அமெரிக்காவின் கலிபோர்னியாவில் காணாமல் போன 22 வயது இந்திய மாணவர் சகேத் ஸ்ரீனிவாசையாவின் தேடுதல் சனிக்கிழமை முடிவடைந்தது. அவரின் உடல், பெர்க்லி ஹில்ஸுக்கு அருகேயுள்ள டில்டன் பிராந்திய பூங்காவில் அமைந்துள்ள லேக் அன்சா ஏரியில் இருந்து மீட்கப்பட்டது. அவர் கலிபோர்னியா பல்கலைக்கழகம், பெர்க்லியில் முதுநிலை படித்து வந்தார். இந்த துயரச் செய்தியை சான் பிரான்சிஸ்கோவில் உள்ள இந்திய துணைத் தூதரகம் உறுதிப்படுத்தி, குடும்பத்தாருக்கு இரங்கல் தெரிவித்தது.
