Tamil News Videos, Latest Tamil Videos, Tamil Entertainment Videos, Kollywood Videos, Political News Videos, Tamil Viral Videos

100 ஆண்டுகளைக் கடந்த பாரம்பரியம்.. வடசித்தூரில் கோலாகலமாகக் கொண்டாடப்பட்ட மயிலம் தீபாவளி!

Sekaran S — Tue, 10 Nov 2026 21:06:59 +0530

கோவை மாவட்டம், பொள்ளாச்சியை அடுத்த வடசித்தூர் கிராமத்தில் நூறு ஆண்டுகளுக்கும் மேலான பாரம்பரியத்துடன் மயிலம் தீபாவளி உற்சாகமாகக் கொண்டாடப்பட்டது. ஜாதி, மத பேதமின்றி அனைத்து தரப்பு மக்களும் ஒன்றிணைந்து கொண்டாடும் இந்தத் திருவிழா, தீபாவளிக்கு மறுநாள் ஆண்டுதோறும் நடைபெறுகிறது. இக்கிராமத்தில் பிறந்து வெளியூர்களில் வசிக்கும் பெண்கள், தீபாவளியன்று தங்களது பிறந்த வீட்டுக்குத் திரும்பி குடும்பத்தினருடன் பண்டிகையைக் கொண்டாடுவது இதன் தனிச்சிறப்பாகும். திருவிழாவையொட்டி ராட்டினங்களில் ஏறியும், பாரம்பரிய கண்ணாடி கொத்து வளையல்கள் அணிந்தும், அச்சு மருதாணி வைத்தும் பெண்கள் மகிழ்ந்தனர். பட்டாசுகள் வெடிப்பதற்குப் பதிலாக உறவினர்களுடன் மகிழ்ச்சியைப் பகிர்ந்து கொண்டனர். உள்ளூர் மக்கள் மட்டுமின்றி வெளியூர்கள், வெளிமாநிலங்களில் இருந்தும் ஏராளமானோர் பங்கேற்றனர். குழந்தைகள் முதல் முதியவர்கள் வரை அனைத்து வயதினரும் ஒன்றிணைந்து கொண்டாடிய இந்த விழா, ஒற்றுமை மற்றும் பாரம்பரியத்தின் அடையாளமாகத் திகழ்ந்தது.

உணவகத்தில் குடும்பத்துடன் வந்தவர் வாடிக்கையாளரின் செல்போனை லபக்கிய நபர்! சிசிடிவியில் அதிர்ச்சி காட்சி!

Sekaran S — Tue, 10 Nov 2026 21:04:12 +0530

கோவை சின்னியம்பாளையத்தில் உள்ள ஆதித்யா செட்டிநாடு உணவகத்தில், குடும்பத்துடன் உணவருந்த வந்த நபர் ஒருவர், வாடிக்கையாளரின் செல்போனைத் திருடிச் சென்ற சம்பவம் அதிர்ச்சியை ஏற்படுத்தியுள்ளது. கடந்த தீபாவளிக்கு முந்தைய சனிக்கிழமை ஜெயக்குமார் என்பவர் நண்பருடன் உணவருந்திக் கொண்டிருந்தார். அப்போது அருகிலுள்ள மேஜையில் மனைவி, குழந்தைகளுடன் அமர்ந்திருந்த நபர், உணவு முடிந்து கை கழுவிவிட்டுத் திரும்பியபோது ஜெயக்குமாரின் மேஜையில் இருந்த செல்போனை நைசாக எடுத்துப் பின்பாக்கெட்டில் மறைத்துச் சென்றுள்ளார். சாப்பிட்டு முடித்த ஜெயக்குமார் செல்போனைக் காணாமல் அதிர்ச்சியடைந்து சிசிடிவி காட்சிகளை ஆய்வு செய்தார். அதில் திருட்டுச் சம்பவம் பதிவாகியிருந்தது. இதுகுறித்து பீளமேடு காவல் நிலையத்தில் புகார் அளிக்கப்பட்டுள்ளது. போலீசார் வழக்குப்பதிவு செய்து சிசிடிவி காட்சிகளின் அடிப்படையில் அந்த நபரைத் தேடி வருகின்றனர்.

வயலூர் முருகன் கோயிலில் கந்தசஷ்டி விழா தொடக்கம்.. நவம்பர் 15-ல் சூரசம்ஹாரம்!

Deepan — Tue, 10 Nov 2026 20:59:53 +0530

திருச்சி அருகே உள்ள புகழ்பெற்ற வயலூர் முருகன் கோயிலில் கந்தசஷ்டி விழா இன்று ரக்ஷாபந்தனம் எனப்படும் காப்புக் கட்டுதலுடன் தொடங்கியது. 7 நாட்கள் நடைபெறும் இவ்விழா நவம்பர் 16-ஆம் தேதி நிறைவடைகிறது. விழாவையொட்டி வள்ளி, தெய்வானை சமேத சுப்பிரமணிய சுவாமிக்கு சிறப்பு அபிஷேகம், அலங்காரம் மற்றும் லட்சார்ச்சனை நடைபெற்றது. நவம்பர் 11 முதல் 14-ஆம் தேதி வரை தினமும் காலை 8 மணிக்கு சிங்காரவேலவர் பச்சை மயில், சேஷ, ரிஷபம், அன்னம், வெள்ளி மயில் உள்ளிட்ட பல்வேறு வாகனங்களில் வீதியுலா வருகிறார். நவம்பர் 15-ஆம் தேதி காலை வேல் வாங்கும் நிகழ்ச்சியும், மாலை சூரசம்ஹாரமும் நடைபெறுகின்றன. நவம்பர் 16-ஆம் தேதி இரவு 7 மணிக்கு திருக்கல்யாண உற்சவம் நடைபெற உள்ளது. விழா ஏற்பாடுகளை இந்து சமய அறநிலையத்துறையினர் மேற்கொண்டுள்ளனர்.

சேலத்தில் பரபரப்பு.. கார் மீது டூவீலர் மோதிய ஆத்திரம்.. கண்ணாடியை நொறுக்கி காருக்கு தீ வைத்த மர்ம நபர்கள்!

Sathis S — Tue, 10 Nov 2026 14:37:17 +0530

சேலம், நவ.10: சேலம் மாநகரப் பகுதியில் தீபாவளி பண்டிகைக் கொண்டாட்டத்தின் இடையே அரங்கேறியுள்ள வன்முறைச் சம்பவம் அப்பகுதி மக்களிடையே பெரும் அதிர்ச்சியையும் அச்சத்தையும் ஏற்படுத்தியுள்ளது. சேலம் அஸ்தம்பட்டி ராமகிருஷ்ணா ரோடு பகுதியில் உள்ள அடுக்குமாடி குடியிருப்பில் வசித்து வருபவர் சரவணக்குமார் (40). இவர் நேற்று முன்தினம் இரவு தனது நண்பரின் இல்லத்தில் தீபாவளி பண்டிகையைக் குடும்பத்துடன் கோலாகலமாகக் கொண்டாடிவிட்டு, அதிகாலை சுமார் 2 மணி அளவில் தனது காரில் மனைவியுடன் வீட்டிற்குத் திரும்பி வந்து கொண்டிருந்தார். அஸ்தம்பட்டி பகுதியில் உள்ள தனது வீட்டின் திருப்பத்தில் கார் திரும்ப முயன்றபோது, புதிய பஸ் நிலையப் பகுதியிலிருந்து அதிவேகமாக வந்த இருசக்கர வாகனம் ஒன்று எதிர்பாராதவிதமாகச் சரவணக்குமாரின் கார் மீது பலமாக மோதியது.

முதல் கட்டக் காவல் துறை விசாரணை:

நடுநிசி நேரம் என்பதாலும், பாதுகாப்பு மற்றும் மனைவியின் அவசரச் சூழலைக் கருத்தில் கொண்டும் சரவணக்குமார் காரை உடனடியாக நிறுத்தாமல், தனது மனைவியைப் பத்திரமாக வீட்டில் விடுவதற்காக வீட்டிற்குச் சென்றுள்ளார். இதனால் கடும் ஆத்திரமடைந்த இருசக்கர வாகனத்தில் வந்த நபர்கள், சரவணக்குமாரைப் பின்தொடர்ந்து வந்து அவர் வீட்டின் முன் நிறுத்தியிருந்த காரின் கண்ணாடிகளைச் சரமாரியாக அடித்து நொறுக்கிவிட்டுச் சம்பவ இடத்திலிருந்து தப்பிச் சென்றனர். இச்சம்பவம் குறித்து உடனடியாக அஸ்தம்பட்டி காவல் நிலையத்திற்குத் தகவல் தெரிவிக்கப்பட்டதைத் தொடர்ந்து, சம்பவ இடத்திற்கு விரைந்து வந்த காவல்துறையினர் முதல் கட்ட விசாரணைகளை மேற்கொண்டுத் திரும்பினர்.

பொது இடங்களில் மது அருந்துபவர்களுக்கு எச்சரிக்கை.. ட்ரோன் மூலம் கண்காணிக்கும் கோவை போலீசார்

Sekaran S — Tue, 10 Nov 2026 07:30:04 +0530

கோவை மாவட்டம் பேரூர் உட்கோட்டம் அனைத்து காவல் நிலைய பகுதிகளிலும் பேரூர் உட்கோட்ட காவல் துணை கண்காணிப்பாளர் தலைமையில் அனைத்து டாஸ்மாக் கடைகள்,FL2 பார்கள் மற்றும் பொது இடங்களில் மது அருந்துபவர்களை ட்ரோன் மூலம் கண்காணித்து நடவடிக்கை மேற்கொள்ளப்பட்டு வருகிறது. எனவே பொதுவெளியில் பொது இடங்களில் பேருந்து நிறுத்தங்கள் போன்ற இடங்களில் மது அருந்துபவர்கள்,குடிபோதையில் சட்டம் ஒழுங்கு பிரச்சினைகளில் ஈடுபடுபவர்கள் இது போன்ற செயல்களில் ஈடுபட வேண்டாம் என காவல்துறை சார்பில் எச்சரிக்கை விடப்பட்டுள்ளது.மீறும் பட்சத்தில் சட்டப்படியான நடவடிக்கை மேற்கொள்ளப்படும் என தெரிவித்துள்ளனர். வை மாவட்டத்தில் பொது இடங்களில் மது அருந்துவதையும், மதுபோதையில் பொதுமக்களுக்கு இடையூறு ஏற்படுத்தும் செயல்களையும் கட்டுப்படுத்த காவல்துறையினர் கண்காணிப்பைத் தீவிரப்படுத்தியுள்ளனர். குறிப்பாக, பேரூர் காவல் உட்கோட்டத்திற்கு உட்பட்ட பகுதிகளில் ட்ரோன் கேமராக்களைப் பயன்படுத்தி கண்காணிப்பு நடவடிக்கைகள் மேற்கொள்ளப்பட்டு வருகின்றன. வழக்கமான காவல்துறை ரோந்துப் பணிகளுடன், ட்ரோன் தொழில்நுட்பத்தையும் பயன்படுத்தி கண்காணிப்பு மேற்கொள்ளப்படுவது குறிப்பிடத்தக்கது பொது இடங்களில் மது அருந்துபவர்கள் மற்றும் குடிபோதையில் சட்டம் ஒழுங்கு பிரச்சினைகளில் ஈடுபடுபவர்கள் இதுபோன்ற செயல்களைத் தவிர்க்க வேண்டும் என கோவை மாவட்ட காவல்துறை அறிவுறுத்தியுள்ள

சத் பூஜை பண்டிகை எதிரொலி.. சொந்த ஊர் செல்லும் வடமாநில தொழிலாளர்கள்! கோவை, திருப்பூர் உள்ளிட்ட ரயில் நிலையங்களில் சிறப்பு ஏற்பாடுகள்

Sekaran S — Mon, 09 Nov 2026 21:17:53 +0530

சத் பூஜை பண்டிகையை முன்னிட்டு கோவை, திருப்பூர், ஈரோடு, சேலம் உள்ளிட்ட மேற்கு மாவட்டங்களில் பணிபுரியும் வடமாநிலத் தொழிலாளர்கள் சொந்த ஊர்களுக்குச் செல்கின்றனர். இதனால் ரயில் நிலையங்களில் பயணிகள் கூட்டம் அதிகரித்துள்ளது. இதையடுத்து, தெற்கு ரயில்வேயின் சேலம் கோட்டம் சார்பில் சிறப்பு ஏற்பாடுகள் செய்யப்பட்டுள்ளன. வழக்கமான ரயில்களுடன் போத்தனூரில் இருந்து பீகாரில் உள்ள பரோனி, தர்பங்கா உள்ளிட்ட பகுதிகளுக்கு சிறப்பு ரயில்களும் இயக்கப்படுகின்றன. கோவை, திருப்பூர், ஈரோடு, சேலம் ரயில் நிலையங்களில் பயணிகளுக்காகக் காத்திருப்பு பகுதிகள் அமைக்கப்பட்டுள்ளன. முன்பதிவு இல்லாத பயணிகள் பொதுப் பெட்டிகளில் பயணிக்க அறிவுறுத்தப்படுகின்றனர். மேலும், ரயில்வே அதிகாரிகள் மற்றும் ரயில்வே பாதுகாப்புப் படையினர் 24 மணி நேரமும் கண்காணிப்புப் பணியில் ஈடுபட்டுள்ளனர். கூட்டத்திற்கு ஏற்ப கூடுதல் சிறப்பு ரயில்களும் அறிவிக்கப்படும் எனத் தெரிவிக்கப்பட்டுள்ளது.

திருச்சியில் பெட்ரோல் பங்க் பெண் ஊழியருக்கு கொலை மிரட்டல்.. போலீசார் நடவடிக்கை எடுக்க உரிமையாளர் கோரிக்கை!

Deepan — Mon, 09 Nov 2026 21:12:57 +0530

திருச்சி இபி சாலையில் உள்ள ஹெச்பி பெட்ரோல் பங்கில் பெட்ரோல் நிரப்பிவிட்டு பணம் தராமல் தகராறில் ஈடுபட்ட இளைஞர், பெண் ஊழியர் உள்ளிட்டோருக்கு கொலை மிரட்டல் விடுத்த சம்பவம் பரபரப்பை ஏற்படுத்தியுள்ளது. கருவாட்டுப்பேட்டையைச் சேர்ந்த கோபால் என்பவர், நேற்று மாலை பெட்ரோல் நிரப்ப வந்தபோது வரிசையில் நிற்காமல் பெட்ரோல் போடுமாறு தகராறு செய்துள்ளார். இதைத் தட்டிக்கேட்ட பெண் ஊழியர் ஹேமாவைத் தரக்குறைவாகப் பேசி, கழுத்தை அறுத்துவிடுவதாக மிரட்டியதாகக் கூறப்படுகிறது. இதுகுறித்து பேசிய பங்க் உரிமையாளர் சுப்பு, தொடர்ந்து மிரட்டல் விடுப்பதால் ஊழியர்கள் இரவு நேரப் பணிக்கு வர அச்சப்படுவதாகவும், இரண்டு நாட்களாகப் பணியாளர் பற்றாக்குறை ஏற்பட்டுள்ளதாகவும் தெரிவித்தார். மேலும், காவல் ஆணையர் அலுவலகத்தில் புகார் அளிக்க நடவடிக்கை எடுத்து வருவதாகவும், ஊழியர்களுக்குப் பாதுகாப்பு வழங்கி சம்பந்தப்பட்ட நபர் மீது கடும் நடவடிக்கை எடுக்க வேண்டும் என்றும் கோரிக்கை விடுத்துள்ளார்.

சேலத்தில் ட்ரோன்கள் மூலம் சீட்டாட்டம், மதுக் கும்பலைக் கண்காணிக்கும் காவல் துறை!

Sathis S — Mon, 09 Nov 2026 14:23:30 +0530

சேலம், நவ.09: தீபாவளிப் பண்டிகைக் காலங்களில் பொதுமக்கள் அனைவரும் தங்களது குடும்பத்தினருடன் மகிழ்ச்சியாகக் கொண்டாட்டங்களில் ஈடுபடும் வேளையில், சில சமூக விரோதக் கும்பல்களும் வன்முறையாளர்களும் சட்டவிரோதச் செயல்களில் ஈடுபடுவதைத் தடுப்பது காவல்துறையினருக்குப் பெரும் சவாலாக அமைகிறது. குறிப்பாக, பண்டிகைக் காலங்களில் மக்கள் நடமாட்டம் குறைவான பகுதிகள், வயல்வெளிகள் மற்றும் காடுகளில் சட்டவிரோதமாகப் பணத்தைச் வைத்துச் சீட்டாடுவது மற்றும் மது அருந்திவிட்டுப் பொதுமக்களுக்கு இடையூறாகத் தகராறுகளில் ஈடுபடுவது போன்ற சம்பவங்கள் பரவலாக நடைபெறும். இத்தகைய சட்டவிரோதச் செயல்களை முற்றிலும் ஒடுக்கும் வகையிலும், அசம்பாவிதங்களைத் தடுத்துச் சட்டம்-ஒழுங்கைப் பேணும் வகையிலும் சேலம் மாநகரக் காவல்துறை நவீனத் தொழில்நுட்ப உதவிகளுடன் அதிரடிக் கண்காணிப்பு நடவடிக்கைகளைக் கையில் எடுத்துள்ளது.

