பொதுவாக மனிதர்கள் ஒரு நாளில் பதினைந்து நிமிடங்கள் சிரிப்பது நல்ல ஆரோக்கியத்திற்கான வழியாக இருக்கலாம் என்று மருத்துவர்கள் கூறுகின்றனர். முந்தைய காலத்தில் ஒரு நாளைக்கு மனிதர்கள் குறைந்தது 18 நிமிடங்கள் சிரித்ததாக கூறுகின்றனர். ஆனால், தற்போது ஒருநாளில் ஆறு நிமிடங்கள் சிரிப்பதே பெரிய விஷயமாக உள்ளது. அந்தவகையில், சராசரியாக குழந்தைகள் ஒரு நாளுக்கு முன்னூறு முதல் நானூறு முறை சிரிப்பார்கள். ஆனால்,அதுவே பெரியவர்கள் அதிகம் சிரிப்பதற்கான வாய்ப்புகள் குறைவாகும். சிரிப்பு நம் இதயமும், சுவாச உறுப்புகளும் நன்றாகச் செயல்பட உதவுகிறது. வாய்திறந்து சிரிப்பது அதிக பயனுள்ளதாக இருக்கும் என்றும் வாய்மூடிய படி சிரிப்பது அதனைவிட குறைவான ஆரோக்கிய நன்மைகளையே கொண்டதாக இருக்கும் எனவும் மருத்துவர்கள் கூறுகின்றனர்.
