பல் வலி திடீரென வந்தால் என்ன செய்வது? வலியை எப்படி குறைப்பது?

பாராசிட்டமால் அல்லது இப்யூபுரூஃபன் போன்ற மருந்துகளை மருத்துவர் அல்லது மருந்தாளரின் ஆலோசனையுடன், பரிந்துரைக்கப்பட்ட அளவில் எடுத்துக்கொள்ளலாம்.

பல்வலி இருக்கும்போது கடினமான உணவுகளைத் தவிர்த்து, மென்மையான உணவுகளைச் சாப்பிடுவதுடன் வலி இல்லாத மறுபக்கத்தில் மென்று சாப்பிடலாம்.

ஆஸ்பிரின் மாத்திரையை நேரடியாகப் பல் அல்லது ஈறுகளில் வைக்கக்கூடாது; இது ஈறுகளில் பாதிப்பையும் ரசாயனக் காயத்தையும் ஏற்படுத்தலாம்.

செறிவூட்டப்பட்ட கிராம்பு எண்ணெய், ஆல்கஹால் போன்றவற்றைப் பல் மற்றும் ஈறுகளில் நேரடியாகப் பயன்படுத்துவதைத் தவிர்க்க வேண்டும்.

பல்வலி தொடர்ந்து நீடித்தாலோ, மீண்டும் மீண்டும் ஏற்பட்டாலோ அல்லது தூக்கம், உணவு சாப்பிடுவது பாதிக்கப்பட்டாலோ உடனடியாகப் பல் மருத்துவரை அணுக வேண்டும்.