ட்ரோன் கண்காணிப்புப் பணிகள்:

தீபாவளிப் பண்டிகையை முன்னிட்டுச் சேலம் மாநகராட்சி பகுதி முழுவதையும் எவ்விதக் அசம்பாவிதங்களும் இன்றி தீவிரமாகக் கண்காணிக்க வேண்டும் எனச் சேலம் மாநகரக் காவல் ஆணையாளர் பாபு உத்தரவிட்டிருந்தார். அந்த உத்தரவின் அடிப்படையில், சேலம் மாநகரில் உள்ள அனைத்துக் காவல் நிலைய எல்லைகளுக்குட்பட்ட பகுதிகளிலும் ட்ரோன் (Drone Camera) கேமராக்கள் மூலம் வான்வழிச் சோதனைகளைத் தீவிரப்படுத்த அறிவுறுத்தப்பட்டது. இதன் தொடர்ச்சியாக, சேலம் அழகாபுரம் காவல் நிலைய எல்லைக்குட்பட்ட பகுதிகளில் காவல் உதவி ஆணையர் அஸ்வினி தலைமையில், காவல் ஆய்வாளர் பாபு மற்றும் காவல்துறையினர் இணைந்து நேற்று மாலை மற்றும் இரவு நேரங்களில் ட்ரோன் கேமராக்கள் மூலம் தீவிரக் கண்காணிப்புப் பணிகளில் ஈடுபட்டனர்.

தீபாவளி.. ரசிகர்களை சந்தித்த சூப்பர் ஸ்டார் ரஜினி.. உற்சாகம்!

Vinalin Sweety — Sun, 08 Nov 2026 16:50:44 +0530

தமிழகத்தின் (Tamil Nadu) மிக முக்கிய நடிகர்களில் ஒருவராக உள்ளவர் தான் ரஜினிகாந்த் (Rajinikanth). 80களில் இருந்து தமிழ் திரையுலகில் தனக்கென தனி முத்திரை பதித்தவர் தான் ரஜினி. மூன்று தலைமுறைகளுக்கும் மேலாக தனக்கென ரசிகர்களை குவித்து வருகிறார். பெரியவர்கள் முதல் சிறியவர்கள் வரை ரஜினிக்கு ரசிகர்கள் பட்டாளம் ஏராளம். இந்த நிலையில் தான் தனது பிறந்தநாள், பண்டிகை மற்றும் விழாக்காலங்களில் நடிகர் ரஜினி தனது ரசிகர்களை சந்திப்பதை வழக்கமாக கொண்டுள்ளார். அந்த வகையில், இன்று (நவம்பர் 08, 2026) தீபாவளி பண்டிகையை முன்னிட்டு நடிகர் ரஜினிகாந்த் போயஸ் கார்டனில் உள்ள தனது இல்லத்தின் வெளியே ரசிகர்களை சந்தித்தார். அவரை காண்பதற்காக காத்திருந்த ரசிகர்கள் அவர் வெளியே வந்ததும் மிகவும் உற்சாகம் அடைந்தனர். அது தொடர்பான வீடியோக்கள் இணையத்தில் வெளியாகி வைரலாகி வருகிறது.

தீபாவளி சிறப்பு.. மதுரை மீனாட்சி அம்மன் கோயிலில் குவிந்த பொதுமக்கள்!

Vinalin Sweety — Sun, 08 Nov 2026 16:10:44 +0530

இந்தியாவில் (India) உள்ள கோடிக்கணக்கான மக்கள் கொண்டாடும் முக்கிய பண்டிகையாக உள்ளது தான் தீபாவளி பண்டிகை (Diwali Festival). குறிப்பாக தமிழகத்திலும் (Tamil Nadu) பொதுமக்கள் மிகுந்த உற்சாகத்துடன் தீபாவளி பண்டிகையை கொண்டாடுவதை வழக்கமாக கொண்டுள்ளனர். அந்த வகையில், இன்று (நவம்பர் 08, 2026) தமிழகம் முழுவதும் தீபாவளி பண்டிகை கோலாகலமாக கொண்டாடப்பட்டது. தீபாவளி பண்டிகையின் போது புத்தாடை அணிந்து கோயிலுக்கு செல்வதை பொதுமக்கள் வழக்கமாக கொண்டுள்ள நிலையில், இன்று மதுரை மீனாட்சி அம்மன் கோயிலில் சுவாமி தரிசனம் செய்ய ஏராளமான பொதுமக்கள் குவிந்தனர். இதன் காரணமாக, மதுரை மீனாட்சி அம்மன் கோயில் (Madurai Meenakshi Amma Temple) வழக்கத்தை விடவும் சற்று பக்தர்கள் கூட்டம் மிகுந்ததாக காணப்பட்டது. தீபாவளி பண்டிகை காரணமாக ஏராளமான மக்கள் கோயிலுக்கு சென்ற நிலையில், கோயிலில் பக்தர்கள் கூட்டம் அலைமோதியது.

கடைசி நேர தீபாவளி ஷாப்பிங்.. திணறிய திருச்சி NSB சாலை.. டுரோன் காட்சிகள்!

Vinalin Sweety — Sun, 08 Nov 2026 09:37:26 +0530

இந்தியா முழுவதும் மிகவும் கோலாகலமாக கொண்டாடப்படும் ஒரு முக்கிய பண்டிகையாக தீபாவளி உள்ளது. இதன் காரணமாக கடந்த சில நாட்களுக்கு முன்னதாகவே தமிழகத்தில் தீபாவளி பண்டிகை கலைக்கட்ட தொடங்கியது. புத்தாடைகள் எடுப்பது, இனிப்புகளை வாங்குவது, பட்டாசுக்களை வாங்குவது என ஒரு மாதத்திற்கு மேலாக மக்கள் பிஸியாக ஷாப்பிங் செய்து வருகின்றனர். தீபாவளி பண்டிகையே வந்துவிட்டாலும் கூட பொதுமக்கள் இன்னும் ஷாப்பிங் செய்வதை நிறுத்தவில்லை. அந்த வகையில், திருச்சியில் உள்ள என்எஸ்பி சாலையில் கடைசி நேர ஷாப்பிங் செய்ய இரவு நேரத்தில் பொதுமக்கள் குவிந்ததால் அந்த பகுதி கூட்ட நெரிசல் மிகுந்து காணப்பட்டது. அதுமட்டுமன்றி, அந்த பகுதி முழுவதும் கடும் போக்குவரத்து நெரிசலும் ஏற்பட்டது. மிக நீண்ட சாலையில் மக்கள் கூட்டம் அலைமோதிய நிலையில், வாகனங்களும் படையெடுத்து நின்றுக்கொண்டு இருந்தன.

துடியலூர் அருகே ஊருக்குள் புகுந்த ஒற்றை யானை… அதிகாலை நடைபயிற்சி செல்வோருக்கு எச்சரிக்கை!

Sekaran S — Sat, 07 Nov 2026 08:28:52 +0530

கோவை, துடியலூர் அருகே உள்ள கதிர்நாயக்கன்பாளையம் வேணு நகர் பகுதியில் அதிகாலை நேரத்தில் ஒற்றைக் காட்டு யானை குடியிருப்புக்குள் புகுந்ததால் பொதுமக்கள் அச்சமடைந்துள்ளனர். கடந்த நவம்பர் 1ஆம் தேதி அதிகாலை 4 மணியளவில் வனப்பகுதியில் இருந்து வெளியேறிய யானை, வேணு நகர் தெருக்களில் உணவு தேடி உலா வந்துள்ளது. இதுதொடர்பான கண்காணிப்பு கேமரா காட்சிகளும் வெளியாகியுள்ளன. தகவலறிந்து வந்த வனத்துறையினர் கண்காணிப்புப் பணியில் ஈடுபட்டுள்ளனர். மேலும், இரவு மற்றும் அதிகாலை நேரங்களில் பொதுமக்கள் தனியாக வெளியே வர வேண்டாம் என்றும், நடைபயிற்சி செல்வோர் மிகுந்த எச்சரிக்கையுடன் இருக்க வேண்டும் என்றும் அறிவுறுத்தியுள்ளனர். ஏற்கனவே இப்பகுதியில் காட்டு யானை தாக்கி விவசாயி உள்ளிட்ட இருவர் உயிரிழந்துள்ள நிலையில், மீண்டும் யானை ஊருக்குள் புகுந்திருப்பது மக்களிடையே அச்சத்தை ஏற்படுத்தியுள்ளது. யானையை வனப்பகுதிக்குள் விரட்டவும், கண்காணிப்பைத் தீவிரப்படுத்தவும் மக்கள் வலியுறுத்தியுள்ளனர்.

‘சீன்’ பட ரிலீஸ்.. திருவிழா கோலம் பூண்ட கோவை.. மேளதாளங்களுடன் கேக் வெட்டி சூர்யா ரசிகர்கள் மாஸ் கொண்டாட்டம்!!

Sekaran S — Fri, 06 Nov 2026 14:20:10 +0530

கோவை, நவ.06: தமிழ் திரையுலகின் முன்னணி நட்சத்திரமான நடிகர் சூர்யா நடிப்பில் பெரும் எதிர்பார்ப்புகளுக்கு மத்தியில் உருவாகியுள்ள 'சீன்' திரைப்படம் இன்று உலகமெங்கும் உள்ள திரையரங்குகளில் மிக பிரம்மாண்டமாக வெளியாகியுள்ளது. ஏற்கனவே அவரது நடிப்பில் வெளியான 'கருப்பு' மற்றும் 'விஸ்வநாத் சன்ஸ்' ஆகிய திரைப்படங்கள் தொடர்ச்சியாக மாபெரும் வெற்றி பெற்று வசூல் சாதனை படைத்ததைத் தொடர்ந்து, இந்த 'சீன்' திரைப்படத்தின் மீது ரசிகர்கள் மற்றும் திரைத்துறையினர் மத்தியில் அளப்பரிய எதிர்பார்ப்பு நிலவி வந்தது. திரையரங்குகளில் படம் வெளியானதைத் தொடர்ந்து, தமிழகத்தின் பல்வேறு பகுதிகளிலும் சூர்யா ரசிகர்கள் திருவிழா போலக் கொண்டாட்டங்களில் ஈடுபட்டு வருகின்றனர்.

காலை 6 மணி சிறப்புக் காட்சி:

நீண்ட இடைவெளிக்குப் பிறகு நடிகர் சூர்யா நடித்த திரைப்படத்திற்கு காலை 6 மணிக்கே சிறப்புக் காட்சி திரையிட அனுமதி வழங்கப்பட்டதால், அதிகாலையிலேயே ரசிகர்கள் குடும்பத்துடனும் நண்பர்களுடனும் திரையரங்கு வளாகங்களில் பெருந்திரளாகக் கூடத் தொடங்கினர். குறிப்பாக, இந்த முதற்காட்சியைப் காண்பதற்காகப் பெண்களும் குடும்ப ரசிகர்களும் பெருமளவில் திரையரங்குகளுக்கு வருகை தந்து படத்தை ஆர்வத்துடன் கண்டு களித்தது இத்திரைப்பட வெளியீட்டின் முக்கிய சிறப்பம்சமாக அமைந்தது. திரையரங்குகளில் நிலவிய இந்த அபரிமிதமான கூட்டமும் உற்சாகமும் சூர்யாவின் மாஸ் வரவேற்பை மீண்டும் நிரூபிக்கும் வகையில் அமைந்திருந்தது.

கோவையில் போலி ஜிபே மூலம் மோசடி… போலி வழக்கறிஞர் எனக் கூறிய பெண் கைது! English Title:\

Sekaran S — Fri, 06 Nov 2026 07:34:10 +0530

கோவை சிவானந்தா காலனியைச் சேர்ந்த வாசகி என்ற பெண், பவர்ஹவுஸ் பகுதியில் உள்ள டிபார்ட்மென்டல் ஸ்டோரில் மளிகைப் பொருட்களை வாங்கிவிட்டு, ஜிபே மூலம் பணம் செலுத்தியதாகக் கூறி மோசடியில் ஈடுபட்டுள்ளார். நேற்று ரூ.200 மதிப்பிலான பொருட்களை வாங்கி ஏமாற்றிய அவர், இன்று மீண்டும் அதே கடைக்கு வந்து ரூ.2,500 மதிப்பிலான பொருட்களை வாங்கியுள்ளார். பணம் வராததைக் கண்ட ஊழியர்கள், அந்தப் பெண்ணைப் பின்தொடர்ந்து அருகிலுள்ள பழமுதிர் நிலையம் அருகே மடக்கிப் பிடித்து ரத்தினபுரி போலீசாரிடம் ஒப்படைத்தனர். விசாரணையில், ஆந்திராவில் உள்ள சட்டக் கல்லூரியில் படிப்பதாகவும், வழக்கறிஞர் என்றும் பொய்யாகக் கூறியது தெரியவந்தது. அவரது இருசக்கர வாகனத்திலும் ADVOCATE ஸ்டிக்கர் ஒட்டப்பட்டிருந்தது. இதுகுறித்து போலீசார் தொடர்ந்து விசாரணை நடத்தி வருகின்றனர்.

கோவையில் மாநகராட்சி அலட்சியம்.. சகதியில் சிக்கிய சரக்கு வாகனம்! 3 வாரங்களாக இருளில் தவிக்கும் வடவள்ளி மக்கள்!

Sekaran S — Thu, 05 Nov 2026 21:17:26 +0530

கோவையில் கனமழைக்கு நடுவே மாநகராட்சியின் அலட்சியத்தால் பொதுமக்கள் கடும் அவதிக்குள்ளாகி வருகின்றனர். சின்னவேடம்பட்டி DVP இண்டஸ்ட்ரியல் எஸ்டேட் பகுதியில் பாதாள சாக்கடைப் பணிகளுக்காகத் தோண்டப்பட்ட சாலை மழையால் சேறும் சகதியுமாக மாறியுள்ளது. இதனால் அப்பகுதியில் உள்ள ஸ்டீல் நிறுவனத்திற்குப் பொருட்களை ஏற்றிச் சென்ற குட்டி யானை சரக்கு வாகனம் பள்ளத்தில் சிக்கி விபத்துக்குள்ளாகும் நிலை ஏற்பட்டது. கர்ப்பிணிப் பெண்கள் உட்பட ஏராளமான தொழிலாளர்கள் இந்தச் சாலையைப் பயன்படுத்துவதால் உயிருக்கு ஆபத்து இருப்பதாகப் பொதுமக்கள் வேதனை தெரிவிக்கின்றனர். இதற்கிடையே, வடவள்ளி கருப்பசாமி முதலியார் வீதி மற்றும் சுற்றுவட்டாரப் பகுதிகளில் கடந்த 3 வாரங்களுக்கும் மேலாகத் தெருவிளக்குகள் எரியவில்லை. இதனால் இரவு நேரங்களில் விபத்துகள் மற்றும் திருட்டு அபாயம் அதிகரித்துள்ளதாக மக்கள் அச்சம் தெரிவிக்கின்றனர். எனவே, சாலைகளைச் சீரமைக்கவும், தெருவிளக்குகளை உடனடியாகப் பழுதுபார்க்கவும் மாநகராட்சி அதிகாரிகள் நடவடிக்கை எடுக்க வேண்டும் எனக் கோரிக்கை விடுத்துள்ளனர்.

திருச்சியில் பட்டாசு கடையில் திடீர் தீ விபத்து.. வெடித்துச் சிதறிய பட்டாசுகள்! ரூ.5 லட்சம் மதிப்பிலான பட்டாசுகள் நாசம்!

Deepan — Thu, 05 Nov 2026 20:58:24 +0530

திருச்சி எடமலைப்பட்டி புதூரில் தீபாவளியை முன்னிட்டு அமைக்கப்பட்டிருந்த தற்காலிக பட்டாசு கடையில் ஏற்பட்ட திடீர் தீ விபத்தால் பரபரப்பு ஏற்பட்டது. திருச்சி மாநகர் எடமலைப்பட்டி புதூர் பகுதியில் இன்று மாலை இந்த தீ விபத்து நிகழ்ந்தது. தீ மளமளவென பரவியதால் கடையில் வைக்கப்பட்டிருந்த பட்டாசுகள் அடுத்தடுத்து வெடித்துச் சிதறின. இதனால் அப்பகுதி முழுவதும் பெரும் சத்தம் கேட்டது. அச்சமடைந்த பொதுமக்கள் அலறியடித்துக் கொண்டு அங்கிருந்து ஓட்டம் பிடித்தனர். தகவலறிந்து விரைந்து வந்த தீயணைப்புத் துறையினர் நீண்ட நேரம் போராடி தீயைக் கட்டுக்குள் கொண்டு வந்தனர். இந்த விபத்தில் சுமார் ரூ.5 லட்சம் மதிப்பிலான பட்டாசுகள் எரிந்து நாசமாகின. அதிர்ஷ்டவசமாக யாருக்கும் காயம் ஏற்படவில்லை. விபத்துக்கான காரணம் குறித்து எடமலைப்பட்டி புதூர் போலீசார் விசாரணை மேற்கொண்டு வருகின்றனர்.

சேலத்தில் போதைப்பொருள் ஒழிப்பு விழிப்புணர்வு.. 3,015 பேர் பங்கேற்று உலக சாதனை முயற்சி!

Sathis S — Wed, 04 Nov 2026 21:04:40 +0530

சேலத்தில் போதைப்பொருள் பயன்பாட்டிற்கு எதிராக விழிப்புணர்வு ஏற்படுத்தும் வகையில், 3,015 பேர் பங்கேற்ற மனித வடிவமைப்பு நிகழ்ச்சி உலக சாதனையாக அங்கீகரிக்கப்பட்டுள்ளது. சேலம் அம்மாபேட்டை பகுதியில் உள்ள தனியார் பள்ளி மைதானத்தில் நடைபெற்ற இந்நிகழ்ச்சியில், மாணவர்கள், ஆசிரியர்கள் மற்றும் பள்ளிப் பணியாளர்கள் என மொத்தம் 3,015 பேர் பங்கேற்றனர். இதில், "SAY NO TO DRUGS, SAY YES TO SPORTS" என்ற வாசகத்தை மனித வடிவில் உருவாக்கினர். இந்த முயற்சியை ஆசியா புக் ஆஃப் ரெக்கார்ட்ஸ் அமைப்பு உலக சாதனையாக அங்கீகரித்தது. நிகழ்ச்சியில் சேலம் மாவட்ட ஆட்சியர் இளம்பகவத், மாநகர காவல் ஆணையர் ஏ.ஜி.பாபு ஆகியோர் பங்கேற்று பாராட்டினர். முன்னதாக, போதைப்பொருள் பயன்பாட்டிற்கு எதிரான உறுதிமொழி ஏற்கப்பட்டது. மேலும், இளைஞர்கள் போதைப்பொருட்களைத் தவிர்த்து விளையாட்டு மற்றும் உடற்பயிற்சியில் ஈடுபட வேண்டும் என்றும் வலியுறுத்தப்பட்டது.

தஞ்சாவூர் எம்பி முரசொலி வீட்டிலேயே கைவரிசை – சிசிடிவி காட்சிகள் வைரல்!

Sekaran S — Wed, 04 Nov 2026 14:52:07 +0530

கோவை, திருச்சி ரோடு அருகே உள்ள வெங்கடலட்சுமி நகரில் குடும்பத்துடன் குடியிருந்து வரும் தஞ்சாவூர் நாடாளுமன்ற உறுப்பினர் (MP) முரசொலி வீட்டின் காம்பவுண்டுக்குள் நிறுத்தப்பட்டு இருந்த விலை உயர்ந்த சைக்கிள் ஒன்றை மர்ம நபர் திருடிச் சென்று உள்ள சம்பவம் அப்பகுதி மக்கள் இடையே பெரும் அதிர்ச்சியை ஏற்படுத்தி உள்ளது. தஞ்சாவூர் பாராளுமன்ற உறுப்பினரான முரசொலி அவர்கள், கடந்த 5 மாதங்களாகக் கோவை வெங்கடலட்சுமி நகர் பகுதியில் குடியிருந்து வருகிறார். இந்நிலையில், கடந்த நவம்பர் 1 ம் தேதி ஞாயிற்றுக்கிழமை காலை சுமார் ஒன்பது முப்பது மணி அளவில் இவரது வீட்டின் வளாகத்தில் நிறுத்தப்பட்டு இருந்த சைக்கிள் ஒன்றை அடையாளம் தெரியாத நபர் ஒருவன் சாதுரியமாகத் திருடிச் சென்று உள்ளான். இந்தத் திருட்டுச் சம்பவம் தொடர்பான கண்காணிப்பு கேமரா (CCTV) காட்சிகள் தற்போது அப்பகுதி குடியிருப்புவாசிகளால் இணையத்தில் பதிவு செய்யப்பட்டு வெளியாகி உள்ளது. மக்கள் பிரதிநிதியான நாடாளுமன்ற உறுப்பினரின் வீட்டிலேயே பகல் நேரத்தில் துணிச்சலாக நுழைந்து திருடன் கைவரிசை காட்டி உள்ளது குடியிருப்புவாசிகளை உரைய வைத்து உள்ளது. காவல்துறை ரோந்துப் பணியைத் தீவிரப்படுத்த வேண்டும் என அப்பகுதி மக்கள் காவல்துறைக்கு கோரிக்கை விடுத்து உள்ளனர்.

சர்வதேச சாப்ட் டென்னிஸ் போட்டியில் பதக்கம் வென்று சாதனை.. சேலம் மாணவிகளுக்கு மேளதாளத்துடன் உற்சாக வரவேற்பு!

Sathis S — Tue, 03 Nov 2026 15:05:13 +0530

சீனாவில் கடந்த வாரம் கோலாகலமாக நடைபெற்ற 5-வது சர்வதேச ஜூனியர் சாப்ட் டென்னிஸ் சாம்பியன்ஷிப் போட்டியில், இந்திய அணியைப் பிரதிநிதித்துவப்படுத்திப் பங்கேற்ற சேலம் மாவட்டத்தைச் சேர்ந்த இரண்டு மாணவிகள் சர்வதேச அளவில் பதக்கம் வென்று தமிழகத்திற்கும் இந்தியாவிற்கும் பெரும் பெருமை சேர்த்துள்ளனர். ஓமலூரைச் சேர்ந்த 10-ஆம் வகுப்பு மாணவி தனிகா தாயுமானவன் மற்றும் கொண்டலாம்பட்டியைச் சேர்ந்த நிஷாலினி ஆகியோர் தங்களது திறமையால் இரட்டையர் பிரிவுகளில் வெண்கலப் பதக்கங்களைக் கைப்பற்றி நாட்டிற்குக் கீர்த்தி தேடித்தந்துள்ளனர். உலக நாடுகளின் முன்னணி வீராங்கனைகள் கலந்துகொண்ட இத்தகைய கடினமான சர்வதேசப் போட்டியில் தமிழக மாணவிகள் முத்திரை பதித்திருப்பது ஒட்டுமொத்த விளையாட்டு வட்டாரத்திலும் பெரும் மகிழ்ச்சியை ஏற்படுத்தியுள்ளது.

சாதனை மாணவிகளின் பின்னணி:

ஓமலூரில் உள்ள தமிழ்நாடு சாப்ட் டென்னிஸ் அகாடமியில் தீவிர பயிற்சி பெற்று வரும் மாணவி தனிகா, ஆசிரியர் தம்பதியான தாயுமானவன் - தாரிணி ஆகியோரின் இரண்டாவது மகளாவார். ஏற்கனவே மாவட்ட, மாநில மற்றும் தேசிய அளவிலான பல்வேறு போட்டிகளில் தனது திறமையை நிரூபித்துள்ள இவர், தற்போது சர்வதேச அளவில் 15 வயதுக்குட்பட்டோர் இரட்டையர் பிரிவில் ஆந்திரப் பிரதேசத்தைச் சேர்ந்த வைஷாலியுடன் இணைந்து விளையாடி வெண்கலப் பதக்கத்தைக் கைப்பற்றியுள்ளார். இவரது குடும்பத்தில் ஏற்கனவே அக்கா தருணா மற்றும் அண்ணா தருண் கிருஷ்ணா ஆகியோர் விளையாட்டு வீரர் பிரிவில் மருத்துவ இடங்களைப் பெற்று முறையே கல்வியைத் தொடர்ந்து வருவது குறிப்பிடத்தக்கது. இவர்களைத் தவிர, சேலம் கொண்டலாம்பட்டி பகுதியைச் சேர்ந்த வெள்ளித் தொழிலாளி ரமேஷ் - சாந்தகுமாரி தம்பதியின் மகளான நிஷாலினி, அண்ணா பல்கலைக்கழகத்தில் மின்னணுவியல் துறையில் இளநிலை பொறியியல் பயின்று வருபவர் ஆவார். இவர் 18 வயதுக்குட்பட்டோர் பிரிவில் மகாராஷ்டிராவைச் சேர்ந்த பிரியங்காவுடன் இணைந்து விளையாடி வெண்கலப் பதக்கத்தை வென்றுள்ளார்.

கரையைக் கடந்த முரசு புயல்.. மீண்டும் கடலுக்கு சென்ற சென்னை மீனவர்கள்!

Aarthi Govindaraman — Tue, 03 Nov 2026 07:49:26 +0530

வங்கக்கடலில் உருவான தீவிர புயலான முரசு, இன்று (நவம்பர் 3) அதிகாலை 3.30 மணி முதல் 5.30 மணிக்குள் நெல்லூர் – நர்சாபூர் இடையே ஓங்கோல் அருகே கரையைக் கடந்தது. அப்போது மணிக்கு 100 முதல் 110 கி.மீ. வேகத்திலும், அதிகபட்சமாக 120 கி.மீ. வேகத்திலும் சூறைக்காற்று வீசியது. புயல் கரையைக் கடந்தாலும் ஆந்திராவில் அடுத்த 12 மணி நேரத்திற்கு கனமழை தொடரும் என எச்சரிக்கப்பட்டுள்ளது. மேலும், முரசு புயல் படிப்படியாக வலுவிழந்து ஆழ்ந்த காற்றழுத்தத் தாழ்வு மண்டலமாக மாறும் என கணிக்கப்பட்டுள்ளது. இதற்கிடையே, புயல் காரணமாக கடலுக்குச் செல்லாமல் இருந்த சென்னை மீனவர்கள் இன்று மீண்டும் மீன்பிடிக்கச் சென்றனர். இருப்பினும், கடல் அலைகள் தொடர்ந்து சீற்றத்துடன் காணப்படுவதால் மீனவர்கள் எச்சரிக்கையுடன் இருக்க அறிவுறுத்தப்பட்டுள்ளனர்.

திருச்சியில் விவசாயிகளுக்கு தீபாவளி பரிசுப் பொருட்கள் – அமைச்சர் ரமேஷ் வழங்கி மதிய உணவு உபசரிப்பு!

Deepan — Mon, 02 Nov 2026 19:56:42 +0530

திருச்சி மாவட்ட பொறுப்பு அமைச்சரும், இந்து சமய அறநிலையத்துறை அமைச்சருமான ரமேஷ் ஏற்பாட்டில், விவசாயிகளுக்கு தீபாவளி பரிசுத் தொகுப்பு வழங்கும் நிகழ்ச்சி திருச்சி கலையரங்கம் திருமண மண்டபத்தில் நடைபெற்றது. இதில் 300-க்கும் மேற்பட்ட விவசாயிகளுக்கு புத்தாடைகள், இனிப்புகள் மற்றும் பட்டாசுகள் அடங்கிய பரிசுத் தொகுப்புகளை அமைச்சர் வழங்கினார். தொடர்ந்து, விவசாயிகளுடன் அமர்ந்து மதிய உணவும் அருந்தினார். தேசிய தென்னிந்திய நதிகள் இணைப்பு விவசாயிகள் சங்கத் தலைவர் அய்யாக்கண்ணு உள்ளிட்டோர் பங்கேற்றனர். பின்னர் செய்தியாளர்களிடம் பேசிய அமைச்சர் ரமேஷ், விவசாயிகளைத் தாய், தந்தையாகக் கருதுவதாகவும், அவர்களைப் பெருமைப்படுத்தும் நோக்கில் தனிப்பட்ட முறையில் இந்த நிகழ்ச்சி ஏற்பாடு செய்யப்பட்டதாகவும் தெரிவித்தார். இதனைத் தொடர்ந்து பேசிய அய்யாக்கண்ணு, தனது அனுபவத்தில் விவசாயிகளை அழைத்து தீபாவளிப் பரிசு வழங்குவது இதுவே முதல்முறை என்றும், 300 விவசாயிகளுக்கு பரிசுப் பொருட்கள் வழங்கியது மகிழ்ச்சி அளிப்பதாகவும் தெரிவித்தார்

சேலத்தில் 3 டாஸ்மாக் கடைகள் திறக்கப்படவில்லை – பணியாளர்கள் போராட்டம்; ஏமாற்றத்துடன் காத்திருந்த மதுப்பிரியர்கள்!

Sathis S — Mon, 02 Nov 2026 19:52:31 +0530

தமிழகத்தில் டாஸ்மாக் கடைகளில் காலி மது பாட்டில்களைத் திரும்பப் பெறும் திட்டம் அமல்படுத்தப்பட்டுள்ளது. இதற்காக டாஸ்மாக் பணியாளர்களுக்கு கூடுதல் பணிச்சுமை ஏற்படுவதாகக் கூறி, காலி பாட்டில்களைப் பெறுவதற்குத் தனியாகப் பணியாளர்களை நியமிக்க வேண்டும் என டாஸ்மாக் ஊழியர்கள் கோரிக்கை விடுத்துள்ளனர். ஏற்கனவே மது விற்பனையின்போது பாட்டில்களை ஸ்கேன் செய்து ஸ்டிக்கர் ஒட்டும் பணியுடன், திரும்பப் பெறும்போதும் ஸ்கேன் செய்ய வேண்டியுள்ளதால் பணிச்சுமை அதிகரித்துள்ளதாகத் தெரிவிக்கின்றனர். இதனை எதிர்த்து இன்று சேலம் செவ்வாய்பேட்டை பகுதியில் உள்ள 3 டாஸ்மாக் கடைகள் திறக்கப்படவில்லை. மாநகரின் பல்வேறு பகுதிகளிலும் கடைகள் திறக்கப்படாததால் மதுப்பிரியர்கள் ஏமாற்றத்துடன் காத்திருந்தனர். தனியாகப் பணியாளர்களை நியமிக்கும் வரை போராட்டம் தொடரும் என ஊழியர்கள் தெரிவித்துள்ளனர்.

தீபாவளியை முன்னிட்டு சேலம் கடைவீதியில் அலைமோதும் மக்கள் கூட்டம்.. ஜவுளி கடைகளில் களைகட்டிய வியாபாரம்!!

Sathis S — Mon, 02 Nov 2026 14:20:27 +0530

சேலம், நவ.02: தமிழர்களின் மிக முக்கியமான மற்றும் மகிழ்ச்சியான பண்டிகைகளில் ஒன்றான தீபாவளித் திருநாள் நெருங்கி வரும் நிலையில், தமிழகத்தின் முக்கிய வர்த்தக மையங்களில் ஒன்றான சேலம் மாநகரில் பண்டிகைக் காலக் கொண்டாட்டங்கள் முழு வீச்சில் தொடங்கியுள்ளன. சேலத்தின் பிரதான கடைவீதி மற்றும் அதனைச் சுற்றியுள்ள முக்கியச் சந்தைப் பகுதிகளில் பொதுமக்கள் தங்களது குடும்பத்தினருடன் திரண்டு வந்து புத்தாடைகள் மற்றும் அவசியமான பண்டிகைப் பொருட்களை உற்சாகத்துடன் வாங்கிச் செல்கின்றனர். குறிப்பாக, காலை முதல் இரவு வரை மக்கள் கூட்டம் அலைமோதுவதால் அப்பகுதிகளில் விழாக் காலச் சூழல் உருவாகியுள்ளது.

ஜவுளி கடைகளில் குவிந்துள்ள மக்கள்:

தீபாவளி ஷாப்பிங்கின் மிக முக்கியப் பகுதியாக விளங்கும் ஜவுளிப் ખરીதி தற்போது உச்சத்தை எட்டியுள்ளது. சேலத்தில் உள்ள பிரபல ஜவுளி நிறுவனங்கள் மற்றும் சிறிய கடைகள் அனைத்திலும் வண்ணமயமான புதிய ரக ஆடைகள் விற்பனைக்கு வைக்கப்பட்டுள்ள நிலையில், பொதுமக்கள் தங்களுக்குப் பிடித்தமான உடைகளைத் தீவிரமாகத் தேர்வு செய்து வாங்கி வருகின்றனர். சிறுவர்கள் முதல் பெரியவர்கள் வரை அனைத்துத் தரப்பினரும் தங்களது குடும்பத்தினருக்கான புத்தாடைகளை வாங்குவதில் காட்டிடும் ஆர்வம் காரணமாக ஜவுளிக் கடைகள் அனைத்தும் நிரம்பி வழிவதுடன், வியாபாரமும் மும்முரமாக நடைபெற்று வருகிறது.

திருச்சியில் உணவு வீதி.. கெட்டுப்போன உணவுகள் விற்றால் நடவடிக்கை.. அமைச்சர் எச்சரிக்கை!

Deepan — Mon, 02 Nov 2026 10:05:45 +0530

திருச்சி காஜாமலை ரேஸ்கோர்ஸ் சாலையில், தமிழ்நாடு மக்கள் நல்வாழ்வுத்துறை மற்றும் திருச்சி மாவட்ட உணவு பாதுகாப்புத்துறை சார்பில் அமைக்கப்பட்டுள்ள "ஆரோக்கியமான மற்றும் சுகாதாரமான உணவகங்களின் வீதி" (Food Street) திறப்பு விழா இன்று நடைபெற்றது. மருத்துவம் மற்றும் மக்கள் நல்வாழ்வுத்துறை அமைச்சர் அருண்ராஜ் மற்றும் இந்து சமய அறநிலையத்துறை அமைச்சர் ரமேஷ் ஆகியோர் கலந்துகொண்டு, உணவு வீதியை தொடங்கி வைத்து, உணவக உரிமையாளர்களுக்குரிய ஆணைகளை வழங்கி, கடைகளைப் பார்வையிட்டனர். இந்நிகழ்வில், மாவட்ட ஆட்சியர் பிரதிக் தாயள், சட்டமன்ற உறுப்பினர்கள் கதிரவன், நவல்பட்டு விஜி மற்றும் பல்வேறு அரசுத்துறை அலுவலர்கள் கலந்து கொண்டனர். நிகழ்வுக்கு பின்னர் அமைச்சர் அருண்ராஜ் அளித்த பேட்டியில் கூறியதாவது, தமிழகத்தில் முதற்கட்டமாக தேர்ந்தெடுக்கப்பட்ட 6 மாவட்டங்களில், திருச்சியில் இந்தத் திட்டம் வெற்றிகரமாக முதன்முதலில் தொடங்கப்பட்டுள்ளது. வெளிப்படையான முறையில் விண்ணப்பங்கள் பெறப்பட்டு, நேர்காணல் மூலம் 39 உணவு விற்பனையாளர்கள் தேர்ந்தெடுக்கப்பட்டுள்ளனர். அவர்களுக்கு மாவட்ட தொழில் மையம் மூலமாக சலுகைக் கடன் வசதியும், உணவு பாதுகாப்பு துறையின் சான்றிதழ்களும் வழங்கப்பட்டுள்ளன. திருச்சி மாநகராட்சியின் சார்பில் சுமார் ரூ.50 லட்சம் செலவில் நடைபாதை அகலப்படுத்தப்பட்டு, மின்விளக்குகள், தனித்தனி மின் இணைப்புகள், தூய்மையான கழிவறைகள், குடிநீர் வசதி, போதுமான இருக்கைகள், வாகனப் பார்க்கிங் மற்றும் சிறிய நிகழ்ச்சிகளுக்கான திறந்தவெளி அரங்கம் போன்ற அனைத்து வசதிகளும் செய்யப்பட்டுள்ளன. வாடிக்கையாளர்கள் பணப் பரிவர்த்தனைக்கு மாற்றாக, பிரத்யேக ஸ்மார்ட் கார்டு முறையைப் பயன்படுத்தி எந்தக் கடையிலும் உணவுகளை வாங்கிக் கொள்ளலாம். ஆரோக்கியமான இயற்கை உணவுகளைத் தேர்ந்தெடுக்கும்போது கூடுதல் ரிவார்ட் பாயிண்ட்ஸ் வழங்கும் முறையும் அறிமுகப்படுத்தப்பட்டுள்ளது. தற்பொழுது மாலை 5 மணி முதல் இரவு 11 மணி வரை செயல்படும் இந்த உணவு வீதியை, பொதுமக்களின் கோரிக்கைக்கு ஏற்ப நள்ளிரவு 12 மணி வரை நீட்டிப்பது குறித்து பரிசீலிக்கப்படும். உலக சுகாதார அமைப்பின் பரிந்துரைப்படி, பொதுமக்கள் ஒரு நாளைக்கு 5 கிராமுக்கு மேல் உப்பு உட்கொள்வதை தவிர்க்க வேண்டும். உணவுகளில் உப்பின் அளவைக் குறைப்பது இதய நோய் மற்றும் பக்கவாதத்திலிருந்து நம்மைப் பாதுகாக்கும். எனவே, வரவிருக்கும் தீபாவளி பண்டிகையையொட்டி பலகாரங்கள் தயாரிப்பவர்கள் உப்பின் அளவைக் குறைக்க வேண்டும். இதனால் மக்கள் ஆரோக்கியம் மேம்படும். கெட்டுப்போன அல்லது எக்ஸ்பயரி தேதியை கடந்த உணவுகளை விற்பனை செய்பவர்கள் மீது கடுமையான நடவடிக்கை எடுக்கப்படும். பொதுமக்கள் இதுகுறித்து 9444042322 என்ற எண்ணைத் தொடர்பு கொண்டு புகார் தெரிவிக்கலாம் என்று கூறியுள்ளார்.

161-வது ஆண்டில் அடியெடுத்து வைக்கும் சேலம் நகரம்.. வரலாறும் கம்பீரமும் நிறைந்த மாநகரின் சிறப்புப் பயணம்!

Sathis S — Sun, 01 Nov 2026 14:17:29 +0530

தமிழகத்தின் மிகப்பழமையான மற்றும் வரலாற்றுச் சிறப்புமிக்க நகரங்களில் ஒன்றான சேலம் மாநகரம், தனது 160 ஆண்டு கால பொற்கால வரலாற்றை நிறைவு செய்து இன்று கம்பீரமாக 161-வது ஆண்டில் அடியெடுத்து வைக்கிறது. மலைகள் சூழ்ந்த இயற்கை எழில் கொஞ்சும் மாநகரமாக விளங்கும் சேலம், கடந்த 1866-ஆம் ஆண்டு ஒரு நகரவைத் தலை மற்றும் 17 உறுப்பினர்களுடன் அதிகாரப்பூர்வமாக நகராட்சியாக உருவெடுத்த நாளே இன்றுகூட 'சேலம் தினமாக'க் கொண்டாடப்பட்டு வருகிறது. கால ஓட்டத்தில் படிப்படியாக வளர்ந்து கடந்த 1994-ஆம் ஆண்டு மாநகராட்சியாகத் தரம் உயர்த்தப்பட்ட இந்த நகரம், தற்பொழுது நவீன வசதிகளுடன் கூடிய 'ஸ்மார்ட் சிட்டி' (Smart City) எனப்படும் பொலிவுறு நகரமாக உருவெடுத்துள்ளது. ஆண்டுகள் பல கடந்தாலும் தனது பாரம்பரிய அடையாளங்களையும் சரித்திர முக்கியத்துவத்தையும் எவ்விதத்திலும் இழக்காமல் தனித்துவத்துடன் விளங்கும் சேலம், தமிழகத்தின் தவிர்க்க முடியாத அடையாளங்களில் ஒன்றாகத் திகழ்கிறது.

பிரிட்டிஷ் காலத்து வரலாற்றுச் சாலை:

சேலம் மாநகரத்தின் வரலாற்றில் பிரிட்டிஷ் கிழக்கிந்திய கம்பெனி மற்றும் ஆங்கிலேயர் ஆட்சிக்காலத்திற்குக் மிக முக்கியப் பங்கு உண்டு; இந்தியாவில் உருவாக்கப்பட்ட முதல் மாவட்டங்களில் ஒன்றான இங்குப் பணியாற்றிய ஆங்கிலேய அதிகாரிகளின் நினைவுகள் இன்றைக்கும் உயிர்ப்புடன் உள்ளன. இங்கிலாந்து மன்னர் மூன்றாம் ஜார்ஜ் காலத்தில் சேலம் கோட்டையின் பாதுகாப்பிற்காக உருவாக்கப்பட்ட பழமையான பீரங்கி இன்றைக்கும் மாநகராட்சி அலுவலக வளாகத்தில் வரலாற்றுச் சின்னமாகக் காட்சிப்படுத்தப்பட்டுள்ளது. பொதுமக்கள் கால நேரத்தைத் தெரிந்துகொள்ள நண்பகல் 12 மணிக்கும் பின்னர் இரவு 8 மணிக்கும் இந்தப் பீரங்கியை வெடிக்கும் வழக்கம் இருந்ததன் அடையாளமாகவே 'குண்டு போடும் தெரு' என்ற பெயர் இன்றும் புழக்கத்தில் உள்ளது. மேலும், 1853 முதல் 1862 வரை கலெக்டராகப் பணியாற்றிய ஹேரி அகஸ்டஸ் பிரட்ஸ் நினைவாக 'பிரட்ஸ் சாலை'யும், சி.டி.லாங்லி நினைவாக 'லாங்லி சாலை'யும், லீ என்பவரின் நினைவாக 'லீ பஜார்' சந்தையும் அமைக்கப்பட்டு வரலாற்றின் எச்சங்களை இன்றும் தாங்கி நிற்கின்றன.

ஆம்பூர் அருகே சாலையோரம் ஊர்ந்து சென்ற மலைப்பாம்பு! பிடித்து வனத்துறையிடம் ஒப்படைத்த பொதுமக்கள்!

Sathis S — Sat, 31 Oct 2026 07:39:12 +0530

திருப்பத்தூர் மாவட்டம் ஆம்பூர் அருகே சாலையோரம் ஊர்ந்து சென்ற மலைப்பாம்பை பொதுமக்கள் பிடித்து வனத்துறையினரிடம் ஒப்படைத்தனர். ஆம்பூர் அடுத்த விண்ணமங்கலம் ஊராட்சிக்கு உட்பட்ட காட்டுக்கொல்லை பகுதியில் ஆம்பூர் - ஆலாங்காயம் மலைச்சாலை அமைந்துள்ளது. இச்சாலையில் தினமும் ஆயிரக்கணக்கான பொதுமக்கள் மற்றும் வாகனங்கள் சென்று வருகின்றன. இந்நிலையில், இன்று அச்சாலையின் ஓரத்தில் மலைப்பாம்பு ஒன்று ஊர்ந்து சென்றுள்ளது. இதனைப் பார்த்த அவ்வழியாகச் சென்ற பொதுமக்கள், பாம்பை லாவகமாகப் பிடித்து ஆம்பூர் வனத்துறையினருக்குத் தகவல் தெரிவித்தனர். இதையடுத்து சம்பவ இடத்திற்கு வந்த வனத்துறையினரிடம் மலைப்பாம்பை ஒப்படைத்தனர். தொடர்ந்து, வனத்துறையினர் அந்த மலைப்பாம்பை விண்ணமங்கலம் காப்புக்காட்டுப் பகுதியில் பாதுகாப்பாக விடுவித்தனர்.

தவறு செய்தவர்கள் அதற்கான பலனை அனுபவிப்பார்கள் – அமைச்சர் ரமேஷ் எச்சரிக்கை!

Deepan — Fri, 30 Oct 2026 13:33:40 +0530

ஊழலுக்கு எதிரான நடவடிக்கைகளைத் தமிழக அரசு தொடர்ந்து மேற்கொண்டு வருவதாகவும், தவறு செய்தவர்கள் நிச்சயம் அதற்கான பலனை அனுபவிப்பார்கள் என்றும் அமைச்சர் ரமேஷ் தெரிவித்துள்ளார். பசும்பொன் முத்துராமலிங்கத் தேவரின் 119-வது ஜெயந்தி மற்றும் 64-வது குருபூஜையை முன்னிட்டு, திருச்சி மத்திய பேருந்து நிலையம் அருகே உள்ள அவரது சிலைக்கு அமைச்சர் ரமேஷ் மாலை அணிவித்து மரியாதை செலுத்தினார். இதில் சட்டமன்ற உறுப்பினர்கள் விக்னேஷ், கதிரவன் உள்ளிட்ட தமிழக வெற்றிக் கழக நிர்வாகிகள் பங்கேற்றனர். பின்னர் செய்தியாளர்களிடம் பேசிய அமைச்சர், மக்கள் பணத்தைச் சுரண்டியவர்கள் மீது மட்டுமே சட்டப்பூர்வ நடவடிக்கை எடுக்கப்படுவதாகவும், இதில் அரசியல் காழ்ப்புணர்ச்சி இல்லை என்றும் கூறினார். மேலும், முந்தைய திமுக ஆட்சியில் உருவான சட்டம் ஒழுங்கு பிரச்சினைகளைச் சரிசெய்து வருவதாகவும், விலைவாசியைக் கட்டுப்படுத்த அரசு தொடர்ந்து நடவடிக்கை எடுத்து வருவதாகவும் தெரிவித்தார்.

தமிழக – கேரள எல்லையில் கடும் பனிமூட்டம் – வாகன ஓட்டிகள் அவதி!

Sekaran S — Fri, 30 Oct 2026 13:26:14 +0530

கோவை: கோவை மாவட்டம் வாளையார் பகுதியில் இன்று அதிகாலை கடும் பனிமூட்டம் நிலவியது. எதிரில் வரும் வாகனங்கள் முன்னால் செல்லும் வாகனங்கள் கூட சரியாகத் தெரியாத அளவிற்கு சாலைகளைப் பனிமூட்டம் சூழ்ந்தது. வடகிழக்குப் பருவமழை காரணமாக கோவை மாவட்டத்தில் கடந்த சில நாட்களாகத் தொடர் மழை பெய்த நிலையில், கடந்த நான்கு முதல் ஐந்து நாட்களாக மழைப்பொழிவு குறைந்துள்ளது. இருப்பினும், அதிகாலை நேரங்களில் பல்வேறு பகுதிகளில் பனிமூட்டம் அதிகரித்து காணப்படுகிறது. குறிப்பாக, தமிழ்நாடு - கேரள மாநில எல்லைப் பகுதியான வாளையாரில் கடும் பனிமூட்டம் நிலவியதால் வாகன ஓட்டிகள் முகப்பு விளக்குகளை எரியவிட்டபடி மிகவும் மெதுவாகவும், கவனத்துடனும் வாகனங்களை இயக்கினர். குளிரின் தாக்கமும் அதிகரித்துள்ளதால் பொதுமக்கள் ஸ்வெட்டர் உள்ளிட்ட குளிர்கால ஆடைகளை அணிந்து வருகின்றனர்.

3 நாட்களாகப் பாதாள சாக்கடைக்குள் தவித்த மாடு – போராடி உயிருடன் மீட்ட தீயணைப்புத் துறையினர்!

Sekaran S — Fri, 30 Oct 2026 07:38:27 +0530

கோவை சங்கனூர் பகுதியில் திறந்துகிடந்த பாதாள சாக்கடைக்குள் தவறி விழுந்து, கடந்த 3 நாட்களாக உணவு, தண்ணீரின்றி உயிருக்குப் போராடிய மாட்டைத் தீயணைப்புத் துறையினர் பத்திரமாக மீட்டனர். சங்கனூர் பகுதியைச் சேர்ந்த விஸ்வநாதன் என்பவருக்குச் சொந்தமான மாடு, கடந்த மூன்று நாட்களுக்கு முன்பு மேய்ச்சலுக்குச் சென்றபோது மாயமானது. பல்வேறு இடங்களில் தேடியும் கிடைக்காத நிலையில், திறந்திருந்த பாதாள சாக்கடைக்குள் விழுந்தது தெரியவந்தது. இதுகுறித்து தகவலறிந்த கவுண்டம்பாளையம் தீயணைப்பு மற்றும் மீட்புப் பணிகள் துறையினர் சம்பவ இடத்திற்கு விரைந்து சென்று, கயிறுகள் மற்றும் மீட்பு உபகரணங்களின் உதவியுடன் நீண்ட நேரம் போராடி மாட்டை உயிருடன் மீட்டனர். இதனால் மகிழ்ச்சியடைந்த உரிமையாளர் மற்றும் பொதுமக்கள் தீயணைப்பு வீரர்களுக்குப் பாராட்டுகளைத் தெரிவித்தனர். மேலும், திறந்துகிடக்கும் பாதாள சாக்கடைகளை மூடி விபத்துகளைத் தடுக்க மாநகராட்சி நடவடிக்கை எடுக்க வேண்டும் எனக் கோரிக்கை விடுத்துள்ளனர்.

கே.என்.நேரு வீட்டில் 8 மணி நேரத்துக்கும் மேலாக நீடித்த லஞ்ச ஒழிப்புத்துறை சோதனை நிறைவு! “சட்டம் ஒழுங்கு பிரச்சினைகளைத் திசைதிருப்ப ரெய்டு” – நேரு குற்றச்சாட்டு

Deepan — Thu, 29 Oct 2026 21:53:56 +0530

திருச்சி தில்லை நகரில் உள்ள முன்னாள் அமைச்சர் கே.என்.நேருவின் வீட்டில் லஞ்ச ஒழிப்புத்துறையினர் நடத்திய சோதனை நிறைவடைந்தது. கடந்த திமுக ஆட்சியில் நகராட்சி நிர்வாகம் மற்றும் குடிநீர் வழங்கல் துறையில் நடைபெற்றதாகக் கூறப்படும் ரூ.634 கோடி பணி நியமன ஊழல் வழக்கு தொடர்பாக, இன்று காலை 7 மணிக்குத் தொடங்கிய சோதனை எட்டு மணி நேரத்திற்கும் மேலாக நடைபெற்றது. இதில், முக்கிய ஆவணங்கள் மற்றும் நேருவின் தம்பி மணிவண்ணனுக்குச் சொந்தமான இரண்டு மடிக்கணினிகளை அதிகாரிகள் எடுத்துச் சென்றதாகத் தெரிவிக்கப்பட்டுள்ளது. சோதனைக்குப் பிறகு செய்தியாளர்களைச் சந்தித்த கே.என்.நேரு, பழைய வழக்கின் அடிப்படையிலேயே சோதனை நடத்தப்பட்டதாகக் கூறினார். மேலும், கொலை, கொள்ளை உள்ளிட்ட சட்டம் ஒழுங்கு பிரச்சினைகளைத் திசைதிருப்பவே இந்தச் சோதனை நடத்தப்பட்டிருக்கலாம் எனக் குற்றம்சாட்டினார். நீதிமன்றத்தை அணுகி சட்டரீதியாக எதிர்கொள்வோம் என்றும், தேர்தலை நம்பிக்கையுடன் சந்திப்போம் என்றும் அவர் தெரிவித்தார்.

கோவையில் துணிகரத் திருட்டு! ஷூவுக்குள் மறைத்த சாவியால் வீட்டைத் திறந்து ரூ.1.25 லட்சம் லேப்டாப் திருட்டு!

Sekaran S — Thu, 29 Oct 2026 21:50:16 +0530

கோவை ஒத்தக்கால்மண்டபம் பகுதியில், வீட்டின் முன்புள்ள சிசிடிவி கேமராவைப் பார்த்தும் அஞ்சாமல், ஷூவுக்குள் மறைத்து வைக்கப்பட்டிருந்த சாவியை எடுத்து வீட்டைத் திறந்து ரூ.1.25 லட்சம் மதிப்பிலான மடிக்கணினியை மர்ம நபர் திருடிச் சென்ற சம்பவம் அதிர்ச்சியை ஏற்படுத்தியுள்ளது. தனியார் ஐடி நிறுவனங்களில் பணிபுரியும் ஊழியர்கள் வாடகைக்குத் தங்கியிருந்த வீட்டில் இந்தத் திருட்டு நடந்துள்ளது. ஊழியர்கள் வேலைக்குச் சென்றதை அறிந்த மர்ம நபர், காலணிகளைத் தேடி சாவியைக் கண்டுபிடித்து வீட்டிற்குள் நுழைந்து மடிக்கணினியைத் திருடிச் சென்றுள்ளார். இதுகுறித்து செட்டிபாளையம் காவல் நிலையத்தில் புகார் அளிக்கப்பட்டுள்ளது. கடந்த 10 நாட்களாக போலீசார் மர்ம நபரைத் தேடி வருகின்றனர். அவரைப் பற்றித் தகவல் தெரிந்தவர்கள் 97875 18774 / 95003 36614 ஆகிய எண்களில் தொடர்புகொள்ளலாம் எனக் கேட்டுக்கொள்ளப்பட்டுள்ளது. வீட்டு வாசலில் சாவியை மறைத்து வைக்கும் பழக்கத்தைத் தவிர்க்குமாறு பொதுமக்களுக்கு அறிவுறுத்தப்பட்டுள்ளது.

