https://www.tv9tamilnews.com/videos/salem-textile-markets-flooded-diwali-shopping-crowds-117318.html https://images.tv9tamilnews.com/wp-content/uploads/2026/11/salem-1.jpg தீபாவளியை முன்னிட்டு சேலம் கடைவீதியில் அலைமோதும் மக்கள் கூட்டம்.. ஜவுளி கடைகளில் களைகட்டிய வியாபாரம்!! சேலம், நவ.02: தமிழர்களின் மிக முக்கியமான மற்றும் மகிழ்ச்சியான பண்டிகைகளில் ஒன்றான தீபாவளித் திருநாள் நெருங்கி வரும் நிலையில், தமிழகத்தின் முக்கிய வர்த்தக மையங்களில் ஒன்றான சேலம் மாநகரில் பண்டிகைக் காலக் கொண்டாட்டங்கள் முழு வீச்சில் தொடங்கியுள்ளன. சேலத்தின் பிரதான கடைவீதி மற்றும் அதனைச் சுற்றியுள்ள முக்கியச் சந்தைப் பகுதிகளில் பொதுமக்கள் தங்களது குடும்பத்தினருடன் திரண்டு வந்து புத்தாடைகள் மற்றும் அவசியமான பண்டிகைப் பொருட்களை உற்சாகத்துடன் வாங்கிச் செல்கின்றனர். குறிப்பாக, காலை முதல் இரவு வரை மக்கள் கூட்டம் அலைமோதுவதால் அப்பகுதிகளில் விழாக் காலச் சூழல் உருவாகியுள்ளது. ஜவுளி கடைகளில் குவிந்துள்ள மக்கள்: தீபாவளி ஷாப்பிங்கின் மிக முக்கியப் பகுதியாக விளங்கும் ஜவுளிப் ખરીதி தற்போது உச்சத்தை எட்டியுள்ளது. சேலத்தில் உள்ள பிரபல ஜவுளி நிறுவனங்கள் மற்றும் சிறிய கடைகள் அனைத்திலும் வண்ணமயமான புதிய ரக ஆடைகள் விற்பனைக்கு வைக்கப்பட்டுள்ள நிலையில், பொதுமக்கள் தங்களுக்குப் பிடித்தமான உடைகளைத் தீவிரமாகத் தேர்வு செய்து வாங்கி வருகின்றனர். சிறுவர்கள் முதல் பெரியவர்கள் வரை அனைத்துத் தரப்பினரும் தங்களது குடும்பத்தினருக்கான புத்தாடைகளை வாங்குவதில் காட்டிடும் ஆர்வம் காரணமாக ஜவுளிக் கடைகள் அனைத்தும் நிரம்பி வழிவதுடன், வியாபாரமும் மும்முரமாக நடைபெற்று வருகிறது. 2026-11-02T14:20:27+05:30 வீடியோ - Tamil News Videoshttps://content.jwplatform.com/players/xEI3XzuH-i3kV1w3s.html Sathis Shttps://www.tv9tamilnews.com/videos/trichys-healthy-food-street-inaugurated-hygienic-dining-and-smart-payments-117239.html https://images.tv9tamilnews.com/wp-content/uploads/2026/11/food-street.jpg திருச்சியில் உணவு வீதி.. கெட்டுப்போன உணவுகள் விற்றால் நடவடிக்கை.. அமைச்சர் எச்சரிக்கை! திருச்சி காஜாமலை ரேஸ்கோர்ஸ் சாலையில், தமிழ்நாடு மக்கள் நல்வாழ்வுத்துறை மற்றும் திருச்சி மாவட்ட உணவு பாதுகாப்புத்துறை சார்பில் அமைக்கப்பட்டுள்ள "ஆரோக்கியமான மற்றும் சுகாதாரமான உணவகங்களின் வீதி" (Food Street) திறப்பு விழா இன்று நடைபெற்றது. மருத்துவம் மற்றும் மக்கள் நல்வாழ்வுத்துறை அமைச்சர் அருண்ராஜ் மற்றும் இந்து சமய அறநிலையத்துறை அமைச்சர் ரமேஷ் ஆகியோர் கலந்துகொண்டு, உணவு வீதியை தொடங்கி வைத்து, உணவக உரிமையாளர்களுக்குரிய ஆணைகளை வழங்கி, கடைகளைப் பார்வையிட்டனர். இந்நிகழ்வில், மாவட்ட ஆட்சியர் பிரதிக் தாயள், சட்டமன்ற உறுப்பினர்கள் கதிரவன், நவல்பட்டு விஜி மற்றும் பல்வேறு அரசுத்துறை அலுவலர்கள் கலந்து கொண்டனர். நிகழ்வுக்கு பின்னர் அமைச்சர் அருண்ராஜ் அளித்த பேட்டியில் கூறியதாவது, தமிழகத்தில் முதற்கட்டமாக தேர்ந்தெடுக்கப்பட்ட 6 மாவட்டங்களில், திருச்சியில் இந்தத் திட்டம் வெற்றிகரமாக முதன்முதலில் தொடங்கப்பட்டுள்ளது. வெளிப்படையான முறையில் விண்ணப்பங்கள் பெறப்பட்டு, நேர்காணல் மூலம் 39 உணவு விற்பனையாளர்கள் தேர்ந்தெடுக்கப்பட்டுள்ளனர். அவர்களுக்கு மாவட்ட தொழில் மையம் மூலமாக சலுகைக் கடன் வசதியும், உணவு பாதுகாப்பு துறையின் சான்றிதழ்களும் வழங்கப்பட்டுள்ளன. திருச்சி மாநகராட்சியின் சார்பில் சுமார் ரூ.50 லட்சம் செலவில் நடைபாதை அகலப்படுத்தப்பட்டு, மின்விளக்குகள், தனித்தனி மின் இணைப்புகள், தூய்மையான கழிவறைகள், குடிநீர் வசதி, போதுமான இருக்கைகள், வாகனப் பார்க்கிங் மற்றும் சிறிய நிகழ்ச்சிகளுக்கான திறந்தவெளி அரங்கம் போன்ற அனைத்து வசதிகளும் செய்யப்பட்டுள்ளன. வாடிக்கையாளர்கள் பணப் பரிவர்த்தனைக்கு மாற்றாக, பிரத்யேக ஸ்மார்ட் கார்டு முறையைப் பயன்படுத்தி எந்தக் கடையிலும் உணவுகளை வாங்கிக் கொள்ளலாம். ஆரோக்கியமான இயற்கை உணவுகளைத் தேர்ந்தெடுக்கும்போது கூடுதல் ரிவார்ட் பாயிண்ட்ஸ் வழங்கும் முறையும் அறிமுகப்படுத்தப்பட்டுள்ளது. தற்பொழுது மாலை 5 மணி முதல் இரவு 11 மணி வரை செயல்படும் இந்த உணவு வீதியை, பொதுமக்களின் கோரிக்கைக்கு ஏற்ப நள்ளிரவு 12 மணி வரை நீட்டிப்பது குறித்து பரிசீலிக்கப்படும். உலக சுகாதார அமைப்பின் பரிந்துரைப்படி, பொதுமக்கள் ஒரு நாளைக்கு 5 கிராமுக்கு மேல் உப்பு உட்கொள்வதை தவிர்க்க வேண்டும். உணவுகளில் உப்பின் அளவைக் குறைப்பது இதய நோய் மற்றும் பக்கவாதத்திலிருந்து நம்மைப் பாதுகாக்கும். எனவே, வரவிருக்கும் தீபாவளி பண்டிகையையொட்டி பலகாரங்கள் தயாரிப்பவர்கள் உப்பின் அளவைக் குறைக்க வேண்டும். இதனால் மக்கள் ஆரோக்கியம் மேம்படும். கெட்டுப்போன அல்லது எக்ஸ்பயரி தேதியை கடந்த உணவுகளை விற்பனை செய்பவர்கள் மீது கடுமையான நடவடிக்கை எடுக்கப்படும். பொதுமக்கள் இதுகுறித்து 9444042322 என்ற எண்ணைத் தொடர்பு கொண்டு புகார் தெரிவிக்கலாம் என்று கூறியுள்ளார். 2026-11-02T10:12:46+05:30 வீடியோ - Tamil News Videoshttps://content.jwplatform.com/players/6QumhWww-i3kV1w3s.html Deepanhttps://www.tv9tamilnews.com/videos/salem-city-celebrates-161st-foundation-day-exploring-its-rich-british-history-117107.html https://images.tv9tamilnews.com/wp-content/uploads/2026/11/salem.jpg 161-வது ஆண்டில் அடியெடுத்து வைக்கும் சேலம் நகரம்.. வரலாறும் கம்பீரமும் நிறைந்த மாநகரின் சிறப்புப் பயணம்! தமிழகத்தின் மிகப்பழமையான மற்றும் வரலாற்றுச் சிறப்புமிக்க நகரங்களில் ஒன்றான சேலம் மாநகரம், தனது 160 ஆண்டு கால பொற்கால வரலாற்றை நிறைவு செய்து இன்று கம்பீரமாக 161-வது ஆண்டில் அடியெடுத்து வைக்கிறது. மலைகள் சூழ்ந்த இயற்கை எழில் கொஞ்சும் மாநகரமாக விளங்கும் சேலம், கடந்த 1866-ஆம் ஆண்டு ஒரு நகரவைத் தலை மற்றும் 17 உறுப்பினர்களுடன் அதிகாரப்பூர்வமாக நகராட்சியாக உருவெடுத்த நாளே இன்றுகூட 'சேலம் தினமாக'க் கொண்டாடப்பட்டு வருகிறது. கால ஓட்டத்தில் படிப்படியாக வளர்ந்து கடந்த 1994-ஆம் ஆண்டு மாநகராட்சியாகத் தரம் உயர்த்தப்பட்ட இந்த நகரம், தற்பொழுது நவீன வசதிகளுடன் கூடிய 'ஸ்மார்ட் சிட்டி' (Smart City) எனப்படும் பொலிவுறு நகரமாக உருவெடுத்துள்ளது. ஆண்டுகள் பல கடந்தாலும் தனது பாரம்பரிய அடையாளங்களையும் சரித்திர முக்கியத்துவத்தையும் எவ்விதத்திலும் இழக்காமல் தனித்துவத்துடன் விளங்கும் சேலம், தமிழகத்தின் தவிர்க்க முடியாத அடையாளங்களில் ஒன்றாகத் திகழ்கிறது. பிரிட்டிஷ் காலத்து வரலாற்றுச் சாலை: சேலம் மாநகரத்தின் வரலாற்றில் பிரிட்டிஷ் கிழக்கிந்திய கம்பெனி மற்றும் ஆங்கிலேயர் ஆட்சிக்காலத்திற்குக் மிக முக்கியப் பங்கு உண்டு; இந்தியாவில் உருவாக்கப்பட்ட முதல் மாவட்டங்களில் ஒன்றான இங்குப் பணியாற்றிய ஆங்கிலேய அதிகாரிகளின் நினைவுகள் இன்றைக்கும் உயிர்ப்புடன் உள்ளன. இங்கிலாந்து மன்னர் மூன்றாம் ஜார்ஜ் காலத்தில் சேலம் கோட்டையின் பாதுகாப்பிற்காக உருவாக்கப்பட்ட பழமையான பீரங்கி இன்றைக்கும் மாநகராட்சி அலுவலக வளாகத்தில் வரலாற்றுச் சின்னமாகக் காட்சிப்படுத்தப்பட்டுள்ளது. பொதுமக்கள் கால நேரத்தைத் தெரிந்துகொள்ள நண்பகல் 12 மணிக்கும் பின்னர் இரவு 8 மணிக்கும் இந்தப் பீரங்கியை வெடிக்கும் வழக்கம் இருந்ததன் அடையாளமாகவே 'குண்டு போடும் தெரு' என்ற பெயர் இன்றும் புழக்கத்தில் உள்ளது. மேலும், 1853 முதல் 1862 வரை கலெக்டராகப் பணியாற்றிய ஹேரி அகஸ்டஸ் பிரட்ஸ் நினைவாக 'பிரட்ஸ் சாலை'யும், சி.டி.லாங்லி நினைவாக 'லாங்லி சாலை'யும், லீ என்பவரின் நினைவாக 'லீ பஜார்' சந்தையும் அமைக்கப்பட்டு வரலாற்றின் எச்சங்களை இன்றும் தாங்கி நிற்கின்றன. 2026-11-01T14:17:29+05:30 வீடியோ - Tamil News Videoshttps://content.jwplatform.com/players/Gr5PYxFr-i3kV1w3s.html Sathis Shttps://www.tv9tamilnews.com/videos/python-spotted-on-roadside-near-ambur-public-rescues-and-hands-it-over-to-forest-department-116775.html https://images.tv9tamilnews.com/wp-content/uploads/2026/10/malai.png ஆம்பூர் அருகே சாலையோரம் ஊர்ந்து சென்ற மலைப்பாம்பு! பிடித்து வனத்துறையிடம் ஒப்படைத்த பொதுமக்கள்! திருப்பத்தூர் மாவட்டம் ஆம்பூர் அருகே சாலையோரம் ஊர்ந்து சென்ற மலைப்பாம்பை பொதுமக்கள் பிடித்து வனத்துறையினரிடம் ஒப்படைத்தனர். ஆம்பூர் அடுத்த விண்ணமங்கலம் ஊராட்சிக்கு உட்பட்ட காட்டுக்கொல்லை பகுதியில் ஆம்பூர் - ஆலாங்காயம் மலைச்சாலை அமைந்துள்ளது. இச்சாலையில் தினமும் ஆயிரக்கணக்கான பொதுமக்கள் மற்றும் வாகனங்கள் சென்று வருகின்றன. இந்நிலையில், இன்று அச்சாலையின் ஓரத்தில் மலைப்பாம்பு ஒன்று ஊர்ந்து சென்றுள்ளது. இதனைப் பார்த்த அவ்வழியாகச் சென்ற பொதுமக்கள், பாம்பை லாவகமாகப் பிடித்து ஆம்பூர் வனத்துறையினருக்குத் தகவல் தெரிவித்தனர். இதையடுத்து சம்பவ இடத்திற்கு வந்த வனத்துறையினரிடம் மலைப்பாம்பை ஒப்படைத்தனர். தொடர்ந்து, வனத்துறையினர் அந்த மலைப்பாம்பை விண்ணமங்கலம் காப்புக்காட்டுப் பகுதியில் பாதுகாப்பாக விடுவித்தனர். 2026-10-31T07:39:12+05:30 வீடியோ - Tamil News Videoshttps://content.jwplatform.com/players/siVmB11d-i3kV1w3s.html Sathis Shttps://www.tv9tamilnews.com/videos/those-who-commit-wrongdoing-will-face-consequences-minister-ramesh-116646.html https://images.tv9tamilnews.com/wp-content/uploads/2026/10/ramedr.png தவறு செய்தவர்கள் அதற்கான பலனை அனுபவிப்பார்கள் – அமைச்சர் ரமேஷ் எச்சரிக்கை! ஊழலுக்கு எதிரான நடவடிக்கைகளைத் தமிழக அரசு தொடர்ந்து மேற்கொண்டு வருவதாகவும், தவறு செய்தவர்கள் நிச்சயம் அதற்கான பலனை அனுபவிப்பார்கள் என்றும் அமைச்சர் ரமேஷ் தெரிவித்துள்ளார். பசும்பொன் முத்துராமலிங்கத் தேவரின் 119-வது ஜெயந்தி மற்றும் 64-வது குருபூஜையை முன்னிட்டு, திருச்சி மத்திய பேருந்து நிலையம் அருகே உள்ள அவரது சிலைக்கு அமைச்சர் ரமேஷ் மாலை அணிவித்து மரியாதை செலுத்தினார். இதில் சட்டமன்ற உறுப்பினர்கள் விக்னேஷ், கதிரவன் உள்ளிட்ட தமிழக வெற்றிக் கழக நிர்வாகிகள் பங்கேற்றனர். பின்னர் செய்தியாளர்களிடம் பேசிய அமைச்சர், மக்கள் பணத்தைச் சுரண்டியவர்கள் மீது மட்டுமே சட்டப்பூர்வ நடவடிக்கை எடுக்கப்படுவதாகவும், இதில் அரசியல் காழ்ப்புணர்ச்சி இல்லை என்றும் கூறினார். மேலும், முந்தைய திமுக ஆட்சியில் உருவான சட்டம் ஒழுங்கு பிரச்சினைகளைச் சரிசெய்து வருவதாகவும், விலைவாசியைக் கட்டுப்படுத்த அரசு தொடர்ந்து நடவடிக்கை எடுத்து வருவதாகவும் தெரிவித்தார். 2026-10-30T13:33:40+05:30 வீடியோ - Tamil News Videoshttps://content.jwplatform.com/players/3Abjxacm-i3kV1w3s.html Deepanhttps://www.tv9tamilnews.com/videos/dense-fog-engulfs-walayar-on-tamil-nadu-kerala-border-116639.html https://images.tv9tamilnews.com/wp-content/uploads/2026/10/co-pani.png தமிழக - கேரள எல்லையில் கடும் பனிமூட்டம் – வாகன ஓட்டிகள் அவதி! கோவை: கோவை மாவட்டம் வாளையார் பகுதியில் இன்று அதிகாலை கடும் பனிமூட்டம் நிலவியது. எதிரில் வரும் வாகனங்கள் முன்னால் செல்லும் வாகனங்கள் கூட சரியாகத் தெரியாத அளவிற்கு சாலைகளைப் பனிமூட்டம் சூழ்ந்தது. வடகிழக்குப் பருவமழை காரணமாக கோவை மாவட்டத்தில் கடந்த சில நாட்களாகத் தொடர் மழை பெய்த நிலையில், கடந்த நான்கு முதல் ஐந்து நாட்களாக மழைப்பொழிவு குறைந்துள்ளது. இருப்பினும், அதிகாலை நேரங்களில் பல்வேறு பகுதிகளில் பனிமூட்டம் அதிகரித்து காணப்படுகிறது. குறிப்பாக, தமிழ்நாடு - கேரள மாநில எல்லைப் பகுதியான வாளையாரில் கடும் பனிமூட்டம் நிலவியதால் வாகன ஓட்டிகள் முகப்பு விளக்குகளை எரியவிட்டபடி மிகவும் மெதுவாகவும், கவனத்துடனும் வாகனங்களை இயக்கினர். குளிரின் தாக்கமும் அதிகரித்துள்ளதால் பொதுமக்கள் ஸ்வெட்டர் உள்ளிட்ட குளிர்கால ஆடைகளை அணிந்து வருகின்றனர். 2026-10-30T13:26:14+05:30 வீடியோ - Tamil News Videoshttps://content.jwplatform.com/players/g3GslrP6-i3kV1w3s.html Sekaran Shttps://www.tv9tamilnews.com/videos/cow-trapped-in-underground-drain-for-3-days-rescued-by-firefighters-in-coimbatore-116525.html https://images.tv9tamilnews.com/wp-content/uploads/2026/10/maadu-.png 3 நாட்களாகப் பாதாள சாக்கடைக்குள் தவித்த மாடு – போராடி உயிருடன் மீட்ட தீயணைப்புத் துறையினர்! கோவை சங்கனூர் பகுதியில் திறந்துகிடந்த பாதாள சாக்கடைக்குள் தவறி விழுந்து, கடந்த 3 நாட்களாக உணவு, தண்ணீரின்றி உயிருக்குப் போராடிய மாட்டைத் தீயணைப்புத் துறையினர் பத்திரமாக மீட்டனர். சங்கனூர் பகுதியைச் சேர்ந்த விஸ்வநாதன் என்பவருக்குச் சொந்தமான மாடு, கடந்த மூன்று நாட்களுக்கு முன்பு மேய்ச்சலுக்குச் சென்றபோது மாயமானது. பல்வேறு இடங்களில் தேடியும் கிடைக்காத நிலையில், திறந்திருந்த பாதாள சாக்கடைக்குள் விழுந்தது தெரியவந்தது. இதுகுறித்து தகவலறிந்த கவுண்டம்பாளையம் தீயணைப்பு மற்றும் மீட்புப் பணிகள் துறையினர் சம்பவ இடத்திற்கு விரைந்து சென்று, கயிறுகள் மற்றும் மீட்பு உபகரணங்களின் உதவியுடன் நீண்ட நேரம் போராடி மாட்டை உயிருடன் மீட்டனர். இதனால் மகிழ்ச்சியடைந்த உரிமையாளர் மற்றும் பொதுமக்கள் தீயணைப்பு வீரர்களுக்குப் பாராட்டுகளைத் தெரிவித்தனர். மேலும், திறந்துகிடக்கும் பாதாள சாக்கடைகளை மூடி விபத்துகளைத் தடுக்க மாநகராட்சி நடவடிக்கை எடுக்க வேண்டும் எனக் கோரிக்கை விடுத்துள்ளனர். 2026-10-30T07:38:27+05:30 வீடியோ - Tamil News Videoshttps://content.jwplatform.com/players/7YujPzBi-i3kV1w3s.html Sekaran Shttps://www.tv9tamilnews.com/videos/dvac-raid-at-k-n-nehrus-trichy-residence-ends-former-minister-alleges-attempt-to-divert-attention-from-law-and-order-issues-116485.html https://images.tv9tamilnews.com/wp-content/uploads/2026/10/kn-ne-1.png கே.என்.நேரு வீட்டில் 8 மணி நேரத்துக்கும் மேலாக நீடித்த லஞ்ச ஒழிப்புத்துறை சோதனை நிறைவு! “சட்டம் ஒழுங்கு பிரச்சினைகளைத் திசைதிருப்ப ரெய்டு” - நேரு குற்றச்சாட்டு திருச்சி தில்லை நகரில் உள்ள முன்னாள் அமைச்சர் கே.என்.நேருவின் வீட்டில் லஞ்ச ஒழிப்புத்துறையினர் நடத்திய சோதனை நிறைவடைந்தது. கடந்த திமுக ஆட்சியில் நகராட்சி நிர்வாகம் மற்றும் குடிநீர் வழங்கல் துறையில் நடைபெற்றதாகக் கூறப்படும் ரூ.634 கோடி பணி நியமன ஊழல் வழக்கு தொடர்பாக, இன்று காலை 7 மணிக்குத் தொடங்கிய சோதனை எட்டு மணி நேரத்திற்கும் மேலாக நடைபெற்றது. இதில், முக்கிய ஆவணங்கள் மற்றும் நேருவின் தம்பி மணிவண்ணனுக்குச் சொந்தமான இரண்டு மடிக்கணினிகளை அதிகாரிகள் எடுத்துச் சென்றதாகத் தெரிவிக்கப்பட்டுள்ளது. சோதனைக்குப் பிறகு செய்தியாளர்களைச் சந்தித்த கே.என்.நேரு, பழைய வழக்கின் அடிப்படையிலேயே சோதனை நடத்தப்பட்டதாகக் கூறினார். மேலும், கொலை, கொள்ளை உள்ளிட்ட சட்டம் ஒழுங்கு பிரச்சினைகளைத் திசைதிருப்பவே இந்தச் சோதனை நடத்தப்பட்டிருக்கலாம் எனக் குற்றம்சாட்டினார். நீதிமன்றத்தை அணுகி சட்டரீதியாக எதிர்கொள்வோம் என்றும், தேர்தலை நம்பிக்கையுடன் சந்திப்போம் என்றும் அவர் தெரிவித்தார். 2026-10-29T21:53:56+05:30 வீடியோ - Tamil News Videoshttps://content.jwplatform.com/players/aH33oW8a-i3kV1w3s.html Deepanhttps://www.tv9tamilnews.com/videos/daring-theft-in-coimbatore-house-broken-into-using-a-key-hidden-inside-a-shoe-laptop-worth-1-25-lakh-stolen-116483.html https://images.tv9tamilnews.com/wp-content/uploads/2026/10/thf.png கோவையில் துணிகரத் திருட்டு! ஷூவுக்குள் மறைத்த சாவியால் வீட்டைத் திறந்து ரூ.1.25 லட்சம் லேப்டாப் திருட்டு! கோவை ஒத்தக்கால்மண்டபம் பகுதியில், வீட்டின் முன்புள்ள சிசிடிவி கேமராவைப் பார்த்தும் அஞ்சாமல், ஷூவுக்குள் மறைத்து வைக்கப்பட்டிருந்த சாவியை எடுத்து வீட்டைத் திறந்து ரூ.1.25 லட்சம் மதிப்பிலான மடிக்கணினியை மர்ம நபர் திருடிச் சென்ற சம்பவம் அதிர்ச்சியை ஏற்படுத்தியுள்ளது. தனியார் ஐடி நிறுவனங்களில் பணிபுரியும் ஊழியர்கள் வாடகைக்குத் தங்கியிருந்த வீட்டில் இந்தத் திருட்டு நடந்துள்ளது. ஊழியர்கள் வேலைக்குச் சென்றதை அறிந்த மர்ம நபர், காலணிகளைத் தேடி சாவியைக் கண்டுபிடித்து வீட்டிற்குள் நுழைந்து மடிக்கணினியைத் திருடிச் சென்றுள்ளார். இதுகுறித்து செட்டிபாளையம் காவல் நிலையத்தில் புகார் அளிக்கப்பட்டுள்ளது. கடந்த 10 நாட்களாக போலீசார் மர்ம நபரைத் தேடி வருகின்றனர். அவரைப் பற்றித் தகவல் தெரிந்தவர்கள் 97875 18774 / 95003 36614 ஆகிய எண்களில் தொடர்புகொள்ளலாம் எனக் கேட்டுக்கொள்ளப்பட்டுள்ளது. வீட்டு வாசலில் சாவியை மறைத்து வைக்கும் பழக்கத்தைத் தவிர்க்குமாறு பொதுமக்களுக்கு அறிவுறுத்தப்பட்டுள்ளது. 2026-10-29T21:50:16+05:30 வீடியோ - Tamil News Videoshttps://content.jwplatform.com/players/d1yumQwb-i3kV1w3s.html Sekaran Shttps://www.tv9tamilnews.com/videos/cyclone-arnab-triggers-in-andhra-pradesh-heavy-rains-and-gale-winds-lash-coastal-regions-116095.html https://images.tv9tamilnews.com/wp-content/uploads/2026/10/andhra-flood.jpg ஆந்திராவில் கோரத்தாண்டவம் ஆடிய 'அர்னாப்' புயல்.. அதிர்ச்சி காட்சிகள்! வங்கக்கடலில் நிலைகொண்ட வளிமண்டல மேலடுக்கு சுழற்சி மற்றும் காற்றழுத்த தாழ்வு மண்டலம் தீவிரமடைந்து சக்திவாய்ந்த 'அர்னாப்' (Cyclone Arnab) புயலாக உருவெடுத்தது. இந்த அதிதீவிரப் புயலின் காரணமாக இந்தியாவின் கிழக்குக் கடற்கரைப் பகுதிகள், குறிப்பாக ஆந்திரப் பிரதேசம் மற்றும் ஒடிசா மாநிலங்கள் கடுமையான வானிலை மாற்றங்களை எதிர்கொண்டன. புயல் கரையை நெருங்கும் வேளையில் கடலோரப் மாவட்டங்களில் கடல் சீற்றத்துடன் காணப்பட்டதுடன், வானில் கார்மேகங்கள் சூழ்ந்ததால் பொதுமக்கள் மற்றும் மீனவர்கள் கடலுக்குச் செல்ல வேண்டாம் என வானிலை ஆய்வு மையம் கடுமையான எச்சரிக்கைகளை விடுத்தது. மாநில அரசுகளும் தேசிய பேரிடர் மீட்புப் படைகளும் இணைந்து அவசரகால பாதுகாப்பு முன்னெச்சரிக்கை நடவடிக்கைகளைத் தீவிரப்படுத்தின. கனமழையும் பலத்த காற்றுடன் கூடிய சீற்றமும்: அர்னாப் புயலின் நேரடித் தாக்கத்தால் ஆந்திரப் பிரதேசத்தின் பல்வேறு கடலோரப் பகுதிகளில் நேற்றிரவு முதல் பல மணி நேரங்களாக இடைவிடாமல் கனமழை பெய்தது. குறிப்பாக விசாகப்பட்டினம், காக்கிநாடா மற்றும் கோலசீமா உள்ளிட்ட பகுதிகளில் மணிக்கு பலத்த வேகத்தில் தரைக்காற்று வீசியதுடன், தாழ்வான பகுதிகளில் மழைநீர் தேங்கியது. கடல் சீற்றம் அதிகரித்து பெரிய அலைகள் கரையைத் தாக்கியதால் கடற்கரையோரக் கிராம மக்கள் பாதுகாப்பான இடங்களுக்கு மாற்றப்பட்டனர். தொடர் மழையின் காரணமாக மக்களின் இயல்பு வாழ்க்கை கடுமையாகப் பாதிக்கப்பட்டுள்ளதுடன், போக்குவரத்தும் பல இடங்களில் தற்காலிகமாக தடை செய்யப்பட்டுள்ளது. 2026-10-28T14:29:14+05:30 வீடியோ - Tamil News Videoshttps://content.jwplatform.com/players/GktwjLY0-i3kV1w3s.html Esakkiraja Selvarathinamhttps://www.tv9tamilnews.com/videos/70-year-old-woman-gold-chain-snatched-salem-helmet-man-116091.html https://images.tv9tamilnews.com/wp-content/uploads/2026/10/chain-snatch.jpg மூதாட்டியிடம் நகையை பறித்து சென்ற மர்ம நபர்.. சேலத்தில் நள்ளிரவில் அதிர்ச்சி!! சேலம், அக்.28: தமிழகத்தின் முக்கிய மாநகரங்களில் ஒன்றான சேலம் மற்றும் அதன் சுற்றுவட்டாரப் பகுதிகளில் பொதுமக்கள் மற்றும் குறிப்பாக முதியவர்கள் தனியாக நடமாடும் நேரங்களில் பாதுகாப்பு குறித்த கேள்விகள் அவ்வப்போது எழுந்து வருகின்றன. இரவு நேரங்களில் தனியாகச் செல்லும் பெண்களையும் முதியவர்களையும் குறிவைத்துச் சில சமூக விரோதிகள் கைவரிசை காட்டுவது அதிகரித்து வருவதுடன், இது போன்ற சம்பவங்கள் பொதுமக்கள் மத்தியில் கடுமையான அச்சத்தையும் பாதுகாப்பற்ற உணர்வையும் ஏற்படுத்தி வருகிறது. அந்த வகையில், சேலம் மாநகரப் பகுதியில் நடந்து சென்ற 70 வயது மூதாட்டி ஒருவரை நذிகரமாகக் குறிவைத்து மர்ம நபர் ஒருவர் மூன்று சவரன் தாலிச் சங்கிலியைப் பறித்துச் சென்ற துணிகரச் சம்பவம் அப்பகுதியில் பெரும் பரபரப்பையும் அதிர்ச்சியையும் ஏற்படுத்தியுள்ளது. இரவு நேரத்தில் நடந்த துணிகர சம்பவம்: சேலம் செவ்வாய்ப்பேட்டை பகுதிக்கு உட்பட்ட அர்த்தநாரி தெருவில் வசித்து வரும் அம்சவல்லி (70) என்ற மூதாட்டி, வழக்கம்போல நேற்றைய தினம் இரவு தனது வீட்டிற்கு வெளியே நடந்து சென்று கொண்டிருந்தார். அந்த அமைதியான சூழலைப் பயன்படுத்திக் கொண்ட மர்ம நபர் ஒருவர், நைசாக மூதாட்டியைப் பின்தொடர்ந்து வந்து அவர் அணிந்திருந்த மூன்று சவரன் தங்க நகையைக் குறிவைத்து திடீரெனப் பறிக்க முயன்றார். சற்றும் எதிர்பாராத இந்தத் தாக்குதலால் நிலை தடுமாறிய மூதாட்டி சாலையில் கீழே விழுந்தார்; இருப்பினும் சுதாரித்துக்கொண்ட அவர் உடனடியாக உரக்கக் கூச்சலிட்டார். மூதாட்டியின் அலறல் சத்தத்தைக் கேட்டு அக்கம் பக்கத்தினர் உடனடியாக ஓடிவந்து கொள்ளையனைப் பிடிக்க முயன்ற போதிலும், அதற்குள் அந்த மர்ம நபர் தான் வந்த இருசக்கர வாகனத்தில் ஏறி மின்னல் வேகத்தில் தப்பிச் சென்றுவிட்டார். 2026-10-28T14:08:57+05:30 வீடியோ - Tamil News Videoshttps://content.jwplatform.com/players/b0iFRJsl-i3kV1w3s.html Sathis Shttps://www.tv9tamilnews.com/videos/baby-elephant-dies-after-falling-down-hillside-in-wayanad-mother-elephants-desperate-rescue-attempt-moves-onlookers-115702.html https://images.tv9tamilnews.com/wp-content/uploads/2026/10/yanai-1.png மலைச்சரிவில் உருண்டு விழுந்து உயிரிழந்த குட்டி யானை! காப்பாற்றப் போராடிய தாய் யானை – வயநாட்டில் நெஞ்சை உருக்கும் காட்சி கேரள மாநிலம், வயநாடு மாவட்டம், காட்டிக்குளம் அருகே உள்ள முத்துமாரி பகுதியில் குட்டி யானை ஒன்று மலைச்சரிவிலிருந்து கீழே உருண்டு விழுந்து உயிரிழந்த சம்பவம் சோகத்தை ஏற்படுத்தியுள்ளது. மலைப்பகுதியில் சென்றுகொண்டிருந்த குட்டி யானை எதிர்பாராத விதமாகச் சரிவில் கீழே விழுந்ததாகக் கூறப்படுகிறது. இதில் பட 2026-10-26T22:47:05+05:30 வீடியோ - Tamil News Videoshttps://content.jwplatform.com/players/lQkIJjy9-i3kV1w3s.html Sekaran Shttps://www.tv9tamilnews.com/videos/flash-floods-at-thirumoorthy-hills-temple-officials-iron-and-dry-soaked-currency-notes-115689.html https://images.tv9tamilnews.com/wp-content/uploads/2026/10/katta.png திருமூர்த்தி மலையில் காற்றாற்று வெள்ளம்! கோவில் காணிக்கை ரூபாய் நோட்டுகளை அயர்ன் செய்து உலர்த்திய அதிகாரிகள் உடுமலை அருகே உள்ள திருமூர்த்தி மலையில் பெய்த கனமழையால் ஏற்பட்ட காற்றாற்று வெள்ளம், அமணலிங்கேஸ்வரர் கோவிலைச் சூழ்ந்தது. இதனால் கோவிலில் வைக்கப்பட்டிருந்த காணிக்கைப் பணம் தண்ணீரில் நனைந்தது. வெள்ளநீர் புகுந்ததால் ஈரமான ரூபாய் நோட்டுகளைச் சேகரித்த கோவில் அதிகாரிகள், அவற்றை ஒவ்வொன்றாக அயர்ன் செய்து உலர்த்தும் பணியில் ஈடுபட்டனர். இதுதொடர்பான வீடியோ தற்போது சமூக வலைதளங்களில் வைரலாகி வருகிறது. திருமூர்த்தி மலைப் பகுதியில் பெய்த கனமழையால் நீர்வரத்து அதிகரித்து, அருவியில் வெள்ளப்பெருக்கு ஏற்பட்டது. இதன் காரணமாக கோவிலைச் சுற்றியுள்ள பகுதிகளில் தண்ணீர் சூழ்ந்ததாகத் தெரிவிக்கப்படுகிறது. கோவிலில் ஏற்பட்ட வெள்ள பாதிப்பும், காணிக்கைப் பணத்தை அதிகாரிகள் உலர்த்தும் காட்சிகளும் இணையத்தில் பரவலாகப் பகிரப்பட்டு வருகின்றன. மழைக்காலங்களில் திருமூர்த்தி மலைக்குச் செல்லும் பக்தர்கள் மற்றும் சுற்றுலாப் பயணிகள் எச்சரிக்கையுடன் இருக்குமாறு அறிவுறுத்தப்படுகின்றனர். 2026-10-26T21:26:46+05:30 வீடியோ - Tamil News Videoshttps://content.jwplatform.com/players/DqnzAKn3-i3kV1w3s.html Sekaran Shttps://www.tv9tamilnews.com/videos/overflowing-selva-chinthamani-lake-floods-residences-in-coimbatore-sewage-insects-115609.html https://images.tv9tamilnews.com/wp-content/uploads/2026/10/coimbatore-7.jpg கோவை செல்வ சிந்தாமணி குளத்தில் இருந்து குடியிருப்புகளுக்குள் புகுந்த மழைநீர் கோவை மாநகரப் பகுதியில் கடந்த சில நாட்களாக பெய்து வரும் கனமழை காரணமாக பல்வேறு நீர்நிலைகள் நிரம்பி வழியும் சூழல் உருவாகியுள்ளது. இதனால் தாழ்வான பகுதிகள் மற்றும் நீர்நிலைகளை ஒட்டியுள்ள குடியிருப்புப் பகுதிகளில் வெள்ள நீர் புகுந்து இயல்பு வாழ்க்கை பெரிதும் பாதிக்கப்பட்டுள்ளது. மழைநீரைத் திறம்பட வெளியேற்ற வேண்டிய வடிகால் அமைப்புகளில் கழிவுநீர் கலந்து குடியிருப்புப் பகுதிகளுக்குள் பாய்வதால், கோவை மாநகரின் பல பகுதிகளில் சுகாதாரச் சீர்கேடும் தீவிர நோய் பரவும் அபாயமும் ஏற்பட்டுள்ளது. இதனால் அப்பகுதியில் வசசிக்கும் பொதுமக்கள் மற்றும் குழந்தைகள் கடும் இன்னல்களுக்கு ஆளாகி வருகின்றனர். குளத்தில் இருந்து குடியிருப்புகளுக்குள் பாய்ந்த கழிவுநீர் கோவை மாநகர் செல்வபுரம் சுண்டக்காமுத்தூர் சாலையில் அமைந்துள்ள செல்வ சிந்தாமணி குளத்தில் இருந்து திடீரென அதிக அளவில் நீர் வெளியேறி, அருகில் உள்ள குடியிருப்புகளுக்குள் புகுந்துள்ளது. குளத்தின் அடிப்பகுதியில் இருந்து நீர் கசிந்து வெளியேறுவதோடு, மழைநீருடன் கழிவுநீரும் கலந்து வீடுகளுக்குள் புகுந்ததால் அப்பகுதி மக்கள் பெரும் அவதிக்குள்ளாகியுள்ளனர். வீடுகளிலும் சுற்றுப்புறங்களிலும் முழங்கால் அளவுக்கு நீர் தேங்கியதால் மக்களின் அன்றாட இயல்பு வாழ்க்கை முடங்கியுள்ளதுடன், அத்தியாவசியத் தேவைகளுக்காகக்கூட வெளியே வர முடியாத சூழல் ஏற்பட்டுள்ளது. 2026-10-26T15:00:20+05:30 வீடியோ - Tamil News Videoshttps://content.jwplatform.com/players/AFpUzRmj-i3kV1w3s.html Esakkiraja Selvarathinamhttps://www.tv9tamilnews.com/videos/trichy-red-alert-minister-ramesh-inspects-heavy-rain-relief-work-and-monsoon-preparedness-115574.html https://images.tv9tamilnews.com/wp-content/uploads/2026/10/minister-ramesh-3.jpg பருவமழை முன்னெச்சரிக்கை.. திருச்சியில் அமைச்சர் ரமேஷ் ஆய்வு! தமிழகத்தில் வடகிழக்கு பருவமழை தீவிரமடைந்துள்ளதைத் தொடர்ந்து, பல்வேறு மாவட்டங்களில் கனமழை பெய்து வருகிறது. இதன் ஒரு பகுதியாக, திருச்சி மாவட்டத்திற்கு இன்று ரெட் அலர்ட் எச்சரிக்கை விடுக்கப்பட்டுள்ளது. இந்நிலையில் திருச்சி மாநகராட்சிக்கு உட்பட்ட மழைநீர் தேங்கக்கூடிய மேலப்புதூர் உள்ளிட்ட பல்வேறு இடங்களை, திருச்சி மாவட்டத்திற்கான பொறுப்பு அமைச்சரான இந்து சமய அறநிலையத்துறை அமைச்சர் ரமேஷ் இன்று நேரில் ஆய்வு செய்தார். ஆய்வுக்கு பின்னர் அமைச்சர் ரமேஷ் செய்தியாளர்களைசந்தித்து பேசினார். அப்போது அவர் கூறுகையில், திருச்சி உள்ளிட்ட பல்வேறு மாவட்டங்களுக்கு ரெட் அலர்ட் கொடுக்கப்பட்டுள்ளதால், மாநகரில் முக்கியமாக மழைநீர் தேங்கக்கூடிய இடங்களை நேரில் பார்வையிட்டு ஆய்வு செய்து வருகிறோம். நாம் ஆய்வு செய்த இதே மேலப்புதூர் சுரங்கப்பாதையில் இரண்டு நாட்களுக்கு முன்பு மழைநீர் தேங்கியிருந்தது. உடனடியாக மாவட்ட ஆட்சித் தலைவர் மற்றும் மாநகராட்சி ஆணையரை தொடர்பு கொண்டு சரிசெய்ய அறிவுறுத்தியதை தொடர்ந்து, அங்கிருந்த அடைப்புகள் அனைத்தும் உடனடியாக சீரமைக்கப்பட்டன. முன்னெச்சரிக்கை நடவடிக்கையாக, இந்தப் பாலத்தில் மீண்டும் தண்ணீர் தேங்காமல் இருக்க இருபுறங்களிலும் உள்ள நீர்வரத்து கால்வாய்கள் மற்றும் வழித்தடங்கள் முழுவதுமாக தூர்வாரப்பட்டுள்ளன. மேலும், தண்ணீரை வெளியேற்ற மோட்டார்கள் மற்றும் மாநகராட்சி பணியாளர்கள் 24 மணி நேரமும் தயார் நிலையில் வைக்கப்பட்டுள்ளனர். இதேபோல் மாநகரில் மழைநீர் தேங்கக்கூடிய 10 முதல் 11 இடங்கள் கண்டறியப்பட்டு, அங்கேயும் அடுத்தடுத்து நேரில் ஆய்வு செய்யப்பட உள்ளது. பொதுமக்களுக்கு எந்தவித பாதிப்பும் ஏற்படாமலும், போக்குவரத்து தடைபடாமலும் மழைநீர் உடனடியாக வடிந்தோட வேண்டும் என்பதற்காகவே இந்த அவசர ஆய்வு மேற்கொள்ளப்படுகிறது. பருவமழையை எதிர்கொள்வதற்கான அனைத்து பணிகளையும் மாவட்ட நிர்வாகமும் மாநகராட்சியும் மிகதுரிதமாக செய்து வருகின்றனர். நிரந்தர தீர்வுக்கான பணிகளையும் மேற்கொண்டு வருகிறோம். சென்னை உள்ளிட்ட அனைத்து மாநகராட்சிகளிலும் பணிகள் தீவிரமாக நடைபெற்று வருகிறது. அதற்கான நிதிகள் ஒதுக்கப்பட்டுள்ளது. இந்த பருவமழையால் பொதுமக்களுக்கு எந்த பாதிப்பும் இருக்க கூடாது என முதல்வர் உத்தரவிட்டுள்ளார். ரெட் அலர்ட் கொடுக்கப்பட்டுள்ள மாவட்டங்களுக்கு அந்தந்த பொறுப்பு அமைச்சர்கள் அப்பகுதியில் இருந்து கண்காணிக்க வேண்டும் என அறிவுறுத்தப்பட்டதை தொடர்ந்து நாங்கள் பணியாற்றி வருகிறோம் என தெரிவித்தார். 2026-10-26T13:39:55+05:30 வீடியோ - Tamil News Videoshttps://content.jwplatform.com/players/qAmRVP9w-i3kV1w3s.html Vinalin Sweetyhttps://www.tv9tamilnews.com/videos/grand-annabhishekam-with-100-sacks-of-rice-at-gangaikonda-cholapuram-temple-115441.html https://images.tv9tamilnews.com/wp-content/uploads/2026/10/sola.png கங்கைகொண்ட சோழபுரத்தில் 100 மூட்டை பச்சரிசியால் அன்னாபிஷேகம்! அரியலூர் மாவட்டம், ஜெயங்கொண்டம் அருகே உள்ள உலகப் புகழ்பெற்ற கங்கைகொண்ட சோழபுரம் பிரகதீஸ்வரர் கோவிலில், ஐப்பசி பௌர்ணமியை முன்னிட்டு 100 மூட்டை பச்சரிசியால் அன்னாபிஷேக விழா கோலாகலமாகத் தொடங்கியது. மாமன்னன் ராஜேந்திர சோழனால் கட்டப்பட்ட இக்கோவிலில், இன்று அதிகாலை யாக பூஜைகள் நடைபெற்றன. தொடர்ந்து, ஆறு கொதிகலன்களில் சமைக்கப்பட்ட சாதம் முதலில் மகா கணபதிக்கு படைக்கப்பட்டு, வேத மந்திரங்கள் முழங்க பிரகதீஸ்வரருக்கு சாற்றப்பட்டது. முன்னதாக, சுவாமி மற்றும் பெரியநாயகி அம்பாளுக்கு 16 வகையான பொருட்களைக் கொண்டு மகா அபிஷேகம் நடைபெற்றது. அன்னத்தால் சுவாமிக்கு அலங்காரம் செய்யப்பட்டு, மாலை 6 மணிக்கு மகா தீபாராதனை நடைபெற உள்ளது. தமிழகத்தின் பல்வேறு மாவட்டங்களில் இருந்து ஏராளமான பக்தர்கள் பங்கேற்று சுவாமி தரிசனம் செய்து வருகின்றனர். விழாவையொட்டி காவல்துறை, தீயணைப்புத் துறை மற்றும் சுகாதாரத் துறையினர் பாதுகாப்புப் பணியில் ஈடுபட்டுள்ளனர். 2026-10-25T22:19:25+05:30 வீடியோ - Tamil News Videoshttps://content.jwplatform.com/players/pSiwb7gF-i3kV1w3s.html Deepanhttps://www.tv9tamilnews.com/videos/fire-and-rescue-personnel-rescue-nine-people-trapped-in-flooded-vellaru-river-near-perambalur-115439.html https://images.tv9tamilnews.com/wp-content/uploads/2026/10/psl.png பெரம்பலூர் அருகே வெள்ளாற்றில் சிக்கிய 9 பேர் பத்திரமாக மீட்பு! பெரம்பலூர் மாவட்டம் லெப்பைக்குடிகாடு பேரூராட்சியில் இருந்து அரங்கூர் செல்லும் பாதையில் உள்ள வெள்ளாற்றில் சிக்கிய 9 பேரைத் தீயணைப்புத் துறையினர் ஒரு மணி நேரத்திற்கும் மேலாகப் போராடி பத்திரமாக மீட்டனர். கடந்த மாதம் அப்பகுதியில் பொருட்காட்சிக்காக அமைக்கப்பட்டிருந்த ராட்டினங்கள் மற்றும் உபகரணங்களை அகற்றுவதற்காக ஆத்தூர் அருகே நரசிங்கபுரத்தைச் சேர்ந்த செல்வா, கிருஷ்ணன், மூர்த்தி, ராஜாராம், தினேஷ், வரதராஜ பெருமாள், பெரியசாமி, கார்த்தி, பாரத் ஆகிய 9 பணியாளர்கள் சென்றுள்ளனர். அப்போது ஆர்ப்பரித்து வந்த வெள்ளாற்று நீரில் அவர்கள் சிக்கிக்கொண்டனர். இதுகுறித்து தகவலறிந்த பெரம்பலூர் மாவட்டத் தீயணைப்புத் துறையினர் விரைந்து சென்று, நீண்ட நேரப் போராட்டத்திற்குப் பிறகு அனைவரையும் பாதுகாப்பாக மீட்டனர். தொடர்ந்து, மருத்துவப் பரிசோதனை மற்றும் சிகிச்சைக்காக அவர்கள் லெப்பைக்குடிகாடு அரசு மருத்துவமனைக்கு அனுப்பி வைக்கப்பட்டனர். 2026-10-25T22:10:10+05:30 வீடியோ - Tamil News Videoshttps://content.jwplatform.com/players/t0YRyPvZ-i3kV1w3s.html Deepanhttps://www.tv9tamilnews.com/videos/6-foot-rat-snake-found-hiding-inside-parked-bike-in-coimbatore-115355.html https://images.tv9tamilnews.com/wp-content/uploads/2026/10/coimbatore-snake-rescue.jpg பைக்கிற்குள் பதுங்கிய 6 அடி சாரைப்பாம்பு : இருகூர் பகுதியில் பரபரப்பு கோவை, இருகூர் பகுதியில் இருசக்கர வாகனத்தில் ஏதோ ஒன்று அசைவதைக் கண்டு அதிர்ச்சி அடைந்து உள்ளார் அதனை உற்று நோக்கிய போது, அங்கு நீளமான சாரைப்பாம்பு ஒன்று வாகனத்தின் உட்பகுதியில் பதுங்கி இருப்பது தெரியவந்தது. இதனைப் பார்த்து பயம் அடைந்த உரிமையாளர்கள் உடனடியாகச் சுற்றி இருந்தவர்களின் உதவியுடன் பாம்பு பிடி வீரருக்குத் தகவல் தெரிவித்தனர். தகவல் அறிந்து சம்பவ இடத்திற்கு விரைந்து வந்த பாம்பு பிடி வீரர், வாகனத்தின் உள்ளே மறைந்து இருந்த பாம்பைப் பத்திரமாக வெளியே எடுக்கத் திட்டமிட்டார். பாம்பிற்கு எவ்வித காயமும் ஏற்படாத வகையிலும், அது தப்பித்து வேறு இடத்திற்குச் சென்று விடாதவாறும் இருசக்கர வாகனத்தை பாகம் பாகமாகப் பிரித்தார். தொடர்ந்து, தனது அனுபவமிக்க உத்திகளைப் பயன்படுத்தி வாகனத்தின் இடுக்கில் பதுங்கி இருந்த சுமார் 6 அடி நீளமுள்ள சாரைப்பாம்பை மிகவும் லாபகமாகவும் பத்திரமாகவும் வெளியே எடுத்தார். பாம்பு மீட்கப்பட்டதைக் கண்ட பின்னரே அப்பகுதி பொதுமக்கள் மற்றும் வாகன உரிமையாளர் பெருமூச்சு விட்டனர். மீட்கப்பட்ட அந்தச் சாரைப் பாம்பைப் பாதுகாப்பான சாக்குப்பையில் அடைத்த பாம்பு பிடி வீரர், பின்னர் அதனை அடர்ந்த வனப்பகுதிக்கு எடுத்துச் சென்று பத்திரமாக விடுவித்தார். மழைக்காலம் மற்றும் குளிர்ந்த சூழல் காரணமாகப் பாம்புகள் சூடான எஞ்சின் பகுதிகளைத் தேடி வாகனங்களுக்குள் புகும் வாய்ப்பு உள்ளதால், வாகன ஓட்டிகள் கவனமாக இருக்குமாறு அறிவுறுத்தப்பட்டு உள்ளனர். 2026-10-25T13:42:35+05:30 தமிழ்நாடு செய்திகள் வீடியோ - Tamil News Videoshttps://content.jwplatform.com/players/x6AthE32-i3kV1w3s.html Karthikeyan Shttps://www.tv9tamilnews.com/videos/nilgiris-landslide-survivor-bus-conductor-kesavan-recalls-terrifying-ordeal-after-saving-7-passengers-near-mettupalayam-115336.html https://images.tv9tamilnews.com/wp-content/uploads/2026/10/bus-accident-1.jpg 'மண் வந்து பஸ்ஸை அமுக்கியது" - உயிர் தப்பிய நடத்துநர் உருக்கமான பேட்டி நீலகிரி மாவட்டம், மேட்டுப்பாளையம் அருகே பர்லியார் மலைப் பாதையில், மண் சரிவில் சிக்கிய அரசுப் பேருந்தின் இடிபாடுகளுக்குள் பல மணி நேரம் உயிருக்குப் போராடி மீட்கப்பட்ட நடத்துநர் கேசவன், தற்போது மேட்டுப்பாளையம் அரசு மருத்துவமனையில் தீவிர சிகிச்சை பெற்று வருகிறார். விபத்தின் பயங்கரம் குறித்தும், 7 பயணிகளின் உயிரைக் காப்பாற்றிய அந்தத் திக், திக் நிமிடங்கள் குறித்தும் அவர் அளித்த பிரத்யேக வாக்குமூலம் அனைவரையும் நெகிழ வைத்து உள்ளது. குன்னூரில் இருந்து கோவைக்கு நள்ளிரவில் இயக்கப்பட்ட அந்த அரசுப் பேருந்தில் மொத்தம் 7 பயணிகள் பயணம் செய்து உள்ளனர். மலைப்பாதையில் பெய்து வந்த கன மழை காரணமாகச் சூழல் அபாயகரமாக இருப்பதை ஓட்டுநர் ஜனகராஜும், நடத்துநர் கேசவனும் முன்கூட்டியே உணர்ந்து உள்ளனர். நிலவரத்தைச் சூழ்நிலைக்கு ஏற்ப பயணிகளிடம் விளக்கிக்கூறி, மண் சரிவு ஏற்படும் அபாயம் நிறைந்த பகுதிக்குச் சற்று தொலைவிலேயே, அதாவது பர்லியாரிலேயே 7 பயணிகளையும் பாதுகாப்பாக இறக்கி விட்டு உள்ளனர் இவ்வாறு பேருந்து நடத்துநர் தெரிவித்தார். ​ 2026-10-25T10:53:34+05:30 தமிழ்நாடு செய்திகள் வீடியோ - Tamil News Videoshttps://content.jwplatform.com/players/bcGvrm40-i3kV1w3s.html Sekaran Shttps://www.tv9tamilnews.com/videos/flooding-at-kovai-courtallam-waterfalls-eco-tourism-temporarily-closed-115073.html https://images.tv9tamilnews.com/wp-content/uploads/2026/10/kovai-.png கோவை குற்றாலத்தில் வெள்ளப்பெருக்கு! சூழல் சுற்றுலா தற்காலிகமாக மூடல் கோவை மாவட்டத்தில் மேற்குத் தொடர்ச்சி மலைப்பகுதிகளில் பெய்து வரும் கனமழை காரணமாக, கோவை குற்றால அருவியில் வெள்ளப்பெருக்கு ஏற்பட்டுள்ளது. இதனால் சுற்றுலாப் பயணிகளின் பாதுகாப்பைக் கருத்தில் கொண்டு, கோவை குற்றால சூழல் சுற்றுலா இன்று (அக்டோபர் 24) தற்காலிகமாக மூடப்படுவதாக வனத்துறையினர் அறிவித்துள்ளனர். தொடர் மழையால் அருவியில் நீர்வரத்து அதிகரித்துள்ளதால், அங்கு சுற்றுலாப் பயணிகள் அனுமதிக்கப்பட்டால் ஆபத்து ஏற்படக்கூடும் எனக் கருதி இந்த நடவடிக்கை எடுக்கப்பட்டுள்ளது. எனவே, பொதுமக்கள் மற்றும் சுற்றுலாப் பயணிகள் கோவை குற்றாலத்திற்குச் செல்வதைத் தவிர்க்குமாறு வனத்துறையினர் அறிவுறுத்தியுள்ளனர். மேலும், மறு அறிவிப்பு வெளியாகும் வரை கோவை குற்றாலம் மூடப்பட்டிருக்கும் என்றும் தெரிவிக்கப்பட்டுள்ளது. மழை நிலவரம் மற்றும் நீர்வரத்தின் அளவைக் கண்காணித்து, சூழல் சுற்றுலாவை மீண்டும் திறப்பது குறித்து பின்னர் முடிவு எடுக்கப்படும். 2026-10-24T10:31:47+05:30 வீடியோ - Tamil News Videoshttps://content.jwplatform.com/players/KcmScjgE-i3kV1w3s.html Sekaran Shttps://www.tv9tamilnews.com/videos/due-to-heavy-rainfall-landslide-hits-ooty-coimbatore-government-bus-near-burliar-rescue-operations-underway-115068.html https://images.tv9tamilnews.com/wp-content/uploads/2026/10/nil-bus-.png உதகை–கோவை அரசு பேருந்து மீது நிலச்சரிவு! பர்லியார் அருகே நள்ளிரவில் விபத்து நீலகிரி மாவட்டம் உதகையில் இருந்து கோயம்புத்தூர் நோக்கிச் சென்ற அரசுப் பேருந்து மீது, மேட்டுப்பாளையம்–குன்னூர் மலைப்பாதையில் உள்ள பர்லியார் அருகே நேற்று நள்ளிரவு சுமார் 12 மணியளவில் நிலச்சரிவு ஏற்பட்டது. மலையிலிருந்து மண் மற்றும் ராட்சத மரங்கள் பேருந்தின் மீது சரிந்து விழுந்ததால் விபத்து ஏற்பட்டுள்ளது. தொடர் கனமழையால் மலைப்பாதைகளில் நிலச்சரிவு அபாயம் அதிகரித்துள்ள நிலையில், இந்தச் சம்பவம் பரபரப்பை ஏற்படுத்தியுள்ளது. தகவலறிந்து சம்பவ இடத்திற்கு விரைந்த மேட்டுப்பாளையம் தீயணைப்புத் துறையினர் மற்றும் காவல்துறையினர் மீட்புப் பணிகளில் ஈடுபட்டுள்ளனர். பேருந்தின் மீது விழுந்த மரங்கள் மற்றும் மண்ணை அகற்றும் பணிகள் தீவிரமாக நடைபெற்று வருகின்றன. பேருந்தில் பயணித்தவர்களின் எண்ணிக்கை, அவர்களின் நிலை மற்றும் காயங்கள் குறித்த அதிகாரப்பூர்வத் தகவல்கள் உடனடியாக வெளியாகவில்லை. மீட்புப் பணிகள் தொடர்ந்து நடைபெற்று வருகின்றன. 2026-10-24T10:04:49+05:30 வீடியோ - Tamil News Videoshttps://content.jwplatform.com/players/0S92EHEU-i3kV1w3s.html Sekaran Shttps://www.tv9tamilnews.com/videos/stray-dog-causes-auto-rickshaw-to-overturn-in-salem-driver-injured-as-cctv-captures-accident-114914.html https://images.tv9tamilnews.com/wp-content/uploads/2026/10/auto-accident-.jpg குறுக்கே வந்த நாய்... ஆட்டோ கவிழ்ந்து விபத்து - பரபரப்பு காட்சிகள் சேலம் மாநகராட்சி 9வது கோட்டத்திற்கு உட்பட்ட அல்லிக்கோட்டை பகுதியில் நாய்களால் ஏற்படும் தொடர் பிரச்சனை. இந்த பகுதிகளில் அதிக அளவில் தெரு நாய்கள் சுற்றி தெரிகிறது நாள் தோறும் விபத்துக்கள் ஏற்பட்டு பலர் காயமடைகின்றனர். தெருநாய்களை பிடித்து மாநகராட்சி நிர்வாகம் நடவடிக்கை எடுக்க வேண்டும் என்பதை வலியுறுத்தி அந்த பகுதி மக்கள் பலமுறை கோரிக்கை வைத்து வருகின்றனர். இந்த நிலையில் அக்டோபர் 23, 2026 இன்று அல்லிக்கோட்டை பிரதான சாலையில் தெரு நாய்கள் சாலையில் வருகின்ற பொழுது ஆட்டோ திடீரென நிறுத்தப்பட்டதால் தலைக்கு பிறகு கவர்ந்து எதிரே வந்த வாகனத்தின் போது விபத்துக்குள்ளானது இந்த விபத்தில் ஓட்டுநர் லேசான காயத்துடன் மீட்கப்பட்டார் ஆட்டோ மோதி கவிழ்ந்து விபத்துக்குள்ளாகும் பரபரப்பு சிசிடிவி காட்சிகள் வெளியாகி உள்ளது மாநகராட்சி நிர்வாகம் தெருநாய்களை கட்டுப்படுத்த மாநகராட்சி நிர்வாகம் நடவடிக்கை எடுக்க வேண்டும் என கோரிக்கை விடுத்துள்ளனர்.  இது தொடர்பான சிசிடிவி காட்சிகள் வெளியாகி பெரும் அதிர்ச்சியையும் பரபரப்பையும் ஏற்படுத்தியுள்ளது. 2026-10-23T16:37:48+05:30 தமிழ்நாடு செய்திகள் வீடியோ - Tamil News Videoshttps://content.jwplatform.com/players/QxlO166g-i3kV1w3s.html Sathis Shttps://www.tv9tamilnews.com/videos/heavy-rain-yercaud-giant-tree-falls-road-blocked-power-cut-20-villages-114880.html https://images.tv9tamilnews.com/wp-content/uploads/2026/10/yercaud.jpg ஏற்காட்டில் கொட்டித் தீர்க்கும் கனமழை.. முக்கிய சாலையில் வேரோடு சாய்ந்த ராட்சத மரம்.. போக்குவரத்து பாதிப்பு!! அக்டோபர், 23: ஏழைகளின் ஊட்டி என்று அழைக்கப்படும் சேலம் மாவட்டம் ஏற்காட்டில் கடந்த சில தினங்களாகக் காலநிலை மாற்றத்தின் காரணமாகக் கடும் பனிமூட்டத்துடன் கூடிய கனமழை தொடர்ச்சியாகப் பெய்து வருகிறது. குறிப்பாக இரண்டாவது நாளாக நேற்றும் இடைவிடாது பெய்த கனமழை காரணமாக மலைப்பாதைகள் மற்றும் குடியிருப்புப் பகுதிகளில் வெள்ளப்பெருக்கு ஏற்பட்டுள்ளதோடு, ஆங்காங்கே மரங்கள் முறிந்து விழும் அபாயகரமான சூழலும் நிலவி வருகிறது. இதனால் மலைப் பகுதிகளில் வசிக்கும் பொதுமக்கள் மற்றும் வார இறுதி நாட்களைக் கழிக்கத் திரண்டுள்ள சுற்றுலாப் பயணிகளின் இயல்பு வாழ்க்கை பெருமளவில் பாதிக்கப்பட்டுள்ளது. கனமழையின் தீவிரத்தால் நிலச்சரிவு மற்றும் மரங்கள் சாயும் அபாயம் உள்ளதாக மாவட்ட நிர்வாகம் தரப்பிலும் எச்சரிக்கை விடுக்கப்பட்டிருந்தது. வேரோடு சாய்ந்த ராட்சத மரம்: இந்நிலையில், ஏற்காட்டின் முக்கிய சுற்றுலாத் தலமான சேர்வராயன் கோவில் செல்லும் பாதையில் உள்ள அரசு தோட்டக்கலை ஆராய்ச்சி நிலையம் அருகே சாலையோரத்தில் நின்று கொண்டிருந்த ராட்சத மரம் ