Sara Ali Khan : 45 கிலோ வரை எடை குறைத்தது எப்படி? சீக்ரெட் சொன்ன சாரா
Sara’s Fitness Transformation : பாலிவுட் நடிகர் சயிப் அலிகானின் மகளான சாரா அலிகான் 'கேதார்நாத்' திரைப்படத்தின் மூலம் பாலிவுட் திரைத்துறையில் கால் பதித்தார். இந்த நிலையில் கட்டுப்பாடுடன் கூடிய உணவுமுறை மற்றும் உடற்பயிற்சி வழியாக அவர் சுமார் 45 கிலோ வரை எடை குறைத்திருக்கிறார். இந்த நிலையில் நேர் காணல் ஒன்றில் அவர் எப்படி உடல் எடை குறைத்தார் என்பது குறித்து பேசியிருக்கிறார்.
பாலிவுட் நடிகர் சயீப் அலிகானின் (Saif Ali Khan) மகள் சாரா அலி கான் (Sara Ali Khan), பாலிவுட்டில் (Bollywood) தனக்கெ மிகப்பெரிய ரசிகர் பட்டாளத்தைக் கொண்டிருக்கிறார். இவர் கேதார்நாத் படத்தின் மூலம் நடிகையாக அறிமுகமானார். ஆனந்த் எல்.ராய் இயக்கத்தில் தனுஷிற்கு ஜோடியாக அட்ராங்கி ரே படத்தில் நடித்ததன் மூலம் தமிழ் ரசிகர்களிடையே பிரபலமாக இருக்கிறார். இந்த நிலையில் தான் ஆரோக்கியமான உணவுமுறை மற்றும் உடற்பயிற்சி மூலம் நான் 45 கிலோ வரை எடையைக் குறைத்துள்ளதாக தெரிவித்திருக்கிறார். பாலிவுட் ரசிகர்களிடையே பிரபலமாக இருக்கும் இவர் தனது உணவு பழக்கத்தை பற்றி வெளிப்படையாகப் பேசியிருக்கிறார். பாலிவுட் சேனல் ஒன்றுக்கு இவர் அளித்த பேட்டியில் தான் ஒரு பெரிய உணவுப் பிரியர் என்று கூறியிருந்தார்.
அந்த பேட்டியில், ”நான் ஒரு உணவுப் பிரியை. வித விதமான உணவுகளைத் தேடித் தேடி சாப்பிடுவேன். ஆனால் அது எனது எடை அதிகரிப்பிற்கும் பிசிஓடி (PCOD) பிரச்னைக்கும் காரணமாக அமைந்தது என்று அவர் தெரிவித்தார். மேலும் ஆரோக்கியமான உணவு மற்றும் கடுமையான உடற்பயிற்சிஆகியவை எனக்கு எடையைக் குறைக்கவும் PCOD-யின் பாதிப்பை கட்டுப்படுத்தவும் உதவியது. 96 கிலோ வரை எடை அதிகரித்த நான், கடுமையான உணவுக் கட்டுப்பாட்டால் தற்போது 45 கிலோ வரை எடை குறைத்தேன். நான் உடல் எடையை ஈஸியாக குறைத்து விடவில்லை.” என்றார்.
சாராவின் இன்ஸ்டா பதிவு
View this post on Instagram
”நான் அதிக எடை கொண்டவள் அல்ல. பின்னர் மோசமான உணவுப் பழக்கம் காரணமாக எனது உடல் எடை அதிகரித்தது. ஒரு கட்டத்தில், என் எடை 85 கிலோவிலிருந்து 96 கிலோவாக அதிகரித்தது. அப்போது தான் ஆரோக்கியமற்ற உணவுப் பழக்கங்களை நோக்கி போவது எளிது, ஆனால் மீண்டு வருவது மிகவும் கடினம் என புரிந்து கொண்டேன்.” என்றார்.
உணவில் விதிக்கப்பட்ட கட்டுப்பாடு
View this post on Instagram
உணவில் குறைந்த கார்போஹைட்ரேட் உணவுகள் மற்றும் அதிக புரத உணவுகளை எடுத்துக்கொண்டேன். நான் ஒரு நாளைக்கு ஒரு முறை மட்டுமே கார்போஹைட்ரேட் உணவை சாப்பிடும் பழக்கத்தைக் கொண்டிருந்தேன். குறிப்பாக மதிய நேரம் மட்டுமே சாப்பிடுவேன். மேலும் என் உணவில் அதிக புரத உணவுகள் சேர்க்கப்பட்டன. நார்ச்சத்து நிறைந்த பழங்களும் இதில் அடங்கும். உடலில் உள்ள நச்சுக்களை வெளியேற்ற உதவும் வகையில், கொத்தமல்லி, சீரகத் தண்ணீர் போன்ற வீட்டில் தயாரிக்கப்பட்ட பானங்கள் மற்றும் பழங்கள் மற்றும் காய்கறிகளால் செய்யப்பட்ட ஸ்மூத்திகளை உணவில் சேர்த்துக்கொண்டேன். மேலும் தனது நாளை கிரீன் டீ மூலம் தொடங்குவேன். அல்லது சில நாட்களில் எலும்பிச்சை சாறு கலந்த வெந்நீர் அருந்துவேன்.
இப்படி உணவு பழக்கத்தை மாற்றிக்கொண்டது மட்டுமல்லாமல் கடினமான உடற்பயிற்சிகளையும் செய்தேன். பளு தூக்குதல், யோகா மற்றும் பைலேட்ஸ் ஆகியவற்றுடன் கார்டியோ பயிற்சிகளிலும் சிறப்பு கவனம் செலுத்தினேன் என்று தெரிவித்தார்.