ஆந்திராவில் கோரத்தாண்டவம் ஆடிய ‘அர்னாப்’ புயல்.. அதிர்ச்சி காட்சிகள்!

Esakkiraja Selvarathinam — Wed, 28 Oct 2026 14:28:52 +0530

வங்கக்கடலில் நிலைகொண்ட வளிமண்டல மேலடுக்கு சுழற்சி மற்றும் காற்றழுத்த தாழ்வு மண்டலம் தீவிரமடைந்து சக்திவாய்ந்த 'அர்னாப்' (Cyclone Arnab) புயலாக உருவெடுத்தது. இந்த அதிதீவிரப் புயலின் காரணமாக இந்தியாவின் கிழக்குக் கடற்கரைப் பகுதிகள், குறிப்பாக ஆந்திரப் பிரதேசம் மற்றும் ஒடிசா மாநிலங்கள் கடுமையான வானிலை மாற்றங்களை எதிர்கொண்டன. புயல் கரையை நெருங்கும் வேளையில் கடலோரப் மாவட்டங்களில் கடல் சீற்றத்துடன் காணப்பட்டதுடன், வானில் கார்மேகங்கள் சூழ்ந்ததால் பொதுமக்கள் மற்றும் மீனவர்கள் கடலுக்குச் செல்ல வேண்டாம் என வானிலை ஆய்வு மையம் கடுமையான எச்சரிக்கைகளை விடுத்தது. மாநில அரசுகளும் தேசிய பேரிடர் மீட்புப் படைகளும் இணைந்து அவசரகால பாதுகாப்பு முன்னெச்சரிக்கை நடவடிக்கைகளைத் தீவிரப்படுத்தின.

கனமழையும் பலத்த காற்றுடன் கூடிய சீற்றமும்:

அர்னாப் புயலின் நேரடித் தாக்கத்தால் ஆந்திரப் பிரதேசத்தின் பல்வேறு கடலோரப் பகுதிகளில் நேற்றிரவு முதல் பல மணி நேரங்களாக இடைவிடாமல் கனமழை பெய்தது. குறிப்பாக விசாகப்பட்டினம், காக்கிநாடா மற்றும் கோலசீமா உள்ளிட்ட பகுதிகளில் மணிக்கு பலத்த வேகத்தில் தரைக்காற்று வீசியதுடன், தாழ்வான பகுதிகளில் மழைநீர் தேங்கியது. கடல் சீற்றம் அதிகரித்து பெரிய அலைகள் கரையைத் தாக்கியதால் கடற்கரையோரக் கிராம மக்கள் பாதுகாப்பான இடங்களுக்கு மாற்றப்பட்டனர். தொடர் மழையின் காரணமாக மக்களின் இயல்பு வாழ்க்கை கடுமையாகப் பாதிக்கப்பட்டுள்ளதுடன், போக்குவரத்தும் பல இடங்களில் தற்காலிகமாக தடை செய்யப்பட்டுள்ளது.

மூதாட்டியிடம் நகையை பறித்து சென்ற மர்ம நபர்.. சேலத்தில் நள்ளிரவில் அதிர்ச்சி!!

Sathis S — Wed, 28 Oct 2026 14:08:57 +0530

சேலம், அக்.28: தமிழகத்தின் முக்கிய மாநகரங்களில் ஒன்றான சேலம் மற்றும் அதன் சுற்றுவட்டாரப் பகுதிகளில் பொதுமக்கள் மற்றும் குறிப்பாக முதியவர்கள் தனியாக நடமாடும் நேரங்களில் பாதுகாப்பு குறித்த கேள்விகள் அவ்வப்போது எழுந்து வருகின்றன. இரவு நேரங்களில் தனியாகச் செல்லும் பெண்களையும் முதியவர்களையும் குறிவைத்துச் சில சமூக விரோதிகள் கைவரிசை காட்டுவது அதிகரித்து வருவதுடன், இது போன்ற சம்பவங்கள் பொதுமக்கள் மத்தியில் கடுமையான அச்சத்தையும் பாதுகாப்பற்ற உணர்வையும் ஏற்படுத்தி வருகிறது. அந்த வகையில், சேலம் மாநகரப் பகுதியில் நடந்து சென்ற 70 வயது மூதாட்டி ஒருவரை நذிகரமாகக் குறிவைத்து மர்ம நபர் ஒருவர் மூன்று சவரன் தாலிச் சங்கிலியைப் பறித்துச் சென்ற துணிகரச் சம்பவம் அப்பகுதியில் பெரும் பரபரப்பையும் அதிர்ச்சியையும் ஏற்படுத்தியுள்ளது.

இரவு நேரத்தில் நடந்த துணிகர சம்பவம்:

சேலம் செவ்வாய்ப்பேட்டை பகுதிக்கு உட்பட்ட அர்த்தநாரி தெருவில் வசித்து வரும் அம்சவல்லி (70) என்ற மூதாட்டி, வழக்கம்போல நேற்றைய தினம் இரவு தனது வீட்டிற்கு வெளியே நடந்து சென்று கொண்டிருந்தார். அந்த அமைதியான சூழலைப் பயன்படுத்திக் கொண்ட மர்ம நபர் ஒருவர், நைசாக மூதாட்டியைப் பின்தொடர்ந்து வந்து அவர் அணிந்திருந்த மூன்று சவரன் தங்க நகையைக் குறிவைத்து திடீரெனப் பறிக்க முயன்றார். சற்றும் எதிர்பாராத இந்தத் தாக்குதலால் நிலை தடுமாறிய மூதாட்டி சாலையில் கீழே விழுந்தார்; இருப்பினும் சுதாரித்துக்கொண்ட அவர் உடனடியாக உரக்கக் கூச்சலிட்டார். மூதாட்டியின் அலறல் சத்தத்தைக் கேட்டு அக்கம் பக்கத்தினர் உடனடியாக ஓடிவந்து கொள்ளையனைப் பிடிக்க முயன்ற போதிலும், அதற்குள் அந்த மர்ம நபர் தான் வந்த இருசக்கர வாகனத்தில் ஏறி மின்னல் வேகத்தில் தப்பிச் சென்றுவிட்டார்.

மலைச்சரிவில் உருண்டு விழுந்து உயிரிழந்த குட்டி யானை! காப்பாற்றப் போராடிய தாய் யானை – வயநாட்டில் நெஞ்சை உருக்கும் காட்சி

Sekaran S — Mon, 26 Oct 2026 22:47:05 +0530

கேரள மாநிலம், வயநாடு மாவட்டம், காட்டிக்குளம் அருகே உள்ள முத்துமாரி பகுதியில் குட்டி யானை ஒன்று மலைச்சரிவிலிருந்து கீழே உருண்டு விழுந்து உயிரிழந்த சம்பவம் சோகத்தை ஏற்படுத்தியுள்ளது. மலைப்பகுதியில் சென்றுகொண்டிருந்த குட்டி யானை எதிர்பாராத விதமாகச் சரிவில் கீழே விழுந்ததாகக் கூறப்படுகிறது. இதில் பட

திருமூர்த்தி மலையில் காற்றாற்று வெள்ளம்! கோவில் காணிக்கை ரூபாய் நோட்டுகளை அயர்ன் செய்து உலர்த்திய அதிகாரிகள்

Sekaran S — Mon, 26 Oct 2026 21:26:46 +0530

உடுமலை அருகே உள்ள திருமூர்த்தி மலையில் பெய்த கனமழையால் ஏற்பட்ட காற்றாற்று வெள்ளம், அமணலிங்கேஸ்வரர் கோவிலைச் சூழ்ந்தது. இதனால் கோவிலில் வைக்கப்பட்டிருந்த காணிக்கைப் பணம் தண்ணீரில் நனைந்தது. வெள்ளநீர் புகுந்ததால் ஈரமான ரூபாய் நோட்டுகளைச் சேகரித்த கோவில் அதிகாரிகள், அவற்றை ஒவ்வொன்றாக அயர்ன் செய்து உலர்த்தும் பணியில் ஈடுபட்டனர். இதுதொடர்பான வீடியோ தற்போது சமூக வலைதளங்களில் வைரலாகி வருகிறது. திருமூர்த்தி மலைப் பகுதியில் பெய்த கனமழையால் நீர்வரத்து அதிகரித்து, அருவியில் வெள்ளப்பெருக்கு ஏற்பட்டது. இதன் காரணமாக கோவிலைச் சுற்றியுள்ள பகுதிகளில் தண்ணீர் சூழ்ந்ததாகத் தெரிவிக்கப்படுகிறது. கோவிலில் ஏற்பட்ட வெள்ள பாதிப்பும், காணிக்கைப் பணத்தை அதிகாரிகள் உலர்த்தும் காட்சிகளும் இணையத்தில் பரவலாகப் பகிரப்பட்டு வருகின்றன. மழைக்காலங்களில் திருமூர்த்தி மலைக்குச் செல்லும் பக்தர்கள் மற்றும் சுற்றுலாப் பயணிகள் எச்சரிக்கையுடன் இருக்குமாறு அறிவுறுத்தப்படுகின்றனர்.

கோவை செல்வ சிந்தாமணி குளத்தில் இருந்து குடியிருப்புகளுக்குள் புகுந்த மழைநீர்

Esakkiraja Selvarathinam — Mon, 26 Oct 2026 15:00:20 +0530

கோவை மாநகரப் பகுதியில் கடந்த சில நாட்களாக பெய்து வரும் கனமழை காரணமாக பல்வேறு நீர்நிலைகள் நிரம்பி வழியும் சூழல் உருவாகியுள்ளது. இதனால் தாழ்வான பகுதிகள் மற்றும் நீர்நிலைகளை ஒட்டியுள்ள குடியிருப்புப் பகுதிகளில் வெள்ள நீர் புகுந்து இயல்பு வாழ்க்கை பெரிதும் பாதிக்கப்பட்டுள்ளது. மழைநீரைத் திறம்பட வெளியேற்ற வேண்டிய வடிகால் அமைப்புகளில் கழிவுநீர் கலந்து குடியிருப்புப் பகுதிகளுக்குள் பாய்வதால், கோவை மாநகரின் பல பகுதிகளில் சுகாதாரச் சீர்கேடும் தீவிர நோய் பரவும் அபாயமும் ஏற்பட்டுள்ளது. இதனால் அப்பகுதியில் வசசிக்கும் பொதுமக்கள் மற்றும் குழந்தைகள் கடும் இன்னல்களுக்கு ஆளாகி வருகின்றனர்.

குளத்தில் இருந்து குடியிருப்புகளுக்குள் பாய்ந்த கழிவுநீர்

கோவை மாநகர் செல்வபுரம் சுண்டக்காமுத்தூர் சாலையில் அமைந்துள்ள செல்வ சிந்தாமணி குளத்தில் இருந்து திடீரென அதிக அளவில் நீர் வெளியேறி, அருகில் உள்ள குடியிருப்புகளுக்குள் புகுந்துள்ளது. குளத்தின் அடிப்பகுதியில் இருந்து நீர் கசிந்து வெளியேறுவதோடு, மழைநீருடன் கழிவுநீரும் கலந்து வீடுகளுக்குள் புகுந்ததால் அப்பகுதி மக்கள் பெரும் அவதிக்குள்ளாகியுள்ளனர். வீடுகளிலும் சுற்றுப்புறங்களிலும் முழங்கால் அளவுக்கு நீர் தேங்கியதால் மக்களின் அன்றாட இயல்பு வாழ்க்கை முடங்கியுள்ளதுடன், அத்தியாவசியத் தேவைகளுக்காகக்கூட வெளியே வர முடியாத சூழல் ஏற்பட்டுள்ளது.

பருவமழை முன்னெச்சரிக்கை.. திருச்சியில் அமைச்சர் ரமேஷ் ஆய்வு!

Vinalin Sweety — Mon, 26 Oct 2026 13:39:39 +0530

தமிழகத்தில் வடகிழக்கு பருவமழை தீவிரமடைந்துள்ளதைத் தொடர்ந்து, பல்வேறு மாவட்டங்களில் கனமழை பெய்து வருகிறது. இதன் ஒரு பகுதியாக, திருச்சி மாவட்டத்திற்கு இன்று ரெட் அலர்ட் எச்சரிக்கை விடுக்கப்பட்டுள்ளது. இந்நிலையில் திருச்சி மாநகராட்சிக்கு உட்பட்ட மழைநீர் தேங்கக்கூடிய மேலப்புதூர் உள்ளிட்ட பல்வேறு இடங்களை, திருச்சி மாவட்டத்திற்கான பொறுப்பு அமைச்சரான இந்து சமய அறநிலையத்துறை அமைச்சர் ரமேஷ் இன்று நேரில் ஆய்வு செய்தார். ஆய்வுக்கு பின்னர் அமைச்சர் ரமேஷ் செய்தியாளர்களைசந்தித்து பேசினார். அப்போது அவர் கூறுகையில், திருச்சி உள்ளிட்ட பல்வேறு மாவட்டங்களுக்கு ரெட் அலர்ட் கொடுக்கப்பட்டுள்ளதால், மாநகரில் முக்கியமாக மழைநீர் தேங்கக்கூடிய இடங்களை நேரில் பார்வையிட்டு ஆய்வு செய்து வருகிறோம். நாம் ஆய்வு செய்த இதே மேலப்புதூர் சுரங்கப்பாதையில் இரண்டு நாட்களுக்கு முன்பு மழைநீர் தேங்கியிருந்தது. உடனடியாக மாவட்ட ஆட்சித் தலைவர் மற்றும் மாநகராட்சி ஆணையரை தொடர்பு கொண்டு சரிசெய்ய அறிவுறுத்தியதை தொடர்ந்து, அங்கிருந்த அடைப்புகள் அனைத்தும் உடனடியாக சீரமைக்கப்பட்டன. முன்னெச்சரிக்கை நடவடிக்கையாக, இந்தப் பாலத்தில் மீண்டும் தண்ணீர் தேங்காமல் இருக்க இருபுறங்களிலும் உள்ள நீர்வரத்து கால்வாய்கள் மற்றும் வழித்தடங்கள் முழுவதுமாக தூர்வாரப்பட்டுள்ளன. மேலும், தண்ணீரை வெளியேற்ற மோட்டார்கள் மற்றும் மாநகராட்சி பணியாளர்கள் 24 மணி நேரமும் தயார் நிலையில் வைக்கப்பட்டுள்ளனர். இதேபோல் மாநகரில் மழைநீர் தேங்கக்கூடிய 10 முதல் 11 இடங்கள் கண்டறியப்பட்டு, அங்கேயும் அடுத்தடுத்து நேரில் ஆய்வு செய்யப்பட உள்ளது. பொதுமக்களுக்கு எந்தவித பாதிப்பும் ஏற்படாமலும், போக்குவரத்து தடைபடாமலும் மழைநீர் உடனடியாக வடிந்தோட வேண்டும் என்பதற்காகவே இந்த அவசர ஆய்வு மேற்கொள்ளப்படுகிறது. பருவமழையை எதிர்கொள்வதற்கான அனைத்து பணிகளையும் மாவட்ட நிர்வாகமும் மாநகராட்சியும் மிகதுரிதமாக செய்து வருகின்றனர். நிரந்தர தீர்வுக்கான பணிகளையும் மேற்கொண்டு வருகிறோம். சென்னை உள்ளிட்ட அனைத்து மாநகராட்சிகளிலும் பணிகள் தீவிரமாக நடைபெற்று வருகிறது. அதற்கான நிதிகள் ஒதுக்கப்பட்டுள்ளது. இந்த பருவமழையால் பொதுமக்களுக்கு எந்த பாதிப்பும் இருக்க கூடாது என முதல்வர் உத்தரவிட்டுள்ளார். ரெட் அலர்ட் கொடுக்கப்பட்டுள்ள மாவட்டங்களுக்கு அந்தந்த பொறுப்பு அமைச்சர்கள் அப்பகுதியில் இருந்து கண்காணிக்க வேண்டும் என அறிவுறுத்தப்பட்டதை தொடர்ந்து நாங்கள் பணியாற்றி வருகிறோம் என தெரிவித்தார்.

கங்கைகொண்ட சோழபுரத்தில் 100 மூட்டை பச்சரிசியால் அன்னாபிஷேகம்!

Deepan — Sun, 25 Oct 2026 22:19:25 +0530

அரியலூர் மாவட்டம், ஜெயங்கொண்டம் அருகே உள்ள உலகப் புகழ்பெற்ற கங்கைகொண்ட சோழபுரம் பிரகதீஸ்வரர் கோவிலில், ஐப்பசி பௌர்ணமியை முன்னிட்டு 100 மூட்டை பச்சரிசியால் அன்னாபிஷேக விழா கோலாகலமாகத் தொடங்கியது. மாமன்னன் ராஜேந்திர சோழனால் கட்டப்பட்ட இக்கோவிலில், இன்று அதிகாலை யாக பூஜைகள் நடைபெற்றன. தொடர்ந்து, ஆறு கொதிகலன்களில் சமைக்கப்பட்ட சாதம் முதலில் மகா கணபதிக்கு படைக்கப்பட்டு, வேத மந்திரங்கள் முழங்க பிரகதீஸ்வரருக்கு சாற்றப்பட்டது. முன்னதாக, சுவாமி மற்றும் பெரியநாயகி அம்பாளுக்கு 16 வகையான பொருட்களைக் கொண்டு மகா அபிஷேகம் நடைபெற்றது. அன்னத்தால் சுவாமிக்கு அலங்காரம் செய்யப்பட்டு, மாலை 6 மணிக்கு மகா தீபாராதனை நடைபெற உள்ளது. தமிழகத்தின் பல்வேறு மாவட்டங்களில் இருந்து ஏராளமான பக்தர்கள் பங்கேற்று சுவாமி தரிசனம் செய்து வருகின்றனர். விழாவையொட்டி காவல்துறை, தீயணைப்புத் துறை மற்றும் சுகாதாரத் துறையினர் பாதுகாப்புப் பணியில் ஈடுபட்டுள்ளனர்.

பெரம்பலூர் அருகே வெள்ளாற்றில் சிக்கிய 9 பேர் பத்திரமாக மீட்பு!

Deepan — Sun, 25 Oct 2026 22:08:44 +0530

பெரம்பலூர் மாவட்டம் லெப்பைக்குடிகாடு பேரூராட்சியில் இருந்து அரங்கூர் செல்லும் பாதையில் உள்ள வெள்ளாற்றில் சிக்கிய 9 பேரைத் தீயணைப்புத் துறையினர் ஒரு மணி நேரத்திற்கும் மேலாகப் போராடி பத்திரமாக மீட்டனர். கடந்த மாதம் அப்பகுதியில் பொருட்காட்சிக்காக அமைக்கப்பட்டிருந்த ராட்டினங்கள் மற்றும் உபகரணங்களை அகற்றுவதற்காக ஆத்தூர் அருகே நரசிங்கபுரத்தைச் சேர்ந்த செல்வா, கிருஷ்ணன், மூர்த்தி, ராஜாராம், தினேஷ், வரதராஜ பெருமாள், பெரியசாமி, கார்த்தி, பாரத் ஆகிய 9 பணியாளர்கள் சென்றுள்ளனர். அப்போது ஆர்ப்பரித்து வந்த வெள்ளாற்று நீரில் அவர்கள் சிக்கிக்கொண்டனர். இதுகுறித்து தகவலறிந்த பெரம்பலூர் மாவட்டத் தீயணைப்புத் துறையினர் விரைந்து சென்று, நீண்ட நேரப் போராட்டத்திற்குப் பிறகு அனைவரையும் பாதுகாப்பாக மீட்டனர். தொடர்ந்து, மருத்துவப் பரிசோதனை மற்றும் சிகிச்சைக்காக அவர்கள் லெப்பைக்குடிகாடு அரசு மருத்துவமனைக்கு அனுப்பி வைக்கப்பட்டனர்.

பைக்கிற்குள் பதுங்கிய 6 அடி சாரைப்பாம்பு : இருகூர் பகுதியில் பரபரப்பு

Karthikeyan S — Sun, 25 Oct 2026 13:42:35 +0530

கோவை, இருகூர் பகுதியில் இருசக்கர வாகனத்தில் ஏதோ ஒன்று அசைவதைக் கண்டு அதிர்ச்சி அடைந்து உள்ளார் அதனை உற்று நோக்கிய போது, அங்கு நீளமான சாரைப்பாம்பு ஒன்று வாகனத்தின் உட்பகுதியில் பதுங்கி இருப்பது தெரியவந்தது. இதனைப் பார்த்து பயம் அடைந்த உரிமையாளர்கள் உடனடியாகச் சுற்றி இருந்தவர்களின் உதவியுடன் பாம்பு பிடி வீரருக்குத் தகவல் தெரிவித்தனர். தகவல் அறிந்து சம்பவ இடத்திற்கு விரைந்து வந்த பாம்பு பிடி வீரர், வாகனத்தின் உள்ளே மறைந்து இருந்த பாம்பைப் பத்திரமாக வெளியே எடுக்கத் திட்டமிட்டார். பாம்பிற்கு எவ்வித காயமும் ஏற்படாத வகையிலும், அது தப்பித்து வேறு இடத்திற்குச் சென்று விடாதவாறும் இருசக்கர வாகனத்தை பாகம் பாகமாகப் பிரித்தார். தொடர்ந்து, தனது அனுபவமிக்க உத்திகளைப் பயன்படுத்தி வாகனத்தின் இடுக்கில் பதுங்கி இருந்த சுமார் 6 அடி நீளமுள்ள சாரைப்பாம்பை மிகவும் லாபகமாகவும் பத்திரமாகவும் வெளியே எடுத்தார். பாம்பு மீட்கப்பட்டதைக் கண்ட பின்னரே அப்பகுதி பொதுமக்கள் மற்றும் வாகன உரிமையாளர் பெருமூச்சு விட்டனர். மீட்கப்பட்ட அந்தச் சாரைப் பாம்பைப் பாதுகாப்பான சாக்குப்பையில் அடைத்த பாம்பு பிடி வீரர், பின்னர் அதனை அடர்ந்த வனப்பகுதிக்கு எடுத்துச் சென்று பத்திரமாக விடுவித்தார். மழைக்காலம் மற்றும் குளிர்ந்த சூழல் காரணமாகப் பாம்புகள் சூடான எஞ்சின் பகுதிகளைத் தேடி வாகனங்களுக்குள் புகும் வாய்ப்பு உள்ளதால், வாகன ஓட்டிகள் கவனமாக இருக்குமாறு அறிவுறுத்தப்பட்டு உள்ளனர்.

‘மண் வந்து பஸ்ஸை அமுக்கியது” – உயிர் தப்பிய நடத்துநர் உருக்கமான பேட்டி

Sekaran S — Sun, 25 Oct 2026 10:50:36 +0530

நீலகிரி மாவட்டம், மேட்டுப்பாளையம் அருகே பர்லியார் மலைப் பாதையில், மண் சரிவில் சிக்கிய அரசுப் பேருந்தின் இடிபாடுகளுக்குள் பல மணி நேரம் உயிருக்குப் போராடி மீட்கப்பட்ட நடத்துநர் கேசவன், தற்போது மேட்டுப்பாளையம் அரசு மருத்துவமனையில் தீவிர சிகிச்சை பெற்று வருகிறார். விபத்தின் பயங்கரம் குறித்தும், 7 பயணிகளின் உயிரைக் காப்பாற்றிய அந்தத் திக், திக் நிமிடங்கள் குறித்தும் அவர் அளித்த பிரத்யேக வாக்குமூலம் அனைவரையும் நெகிழ வைத்து உள்ளது. குன்னூரில் இருந்து கோவைக்கு நள்ளிரவில் இயக்கப்பட்ட அந்த அரசுப் பேருந்தில் மொத்தம் 7 பயணிகள் பயணம் செய்து உள்ளனர். மலைப்பாதையில் பெய்து வந்த கன மழை காரணமாகச் சூழல் அபாயகரமாக இருப்பதை ஓட்டுநர் ஜனகராஜும், நடத்துநர் கேசவனும் முன்கூட்டியே உணர்ந்து உள்ளனர். நிலவரத்தைச் சூழ்நிலைக்கு ஏற்ப பயணிகளிடம் விளக்கிக்கூறி, மண் சரிவு ஏற்படும் அபாயம் நிறைந்த பகுதிக்குச் சற்று தொலைவிலேயே, அதாவது பர்லியாரிலேயே 7 பயணிகளையும் பாதுகாப்பாக இறக்கி விட்டு உள்ளனர் இவ்வாறு பேருந்து நடத்துநர் தெரிவித்தார்.

கோவை குற்றாலத்தில் வெள்ளப்பெருக்கு! சூழல் சுற்றுலா தற்காலிகமாக மூடல்

Sekaran S — Sat, 24 Oct 2026 10:31:47 +0530

கோவை மாவட்டத்தில் மேற்குத் தொடர்ச்சி மலைப்பகுதிகளில் பெய்து வரும் கனமழை காரணமாக, கோவை குற்றால அருவியில் வெள்ளப்பெருக்கு ஏற்பட்டுள்ளது. இதனால் சுற்றுலாப் பயணிகளின் பாதுகாப்பைக் கருத்தில் கொண்டு, கோவை குற்றால சூழல் சுற்றுலா இன்று (அக்டோபர் 24) தற்காலிகமாக மூடப்படுவதாக வனத்துறையினர் அறிவித்துள்ளனர். தொடர் மழையால் அருவியில் நீர்வரத்து அதிகரித்துள்ளதால், அங்கு சுற்றுலாப் பயணிகள் அனுமதிக்கப்பட்டால் ஆபத்து ஏற்படக்கூடும் எனக் கருதி இந்த நடவடிக்கை எடுக்கப்பட்டுள்ளது. எனவே, பொதுமக்கள் மற்றும் சுற்றுலாப் பயணிகள் கோவை குற்றாலத்திற்குச் செல்வதைத் தவிர்க்குமாறு வனத்துறையினர் அறிவுறுத்தியுள்ளனர். மேலும், மறு அறிவிப்பு வெளியாகும் வரை கோவை குற்றாலம் மூடப்பட்டிருக்கும் என்றும் தெரிவிக்கப்பட்டுள்ளது. மழை நிலவரம் மற்றும் நீர்வரத்தின் அளவைக் கண்காணித்து, சூழல் சுற்றுலாவை மீண்டும் திறப்பது குறித்து பின்னர் முடிவு எடுக்கப்படும்.

உதகை–கோவை அரசு பேருந்து மீது நிலச்சரிவு! பர்லியார் அருகே நள்ளிரவில் விபத்து

Sekaran S — Sat, 24 Oct 2026 10:04:49 +0530

நீலகிரி மாவட்டம் உதகையில் இருந்து கோயம்புத்தூர் நோக்கிச் சென்ற அரசுப் பேருந்து மீது, மேட்டுப்பாளையம்–குன்னூர் மலைப்பாதையில் உள்ள பர்லியார் அருகே நேற்று நள்ளிரவு சுமார் 12 மணியளவில் நிலச்சரிவு ஏற்பட்டது. மலையிலிருந்து மண் மற்றும் ராட்சத மரங்கள் பேருந்தின் மீது சரிந்து விழுந்ததால் விபத்து ஏற்பட்டுள்ளது. தொடர் கனமழையால் மலைப்பாதைகளில் நிலச்சரிவு அபாயம் அதிகரித்துள்ள நிலையில், இந்தச் சம்பவம் பரபரப்பை ஏற்படுத்தியுள்ளது. தகவலறிந்து சம்பவ இடத்திற்கு விரைந்த மேட்டுப்பாளையம் தீயணைப்புத் துறையினர் மற்றும் காவல்துறையினர் மீட்புப் பணிகளில் ஈடுபட்டுள்ளனர். பேருந்தின் மீது விழுந்த மரங்கள் மற்றும் மண்ணை அகற்றும் பணிகள் தீவிரமாக நடைபெற்று வருகின்றன. பேருந்தில் பயணித்தவர்களின் எண்ணிக்கை, அவர்களின் நிலை மற்றும் காயங்கள் குறித்த அதிகாரப்பூர்வத் தகவல்கள் உடனடியாக வெளியாகவில்லை. மீட்புப் பணிகள் தொடர்ந்து நடைபெற்று வருகின்றன.

குறுக்கே வந்த நாய்… ஆட்டோ கவிழ்ந்து விபத்து – பரபரப்பு காட்சிகள்

Sathis S — Fri, 23 Oct 2026 16:37:48 +0530

சேலம் மாநகராட்சி 9வது கோட்டத்திற்கு உட்பட்ட அல்லிக்கோட்டை பகுதியில் நாய்களால் ஏற்படும் தொடர் பிரச்சனை. இந்த பகுதிகளில் அதிக அளவில் தெரு நாய்கள் சுற்றி தெரிகிறது நாள் தோறும் விபத்துக்கள் ஏற்பட்டு பலர் காயமடைகின்றனர். தெருநாய்களை பிடித்து மாநகராட்சி நிர்வாகம் நடவடிக்கை எடுக்க வேண்டும் என்பதை வலியுறுத்தி அந்த பகுதி மக்கள் பலமுறை கோரிக்கை வைத்து வருகின்றனர். இந்த நிலையில் அக்டோபர் 23, 2026 இன்று அல்லிக்கோட்டை பிரதான சாலையில் தெரு நாய்கள் சாலையில் வருகின்ற பொழுது ஆட்டோ திடீரென நிறுத்தப்பட்டதால் தலைக்கு பிறகு கவர்ந்து எதிரே வந்த வாகனத்தின் போது விபத்துக்குள்ளானது இந்த விபத்தில் ஓட்டுநர் லேசான காயத்துடன் மீட்கப்பட்டார் ஆட்டோ மோதி கவிழ்ந்து விபத்துக்குள்ளாகும் பரபரப்பு சிசிடிவி காட்சிகள் வெளியாகி உள்ளது மாநகராட்சி நிர்வாகம் தெருநாய்களை கட்டுப்படுத்த மாநகராட்சி நிர்வாகம் நடவடிக்கை எடுக்க வேண்டும் என கோரிக்கை விடுத்துள்ளனர். இது தொடர்பான சிசிடிவி காட்சிகள் வெளியாகி பெரும் அதிர்ச்சியையும் பரபரப்பையும் ஏற்படுத்தியுள்ளது.

ஏற்காட்டில் கொட்டித் தீர்க்கும் கனமழை.. முக்கிய சாலையில் வேரோடு சாய்ந்த ராட்சத மரம்.. போக்குவரத்து பாதிப்பு!!

Sathis S — Fri, 23 Oct 2026 15:05:11 +0530

அக்டோபர், 23: ஏழைகளின் ஊட்டி என்று அழைக்கப்படும் சேலம் மாவட்டம் ஏற்காட்டில் கடந்த சில தினங்களாகக் காலநிலை மாற்றத்தின் காரணமாகக் கடும் பனிமூட்டத்துடன் கூடிய கனமழை தொடர்ச்சியாகப் பெய்து வருகிறது. குறிப்பாக இரண்டாவது நாளாக நேற்றும் இடைவிடாது பெய்த கனமழை காரணமாக மலைப்பாதைகள் மற்றும் குடியிருப்புப் பகுதிகளில் வெள்ளப்பெருக்கு ஏற்பட்டுள்ளதோடு, ஆங்காங்கே மரங்கள் முறிந்து விழும் அபாயகரமான சூழலும் நிலவி வருகிறது. இதனால் மலைப் பகுதிகளில் வசிக்கும் பொதுமக்கள் மற்றும் வார இறுதி நாட்களைக் கழிக்கத் திரண்டுள்ள சுற்றுலாப் பயணிகளின் இயல்பு வாழ்க்கை பெருமளவில் பாதிக்கப்பட்டுள்ளது. கனமழையின் தீவிரத்தால் நிலச்சரிவு மற்றும் மரங்கள் சாயும் அபாயம் உள்ளதாக மாவட்ட நிர்வாகம் தரப்பிலும் எச்சரிக்கை விடுக்கப்பட்டிருந்தது.

வேரோடு சாய்ந்த ராட்சத மரம்:

இந்நிலையில், ஏற்காட்டின் முக்கிய சுற்றுலாத் தலமான சேர்வராயன் கோவில் செல்லும் பாதையில் உள்ள அரசு தோட்டக்கலை ஆராய்ச்சி நிலையம் அருகே சாலையோரத்தில் நின்று கொண்டிருந்த ராட்சத மரம் ஒன்று, தொடர் மழையால் மண் சரிவு ஏற்பட்டு திடீரென வேரோடு சாய்ந்தது. விழுந்த வேகத்தில் அந்த மரம் அங்கே இருந்த உயர் அழுத்த மின் கம்பங்கள் மற்றும் மின் கம்பிகள் மீது பலமாக விழுந்ததால், மின்கம்பிகள் உடனடியாக அறுந்து கீழே விழுந்தன. இதன் காரணமாகச் சேர்வராயன் கோவில் மற்றும் அதனைச் சுற்றியுள்ள 20-க்கும் மேற்பட்ட மலைக் கிராமங்களுக்கான மின் விநியோகம் உடனடியாகத் துண்டிக்கப்பட்டு அப்பகுதிகள் இருளில் மூழ்கின.

சிறையிலிருந்து விடுதலையான நாதக வேட்பாளர் கார்த்திகா.. தொண்டர்கள் உற்சாக வரவேற்பு!

Sekaran S — Fri, 23 Oct 2026 14:43:22 +0530

திருப்பூர், அக்.23: திருப்பூர் மாவட்டம் தாராபுரம் சட்டமன்றத் தொகுதி இடைத்தேர்தல் களம் அரசியல் காய்ச்சலால் சூடுபிடித்துள்ள நிலையில், கடந்த 4-ஆம் தேதியன்று நடைபெற்ற பிரசார நிகழ்வுகள் மாநில அளவில் பெரும் அதிர்வலைகளை ஏற்படுத்தின. அன்றைய தினம் தாராபுரத்தில் முதலமைச்சர் விஜய்யின் தேர்தல் பிரசார வாகனப் பேரணி நடைபெற்ற போது, பாதுகாப்பு நிமித்தமாகக் காவல்துறையினர் குறிப்பிட்ட சில இடங்களில் போக்குவரத்தைக் கட்டுப்படுத்தியிருந்தனர். அதே நேரத்தில், நாம் தமிழர் கட்சியின் தாராபுரம் தொகுதி வேட்பாளரான கார்த்திகா மற்றும் அவரது ஆதரவாளர்கள் பிரசாரப் பணிகளில் ஈடுபட முயன்ற போது காவல்துறையினருக்கும் அவர்களுக்கும் இடையே வாக்குவாதம் ஏற்பட்டது. இதனைத் தொடர்ந்து, முதலமைச்சரின் கான்வாய் செல்லும் பாதையில் சாலை மறியலில் ஈடுபட்டது மற்றும் தாராபுரம் காவல் நிலைய முற்றுகைப் போராட்டம் நடத்தியது உள்ளிட்ட காரணங்களுக்காக அவர்கள் மீது வழக்குப் பதியப்பட்டது.

நள்ளிரவில் நடந்த கைது நடவடிக்கை:

இந்தச் சம்பவங்களைத் தொடர்ந்து, தாராபுரம் காவல்துறையினர் அதிரடி நடவடிக்கையில் இறங்கி நாம் தமிழர் கட்சியின் வேட்பாளர் கார்த்திகா, அவரது கணவர் முருக சந்திரகுமார் மற்றும் முக்கிய நிர்வாகிகளான இசை மதிவாணன், கந்தசாமி, சூர்யா, சஞ்சய் காந்தி, விக்னேஷ், ஷேக் பரித் உள்ளிட்ட 12 பேரைக் கைது செய்தனர். கைது செய்யப்பட்ட அனைவரும் தாராபுரம் நீதித்துறை நடுவர் நீதிமன்றத்தில் ஆஜர்படுத்தப்பட்டு, பின்னர் கோவை மத்திய சிறையில் அடைக்கப்பட்டனர். தேர்தல் களத்தில் பிரசாரத்தில் ஈடுபட்டு வந்த பெண் வேட்பாளர் ஒருவர் நள்ளிரவில் கைது செய்யப்பட்டு சிறையிலடைக்கப்பட்ட விவகாரம் நாம் தமிழர் கட்சியினர் மத்தியிலும், பல்வேறு அரசியல் தலைவர்கள் மத்தியிலும் கடும் கண்டனங்களை எழுப்பியது.

கோழியை விழுங்கிய 12 அடி மலைப்பாம்பு.. போராடிப் பிடித்த வனத்துறையினர்!

Sathis S — Thu, 22 Oct 2026 19:00:52 +0530

வேலூர் அருகே விவசாய நிலத்தில் கோழியை விழுங்கிய 12 அடி நீள மலைப்பாம்பை வனத்துறையினர் போராடிப் பிடித்த சம்பவம் பரபரப்பை ஏற்படுத்தியுள்ளது. விவசாய நிலத்தில் கோழியை விழுங்கிய நிலையில் ராட்சத மலைப்பாம்பு ஒன்று இருப்பதைப் பார்த்த விவசாயி அதிர்ச்சியடைந்தார். உடனடியாக இதுகுறித்து வனத்துறையினருக்குத் விவசாயி தகவல் தெரிவித்தார். தகவலறிந்து சம்பவ இடத்திற்கு விரைந்து வந்த வனத்துறையினர், மலைப்பாம்பைப் பாதுகாப்பாகப் பிடிக்கும் முயற்சியில் ஈடுபட்டனர். சுமார் 12 அடி நீளமுள்ள மலைப்பாம்பை நீண்ட போராட்டத்திற்குப் பிறகு வனத்துறையினர் பிடித்தனர். விவசாய நிலத்தில் இவ்வளவு பெரிய மலைப்பாம்பு கண்டுபிடிக்கப்பட்ட சம்பவம் அப்பகுதி மக்களிடையே அச்சத்தையும் பரபரப்பையும் ஏற்படுத்தியுள்ளது. இந்த சம்பவம் அப்பகுதியில் பெரும் பரபரப்பை ஏற்படுத்தியுள்ளது. வனத்துறையினர் விரைந்து வந்ததன் காரணமாக பெரும் விபத்து தவிர்க்கப்பட்டுள்ளது. இது தொடர்பான வீடியோ சமூக வலைதளங்களில் வெளியாகி அப்பகுதி மக்களிடையே பெரும் அதிர்ச்சியையும் கலக்கத்தையும் ஏற்படுத்தியுள்ளது. 12 அடி நீளத்தில் மிக பிரம்மாண்டமாக காட்சியளித்த மலைப்பாம்பை வனத்துறையிர் போராடி பிடித்த சம்பவம் அப்பகுதியில் பேசுபொருளாகியுள்ளது.

ஒரே வாரத்தில் 2 பேர் பலி – 50 பேர் காயம்…. சேலம் – பெங்களூரு தேசிய நெடுஞ்சாலையில் மரண பள்ளங்கள்

Sathis S — Thu, 22 Oct 2026 16:49:20 +0530

சேலம் மாவட்டம், ஓமலூர் அருகே தேசிய நெடுஞ்சாலையில் உள்ள மரண பள்ளங்களால், அடுத்தடுத்து விபத்துகள் நிகழ்ந்து உயிரிழப்புகள் அதிகரித்து வருவது அதிர்ச்சியை ஏற்படுத்தியுள்ளது. ஓமலூர் ஆர்.சி.செட்டிப்பட்டி, காமலாபுரம் ரவுண்டானா பகுதிகளில் விபத்துகளை தடுக்க மேம்பாலம் கட்டப்பட்ட நிலையில், அதற்காக உடைத்து சேதமடைந்த சர்வீஸ் சாலைகள் இரண்டு ஆண்டுகளுக்கும் மேலாக சீரமைக்கப்படாமல் கிடக்கின்றன. தற்போது பெய்து வரும் மழையால் சாலைகள் மேலும் சிதிலமடைந்து, வாகன ஓட்டிகளுக்கு உயிராபத்தை ஏற்படுத்தும் பள்ளங்களாக மாறியுள்ளன. கடந்த ஒரு வாரத்தில் மட்டும் இரண்டு பேர் உயிரிழந்துள்ள நிலையில், 50க்கும் மேற்பட்டோர் படுகாயமடைந்துள்ளனர். பலரும் உடல் உறுப்புகளை இழக்கும் அபாயத்தையும் எதிர்கொண்டுள்ளனர். பலமுறை புகார் அளித்தும் நடவடிக்கை எடுக்காத நெடுஞ்சாலை ஆணைய அதிகாரிகள் மீது பொதுமக்கள் அதிருப்தி தெரிவித்துள்ளனர். இன்னும் எத்தனை உயிர்களை பலிகொடுத்தால்தான் நடவடிக்கை எடுக்கப்படும். உயிரிழப்புகளை தடுக்க, சேதமடைந்த சர்வீஸ் சாலைகளை உடனடியாக சீரமைக்க வேண்டும் என ஒட்டுமொத்த மக்களும் மத்திய அரசுக்கு கோரிக்கை வைத்துள்ளனர்.

குடிபோதையில் ஏற முயன்ற நபரின் முகத்தில் செருப்பு காலால் எட்டி உதைத்த அரசுப் பேருந்து ஓட்டுநர், நடத்துநர்.. பொதுமக்கள் கொந்தளிப்பு!

Sekaran S — Thu, 22 Oct 2026 14:46:36 +0530

திருப்பூர், அக்.22: திருப்பூர் மாவட்டத்தின் மிக முக்கிய வணிக மற்றும் போக்குவரத்து மையங்களில் ஒன்றாக விளங்கும் காங்கேயம் நகராட்சி பேருந்து நிலையத்திலிருந்து நாள்தோறும் சுற்றியுள்ள ஊர்களுக்குப் பல்லாயிரக்கணக்கான பயணிகள் வந்து செல்கின்றனர். இப்பேருந்து நிலையத்திலிருந்து சுமார் 50-க்கும் மேற்பட்ட டவுன் பேருந்துகளும், 100-க்கும் மேற்பட்ட தொலைதூரப் பேருந்துகளும் இயக்கப்பட்டு வருவதுடன், ஒவ்வொரு நாளும் சுமார் 5,000-க்கும் மேற்பட்ட பொதுமக்கள் இப்பேருந்து நிலையத்தைப் பயன்படுத்தி வருகின்றனர். எப்போதும் பரபரப்பாக இயங்கும் இத்தகைய பொது இடங்களிலும், அரசுப் போக்குவரத்துத் துறையிலும் பணிபுரியும் ஊழியர்கள் பொதுமக்களிடம் கனிவாகவும் பொறுப்புடனும் நடந்துகொள்ள வேண்டும் எனப் போக்குவரத்துக் கழகங்கள் தொடர்ந்து அறிவுறுத்தி வருகின்றன. ஆனால், இதுபோன்ற நன்னடத்தை விதிகளுக்கு மாறாகப் போக்குவரத்து ஊழியர்கள் சிலரின் வரம்பு மீறிய செயல்கள் அவ்வப்போது அரங்கேறி பொதுமக்களை அதிர்ச்சிக்குள்ளாக்கி வருகின்றன.

ஓட்டுநர் மற்றும் நடத்துநரின் தாக்குதல்:

அந்த வகையில், கடந்த சில நாட்களுக்கு முன்பு காங்கேயத்தில் இருந்து சென்னிமலை நோக்கிச் செல்லும் 1-பி (1B) அரசு டவுன் பேருந்து இயக்கப்படுவதற்காகத் தயாராக நின்றுகொண்டிருந்தது. அப்போது, குடிபோதையில் இருந்த நபர் ஒருவர் அந்தப் பேருந்தில் ஏற முயன்றதாகக் கூறப்படுகிறது. நிலை தடுமாறிய அந்த நபரைப் பேருந்தில் அனுமதிக்க மறுத்திருக்க வேண்டும் அல்லது காவல்துறையினரிடமோ அல்லது பேருந்து நிலைய அதிகாரிகளிடமோ முறையான முறையில் தகவல் தெரிவித்து அப்புறப்படுத்தியிருக்க வேண்டும். ஆனால், எவ்வித மனிதநேயமும் இன்றி ஆத்திரமடைந்த அரசுப் பேருந்தின் ஓட்டுநரும் நடத்துனரும் இணைந்து, அந்த நபரைப் பேருந்திலிருந்து கீழே தள்ளிவிட்டுள்ளனர். அதுமட்டுமின்றி, நூற்றுக்கணக்கான பயணிகள் மற்றும் பொதுமக்கள் கண்முன்னே செருப்புக் காலால் அந்த நபரின் முகத்திலேயே ஓங்கி எட்டி உதைத்த அநாகரிகமான செயல் அங்கிருந்தவர்களைப் பதைபதைக்க வைத்துள்ளது.

மாமன்னன் ராஜராஜ சோழனின் 1041-வது சதய விழா.. தஞ்சை பெரிய கோவிலில் 1041 மாணவிகளின் நாட்டியாஞ்சலி!

Deepan — Thu, 22 Oct 2026 14:33:08 +0530

தஞ்சை, அக்.22: தமிழர்களின் கட்டிடக்கலைக்கும் கலாச்சாரத்திற்கும் உலகளவில் அழியாப் புகழைத் தேடித்தந்த தஞ்சாவூர் பெரிய கோவிலைக் கட்டிய மாமன்னன் அருண்மொழிவர்மன் என்ற ராஜராஜ சோழனின் பிறந்த தினமானது ஆண்டுதோறும் ஐப்பசி மாத சதய நட்சத்திரத்தன்று 'சதய விழா'வாகக் மிகக் விமரிசையாகக் கொண்டாடப்பட்டு வருகிறது. அந்த வகையில், மாமன்னன் ராஜராஜ சோழனின் 1041-வது சதய விழா அரசு விழாவாகத் தஞ்சாவூர் பெரிய கோவில் வளாகத்தில் இன்று மிகக் கோலாகலமாகத் தொடங்கியது. இரண்டு நாட்கள் தொடர்ந்து நடைபெறவுள்ள இந்தச் வரலாற்றுச் சிறப்புமிக்க விழாவினையொட்டி ஒட்டுமொத்தத் தஞ்சாவூர் மாநகரமே வண்ண விளக்குகளாலும் தோரணங்களாலும் அலங்கரிக்கப்பட்டு விழாக்கோலம் பூண்டுள்ளது.

கம்பீரமான பாரம்பரிய ஊர்வலம்:

சதய விழாவின் தொடக்க நிகழ்வாகவும் முக்கிய அம்சமாகவும், மாமன்னன் ராஜராஜ சோழனின் அளப்பரிய சாதனைகளையும் வரலாற்றுப் பெருமைகளையும் பறைசாற்றும் வகையில் பிரம்மாண்டமான ஊர்வலம் நடத்தப்பட்டது. தஞ்சாவூர் அரண்மனை வளாகத்திலிருந்து புறப்பட்ட இந்த பாரம்பரிய ஊர்வலமானது மாநகரின் முக்கிய வீதிகளின் வழியாகத் தஞ்சை பெரிய கோவிலைச் சென்றடைந்தது. மேள தாளங்கள், பாரம்பரிய கலை நிகழ்ச்சிகள் மற்றும் சோழர் காலப் பெருமையை நினைவூட்டும் மங்கள வாத்தியங்கள் முழங்க நடைபெற்ற இந்த ஊர்வலத்தில் ஆயிரக்கணக்கான ஆன்மீக அன்பர்களும், வரலாற்று ஆர்வலர்களும் பெருந்திரளாகக் கலந்துகொண்டனர்.

வால்பாறையில் அதிர்ச்சி.. சுற்றுலாப் பயணிகளை முட்டித் தள்ளிய காட்டெருமை.. பதறவைக்கும் வீடியோ!

Sekaran S — Thu, 22 Oct 2026 14:17:50 +0530

கோவை, அக்.22: கோவை மாவட்டத்தில் அமைந்துள்ள மிக முக்கியமான சுற்றுலாத் தலங்களில் ஒன்றான வால்பாறை மற்றும் அதன் சுற்றுவட்டார மலைப் பகுதிகளில், கடந்த சில நாட்களாகக் காட்டெருமைகள், யானைகள் உள்ளிட்ட வனவிலங்குகளின் நடமாட்டம் கணிசமாக அதிகரித்து வருகிறது. அடர்ந்த வனப்பகுதியை ஒட்டியுள்ள தேயிலைத் தோட்டங்கள் மற்றும் பிரதான சாலைகளில் அவ்வப்போது கூட்டமாகவும், தனித்தனியாகவும் சுற்றித் திரியும் காட்டெருமைகளைக் காண்பது வாடிக்கையாகிவிட்டது. இயற்கையைக் கண்டு ரசிக்க வரும் சுற்றுலாப் பயணிகள் பலர், வனவிலங்குகளின் ஆபத்தை உணராமல் அவற்றின் மிக அருகில் சென்று பார்ப்பதும், செல்ஃபி மற்றும் புகைப்படங்கள் எடுப்பதும் தொடர்கதையாகி வருகிறது.

சின்னக்கல்லாரில் பாய்ந்து தாக்கிய காட்டெருமை:

இந்நிலையில், வால்பாறை அருகே உள்ள புகழ்பெற்ற சின்னக்கல்லார் பகுதியில் இரு காட்டெருமைகள் சாலையோரப் புல்வெளிகளில் மேய்ச்சலில் ஈடுபட்டுக் கொண்டிருந்தன. அந்த வழியே வாகனங்களில் சென்று கொண்டிருந்த சுற்றுலாப் பயணிகள், வழக்கம்போல் மிருகங்களின் நடமாட்டத்தைப் பொருட்படுத்தாமல் கடந்து செல்ல முயன்றனர். அப்போது, அவ்வழியாக இருசக்கர வாகனத்தில் வந்த இரு சுற்றுலாப் பயணிகளை நோக்கி, எதிர்பாராத விதமாகச் சீறிப் பாய்ந்த காட்டெருமை ஒன்று வாகனத்தை மோதித் தாக்கியது. காட்டெருமையின் திடீர் தாக்குதலால் நிலைகுலைந்த பயணிகள் இருவரும் வாகனத்துடன் கீழே விழுந்தனர்.

தூத்துக்குடியில் இடி, மின்னலுடன் வெளுத்து வாங்கும் கனமழை!

Aarthi Govindaraman — Thu, 22 Oct 2026 08:15:32 +0530

தமிழகத்தில் வடகிழக்குப் பருவமழை தீவிரமடைந்துள்ள நிலையில், தூத்துக்குடி மாநகரம் மற்றும் புறநகர்ப் பகுதிகளில் இடி, மின்னலுடன் கூடிய கனமழை பெய்து வருகிறது. இதற்கிடையே, தொடர் கனமழை காரணமாக அக்டோபர் 22ஆம் தேதியான இன்று நெல்லை, தென்காசி, கன்னியாகுமரி, தூத்துக்குடி மற்றும் திருப்பத்தூர் ஆகிய 5 மாவட்டங்களில் பள்ளிகளுக்கு விடுமுறை அளித்து உத்தரவு பிறப்பிக்கப்பட்டுள்ளது. மேலும், தூத்துக்குடி, நெல்லை, கன்னியாகுமரி, தென்காசி, விருதுநகர், ராமநாதபுரம், தேனி, திண்டுக்கல், மதுரை, கோவை, நீலகிரி, சிவகங்கை, புதுக்கோட்டை, தஞ்சாவூர், திருவாரூர், நாகப்பட்டினம் மற்றும் மயிலாடுதுறை ஆகிய 17 மாவட்டங்களில் இடி, மின்னல் மற்றும் பலத்த காற்றுடன் கூடிய மிக கனமழை பெய்ய வாய்ப்புள்ளதால் ஆரஞ்சு எச்சரிக்கை விடுக்கப்பட்டுள்ளது.

தஞ்சையில் கோலாகலமாக தொடங்கிய ராஜராஜ சோழனின் 1401-வது சதய விழா..

Deepan — Wed, 21 Oct 2026 14:38:28 +0530

தஞ்சை, அக்.21: தென்னக வரலாற்றில் கலை, பண்பாடு, கட்டிடக்கலை மற்றும் சிறந்த நிர்வாகத் திறமையால் அழியாப் புகழ்பெற்ற பேரரசர் மாமன்னன் ராஜராஜ சோழனின் பிறந்தநாளான ஐப்பசி மாத சதய நட்சத்திரத்தைக் கொண்டாடும் வகையில், ஆண்டுதோறும் சதய விழா மிகச் சிறப்பாகக் கொண்டாடப்பட்டு வருகிறது. அந்த வகையில், உலகப் புகழ்பெற்ற தஞ்சாவூர் பெரிய கோயிலைக் கட்டிய மாமன்னன் ராஜராஜ சோழனின் 1401-வது சதய விழா தஞ்சாவூரில் இன்று மிகவும் விமரிசையாகவும் கோலாகலமாகவும் தொடங்கியது. இரண்டு நாட்கள் தொடர்ந்து நடைபெறவிருக்கும் இந்த வரலாற்றுச் சிறப்புமிக்க விழாவை முன்னிட்டு, தஞ்சை மாநகரமே விழாக்கோலம் பூண்டுள்ளதோடு, ஆயிரக்கணக்கான பக்தர்களும் சுற்றுலாப் பயணிகளும் தஞ்சையை நோக்கி படையெடுத்து வருகின்றனர்.

பாரம்பரிய ஊர்வலமும் சோழர் காலப் பெருமையும்:

சதய விழாவின் தொடக்க நிகழ்வாக, தஞ்சாவூர் அரண்மனை வளாகத்திலிருந்து தஞ்சைப் பெரிய கோயில் வரை மாமன்னன் ராஜராஜ சோழனின் பெருமையைப் பறைசாற்றும் வகையில் பாரம்பரிய ஊர்வலம் ஒன்று வெகு சிறப்பாக நடைபெற்றது. ஆயிரம் ஆண்டுகளுக்கு முன்பு மாமன்னன் ராஜராஜ சோழன் பவனி வந்த வரலாற்றுச் சிறப்புமிக்க நிகழ்வை நினைவூட்டும் வகையில் அமைந்த இந்த ஊர்வலத்தில், மன்னரின் பாதுகாவலர்கள் போல் சீருடை தரித்து வேடமணிந்தவர்கள் சோழர்களின் புலிக்கொடியை ஏந்திச் சென்றனர். அத்துடன், கிராமியக் கலைச் சுடர்களின் நாட்டுப்புறக் கலை நிகழ்ச்சிகள், மேள தாளங்கள் மற்றும் பாரம்பரிய இசை நிகழ்ச்சிகள் இந்த ஊர்வலத்திற்கு மேலும் மிளிரும் சிறப்பைச் சேர்த்தன.

“எடப்பாடி பழனிசாமியும் திமுகவும் ஒன்றுதான்”.. அமைச்சர் செங்கோட்டையன் அதிரடி!!

Deepan — Wed, 21 Oct 2026 14:28:56 +0530

திருச்சி, அக்.21: தமிழக அரசியலில் நிலவி வரும் பல்வேறு நிகழ்வுகள், அரசின் திட்ட நடைமுறைகள் மற்றும் மழைக்காலப் பணிகள் குறித்துக் கருத்துகளைப் பகிர்ந்து கொள்ளும் வகையில், தமிழ்நாடு வருவாய் மற்றும் பேரிடர் மேலாண்மைத் துறை அமைச்சர் செங்கோட்டையன் திருச்சி விமான நிலையத்தில் செய்தியாளர்களைச் சந்தித்துப் பேசினார். இந்தச் சந்திப்பின் போது மாநிலத்தின் கடன் நிலவரம், மழைநீர் அகற்றும் பணிகளின் வேகம், அரசியல் நாகரிகம் மற்றும் எதிர்க்கட்சிகளின் செயல்பாடுகள் குறித்துப் பல முக்கிய வினாக்களுக்கு அவர் விரிவாகப் பதிலளித்தார். குறிப்பாக, அண்மைக் கால அரசியல் பேச்சுகள் மற்றும் நடவடிக்கைகள் குறித்துக் கருத்துத் தெரிவிக்கையில், எடப்பாடி பழனிசாமியும் திமுகவும் ஒன்றுதான் என அவர் காரசாரமாகத் தெரிவித்திருப்பது தமிழக அரசியல் வட்டாரத்தில் பெரும் விவாதத்தை ஏற்படுத்தியுள்ளது.

வளர்ச்சித் திட்டங்கள் குறித்த விளக்கம்:

தமிழ்நாட்டின் கடன் சதவீதம் 21 சதவீதம் வரை குறைந்துள்ளது குறித்துச் செய்தியாளர்கள் எழுப்பிய கேள்விக்குப் பதிலளித்த அமைச்சர் செங்கோட்டையன், இது தொடர்பாக மாநில நிதியமைச்சர் ஏற்கனவே மிகத் தெளிவாக விளக்கம் அளித்துள்ளதாகக் குறிப்பிட்டார். அரசின் சார்பில் செயல்படுத்தப்படும் ஒவ்வொரு திட்டத்தின் மதிப்பீடுகளும் முறையாகச் சரிபார்க்கப்பட்டு, தேவையற்ற செலவுகள் குறைக்கப்பட்டுத் திட்டங்கள் திறம்படச் செயல்படுத்தப்பட்டு வருகின்றன. அதுமட்டுமன்றி, பல்வேறு அரசுத் துறைகளின் வாயிலாகக் கூடுதல் வருவாயை உருவாக்குவதற்கான விரிவான திட்டமிடல்களும் நடைமுறைப்படுத்தப்பட்டு வருகின்றன. நிதியமைச்சர் ஒவ்வொரு துறை ரீதியாகவும் இதற்கான தரவுகளைத் தெளிவாக விளக்கியுள்ளதாக அவர் சுட்டிக்காட்டினார்.

கோவை சித்தாபுதூர் ஐயப்பன் கோவிலில் வித்யாரம்பம் நிகழ்ச்சி.. அரிசியில் எழுதி கல்வியை தொடங்கிய குழந்தைகள்!

Vinalin Sweety — Wed, 21 Oct 2026 13:18:37 +0530

கோவை சித்தாபுதூர் ஐயப்பன் கோவிலில் வித்யாரம்பம் நிகழ்ச்சியில் குழந்தைகள் அரிசியில் எழுதி கல்வியைத் தொடங்கினர். விஜயதசமியை முன்னிட்டு, கோவை சித்தாபுதூர் ஐயப்பன் கோவிலில் நடைபெற்ற வித்யாரம்பம் நிகழ்ச்சியில், குழந்தைகளுக்கு அரிசியில் எழுத்தை எழுத வைத்து கல்வி தொடங்கி வைக்கப்பட்டது. விஜயதசமி நாளில் குழந்தைகளின் கல்வியைத் தொடங்கினால், அவர்கள் வாழ்நாள் முழுவதும் சிறந்த கல்வி அறிவைப் பெற்று விளங்குவார்கள் என்பது மலையாள மக்களின் நம்பிக்கையாக இருந்து வருகிறது. அதன் அடிப்படையில், விஜயதசமி நாளில் கோவில்களில் நடைபெறும் வித்யாரம்பம் நிகழ்ச்சியில் குழந்தைகளின் கல்வியைத் தொடங்கி வைக்கப்படுகிறது. கோவை சித்தாபுதூர் பகுதியில் உள்ள பிரசித்தி பெற்ற ஐயப்ப சுவாமி கோவிலில் இன்று வித்யாரம்பம் நிகழ்ச்சி நடைபெற்றது. இதில் சுற்றுவட்டாரப் பகுதிகளைச் சேர்ந்த நூற்றுக்கணக்கான பெற்றோர் தங்களது குழந்தைகளை அழைத்து வந்து பங்கேற்றனர். நிகழ்ச்சியில், நம்பூதிரிகள் முன்னிலையில் குழந்தைகளின் விரல்களைப் பிடித்து, அரிசி நிரப்பப்பட்ட தட்டில் கடவுளின் பெயரையோ அல்லது முதல் எழுத்துகளையோ எழுத வைத்து எழுத்தறிவு தொடங்கி வைக்கப்பட்டது. இதில் சில குழந்தைகள் எழுத்துகளை எழுதினர், சில குழந்தைகள் பயத்தில் அழுது அடம்பிடித்தனர். முன்னதாக, பெற்றோர் ஐயப்ப சுவாமியைத் தரிசனம் செய்து, தங்களது குழந்தைகள் கல்வியில் சிறந்து விளங்கவும், எதிர்காலம் வளமாக அமையவும் வேண்டிக்கொண்டனர்.

கனமழையால் குளம்போல் தேங்கிய தண்ணீர்.. மருதமலை கோயிலில் சாமி தரிசனம் செய்ய வந்த பக்தர்கள் கடும் அவதி!

Sekaran S — Wed, 21 Oct 2026 07:19:46 +0530

கோவை, அக்.21: தமிழகத்தில் பல்வேறு மாவட்டங்களில் அவ்வப்போது தீவிரமடைந்து வரும் பருவமழை மற்றும் மால நேரக் கனமழையானது மக்களின் இயல்பு வாழ்க்கையைப் பாதித்து வருவதுடன், பொது இடங்களிலும் வழிபாட்டுத் தலங்களிலும் பல்வேறு சவால்களை ஏற்படுத்தி வருகிறது. அந்த வகையில், கோயம்புத்தூர் மாவட்டத்தின் மிக முக்கியமான மற்றும் பிரசித்தி பெற்ற ஆன்மிகத் தலமாக விளங்கும் மருதமலை சுப்பிரமணிய சுவாமி திருக்கோயில் வளாகத்தில், திடீரெனப் பெய்த கனமழையால் கடுமையான நீர் தேக்கப் பிரச்சினை ஏற்பட்டுள்ளது. நாளுக்கு நாள் ஆயிரக்கணக்கான பக்தர்கள் வந்து செல்லும் இத்தலத்தில், மாலை வேளையில் பெய்த பலத்த மழையின் காரணமாகக் கோயில் வளாகம் முழுவதும் குளம்போல் தண்ணீர் தேங்கியது. இதனால் சாமி தரிசனத்திற்கு வந்த பக்தர்கள் பெரிதும் சிரமத்திற்குள்ளாகியதுடன், முறையான வடிகால் வசதியின்மையைக் கண்டித்துக் கோரிக்கைகளையும் விடுத்துள்ளனர்.

கூட்ட நெரிசலும் திடீர் கனமழையும்:

கோவையில் உள்ள மருதமலை கோயிலில் வாரத்தின் பிற நாட்களைக் காட்டிலும் செவ்வாய்க்கிழமைகளில் முருகப்பெருமானைத் தரிசிக்க ஏராளமான பக்தர்கள் அதிகளவில் வருகை தருவது வழக்கம். வழக்கம் போல் இன்றும் ஏராளமான பக்தர்கள் குடும்பத்தினருடன் வருகை தந்து நீண்ட வரிசையில் காத்திருந்து தரிசனம் செய்து கொண்டிருந்தனர். இந்தச் சூழலில்தான், மாலையில் திடீரென உருவான கார்மேக மூட்டத்துடன் கூடிய கனமழை அப்பகுதியில் வெளுத்து வாங்கியது. சுமார் அரை மணி நேரம் மட்டுமே நீடித்த இந்தத் தீவிர மழையின் காரணமாக, மருதமலை அடிவாரம் மற்றும் மலைக்கோயில் வளாகப் பகுதிகளில் வெளியேற வழியின்றி மழைநீர் பெருமளவில் தேங்கத் தொடங்கியது.

மூதாட்டிக்காகப் பேருந்து நிறுத்தத்தில் காத்திருந்த அமைச்சர் – நெகிழ்ச்சி சம்பவம்!

Sathis S — Tue, 20 Oct 2026 21:03:54 +0530

அம்மாப்பேட்டை மணல்மேடு TMS பேருந்து நிறுத்தத்தில் பேருந்துகள் நின்று செல்வதில்லை எனப் புகார் எழுந்தது. இதையடுத்து, போக்குவரத்துத் துறை அமைச்சர் விஜய் தமிழன் பார்த்திபன் அப்பகுதிக்கு நேரில் சென்று ஆய்வு மேற்கொண்டார். அப்போது, பேருந்து நிறுத்தத்தில் அமர்ந்து பேருந்துகள் முறையாக நின்று செல்கின்றனவா எனக் கண்காணித்த அவர், அனைத்து பேருந்துகளும் அங்கு நின்று பயணிகளை ஏற்றிச் செல்ல வேண்டும் என அறிவுறுத்தினார். அப்போது, வாழப்பாடி மற்றும் ஏத்தாப்பூர் செல்லும் பேருந்துக்காக நீண்ட நேரமாகக் காத்திருந்த மூதாட்டியைக் கண்ட அமைச்சர், அவருடன் பேருந்து நிறுத்தத்தில் அமர்ந்து காத்திருந்தார். மூதாட்டி செல்ல வேண்டிய பேருந்து வந்ததும், அவரைப் பேருந்தில் ஏற்றி வழியனுப்பி வைத்தார். பேருந்து நிறுத்தப் பிரச்சினையை ஆய்வு செய்யச் சென்ற அமைச்சர், மூதாட்டிக்காகவும் காத்திருந்த சம்பவம் அப்பகுதி மக்களிடையே நெகிழ்ச்சியை ஏற்படுத்தியது.

கோவையில் கனமழை: லாலி ரோடு வீடுகளுக்குள் புகுந்த வெள்ளநீர்!

Sekaran S — Tue, 20 Oct 2026 20:32:03 +0530

கோவை மாநகர் மற்றும் சுற்றுவட்டாரப் பகுதிகளில் பெய்து வரும் கனமழையால் லாலி ரோடு குடியிருப்புப் பகுதிகளில் வெள்ளநீர் புகுந்து பொதுமக்கள் கடும் அவதிக்குள்ளாகியுள்ளனர். மேட்டுப்பாளையம் சாலை, தடாகம் சாலை உள்ளிட்ட பகுதிகளில் பெய்த பலத்த மழையால் சாலைகளில் வெள்ளம்போல் தண்ணீர் பெருக்கெடுத்து ஓடியது. தொடர்ந்து பெய்த மழையால், முறையான வடிகால் வசதியின்றி லாலி ரோடு பகுதியில் உள்ள தாழ்வான வீடுகளுக்குள் மழைநீருடன் சாக்கடை நீரும் புகுந்தது. இதனால் வீடுகளில் இருந்த படுக்கைகள், அத்தியாவசியப் பொருட்கள் மற்றும் உணவுப் பொருட்கள் சேதமடைந்தன. திடீரென வீடுகளுக்குள் புகுந்த தண்ணீரை வெளியேற்ற முடியாமல் தவித்த மக்கள், பாத்திரங்களைக் கொண்டு நீரை அகற்றும் முயற்சியில் ஈடுபட்டனர். சாலைகளில் தேங்கிய மழைநீரால் வாகன ஓட்டிகளும் பொதுமக்களும் கடும் சிரமத்தைச் சந்தித்து வருகின்றனர்.

கோவை மொபைல் கடையில் நூதனத் திருட்டு! 4 செல்போன்கள், ரூ.15,000 அபேஸ் – சிசிடிவி காட்சி வைரல்

Sekaran S — Tue, 20 Oct 2026 20:18:25 +0530

கோவை வடவள்ளியில் வாடிக்கையாளர் போல வந்த மர்ம நபர், மொபைல் கடையில் 4 புதிய செல்போன்கள் மற்றும் ரூ.15,000 ரொக்கத்தைத் திருடிச் சென்ற சம்பவம் அதிர்ச்சியை ஏற்படுத்தியுள்ளது. சுமார் ரூ.30,000 மதிப்பிலான இரண்டு செல்போன்களை வாங்குவதாகக் கூறிய அந்த நபர், பின்னர் ஏடிஎம் கார்டில் பணம் இருப்பதாகவும், அதை எடுத்துவருமாறும் கடை ஊழியரிடம் தெரிவித்துள்ளார். அவரது பேச்சை நம்பி ஊழியர் வெளியே சென்றதைப் பயன்படுத்திக் கொண்ட அந்த நபர், கடையில் இருந்த 4 செல்போன்கள் மற்றும் கல்லாப்பெட்டியில் இருந்த ரூ.15,000-ஐ திருடிக்கொண்டு தப்பியோடியுள்ளார். திரும்பி வந்த ஊழியர் பொருட்கள் திருடப்பட்டதைக் கண்டு அதிர்ச்சியடைந்தார். சிசிடிவி காட்சிகளை ஆய்வு செய்தபோது திருட்டு அம்பலமானது. தற்போது இந்தக் காட்சிகள் சமூக வலைதளங்களில் வைரலாகி வருகின்றன.

பொள்ளாச்சியில் கொரிலா வேடமிட்டு சாலை பாதுகாப்பு குறித்த விழிப்புணர்வு!

Vinalin Sweety — Mon, 19 Oct 2026 22:50:48 +0530

கோயம்புத்தூர் மாவட்டம், பொள்ளாச்சியில் இன்று (அக்டோபர் 19, 2026) காந்தி சிலை அருகே தனியார் அமைப்பு சார்பில் வாகன ஓட்டிகளுக்கான மிகவும் வித்தியாசமான விழிப்புணர்வு நிகழ்வு நடைபெற்றது. இதில் தனியார் அமைப்பைச் சேர்ந்த நபர்கள் கொரில்லா வேடமிட்டு சாலைகளில் பாதுகாப்பின்றி வரும் இருசக்கர வாகனங்களை அழைத்து விழிப்புணர்வு ஏற்படுத்தினர். இருசக்கர வாகனங்களில் வருவோர் ஹெல்மெட் அணிய வேண்டும் என்றும், நான்கு சக்கர வாகனங்களில் வருவோர் சீட் பெல்ட் அணிய வேண்டும் உள்ளிட்ட விழிப்புணர்வுகளை வாகன ஓட்டிகளிடம் ஏற்படுத்தியவாறு சாலையில் கொரில்லா வேடமிட்டு விழிப்புணர்வு நிகழ்வு நடத்தப்பட்டது. இந்த சாலை பாதுகாப்பு விழிப்புணர்வுக்கு பொதுமக்கள் இடையே பாராட்டுக்கள் கிடைத்துள்ளது. இந்த முயற்சியை பலரும் பாராட்டி வருகின்றனர்.