் நடிகர்கள் ஷைன் டாம் சாக்கோ, ஸ்ரீநாத் பாசியிடம் விசாரணை

நடிகர் ஷைன் டாம் சாக்கோ (Shine Tom Chacko) படப்பிடிப்பின் போது தன்னிடம் போதையில் தவறுதலகாக நடந்துக்கொண்டதாக நடிகை வின்சி அலோசியஸ் (Vincy Aloshious) பேசியது சினிமா வட்டாரங்கள் இடையே பரபரப்பைக் கிளப்பியது. இதனைத் தொடர்ந்து தற்போது போதை பொருள் தொடர்பான சர்ச்சைகள் மலையாள சினிமாவில் தொடர்து செய்திகளில் இடம் பெற்று வருகின்றது. இந்த நிலையில் நேற்று அதிகாலையில் கொச்சியில் உள்ள ஒரு அடுக்குமாடி குடியிருப்பில் கலால் சிறப்புப் படையினருக்கு கிடைத்த ஒரு ரகசிய தகவலின் பேரில் சோதனை நடத்தப்பட்டது. அப்போது பிரபல இயக்குநர்கள் காலித் ரஹ்மான் மற்றும் அஷ்ரப் ஹம்சா உட்பட மூன்று பேர் கைது செய்யப்பட்டனர். பின்னர் அவர்களிடம் இருந்து 1.6 கிராம் கலப்பின கஞ்சாவைக் கண்டுபிடித்ததாகக் தெரிகிறது.

அவர்களின் கைதுகளைப் பதிவு செய்த பிறகு, பறிமுதல் செய்யப்பட்ட கஞ்சாவின் அளவு ஒரு வணிக வழக்குக்கான அளவை விட குறைவாக இருப்பதாகக் கூறி கலால் துறை அதிகாரிகள் காலித் ரஹ்மான் மற்றும் அஷ்ரப் ஹம்சா உட்பட மூன்று பேருக்கும் ஜாமீன் வழங்கினர். தொடர்ந்து இந்த மாதிரியான பிரச்னைகள் மலையாள சினிமாவில் பரபரப்பை கிளப்பி வருகின்றது.

பிரபல மலையாள நடிகர்கள் ஷைன் டாம் சாக்கோ மற்றும் ஸ்ரீநாத் பாசி ஆகியோர் கேரளாவின் ஆலப்புழாவில் உள்ள கலப்பு வரி அதிகாரிகள் முன் விசாரணைக்காக ஆஜரானார்கள். இந்த மாத தொடக்கத்தில் கிறிஸ்டினா மற்றும் ஃபெரோஸிடமிருந்து சுமார் ரூ.2 கோடி மதிப்புள்ள கலப்பின கஞ்சா பறிமுதல் செய்யப்பட்டதை விசாரிப்பது தொடர்பாக இது நடந்தது.

கலால் வரி அதிகாரிகளிடம் அவர் கூறியபடி, இந்த இரண்டு நடிகர்களுடனும் சேர்ந்து அவர் போதைப்பொருள் உட்கொண்டார். அவரது வாக்குமூலத்தின் அடிப்படையில், அவர்களுக்கு நோட்டீஸ் அனுப்பப்பட்டது. ஆரம்ப விசாரணைக்குப் பிறகு அவர்கள் நிலைய ஜாமீனில் விடுவிக்கப்பட்டனர்.

குற்றம் சாட்டப்பட்ட 41 வயதான கிறிஸ்டினா என்கிற தஸ்லீமா சுல்தான், திரைப்படத் துறையில் ஸ்கிரிப்ட் மொழிபெயர்ப்பாளராகப் பணிபுரிகிறார். கலால் அதிகாரிகள் அவர்களிடமிருந்து 3 கிலோ கஞ்சாவை பறிமுதல் செய்தனர். கிறிஸ்டினா மற்றும் ஃபெரோஸ் ஆகியோர் காரில் கலப்பின கஞ்சாவுடன் கைது செய்யப்பட்டனர். கிறிஸ்டினா சென்னையில் தங்கியிருந்தார்.

கொச்சியில் உள்ள ஒரு அடுக்குமாடி குடியிருப்பில், பிரபல ஒளிப்பதிவாளர் சமீர் தாஹிருக்குச் சொந்தமான இடத்தில் மூவரும் கைது செய்யப்பட்டனர். இந்த பொருள் வைத்திருப்பது குறித்து அதிகாரிகளுக்கு ரகசிய தகவல் கிடைத்ததை அடுத்து, அவர்கள் சோதனை நடத்தி அவர்களை கைது செய்தனர்.

ஆரம்ப விசாரணையில் இருந்து, அவர்கள் பல ஆண்டுகளாக கஞ்சாவை தொடர்ந்து பயன்படுத்தி வருவது தெரியவந்துள்ளது. அவர்கள் ஒரு திரைப்பட விவாதத்திற்காக அடுக்குமாடி குடியிருப்பில் இருந்தனர். அவர்கள் கொடுத்த தகவல்களின் அடிப்படையில் சப்ளையர் பற்றி மேலும் விசாரிக்க வேண்டும்,” என்றும் அதிகாரிகள் தெரிவித்துள்ளனர்.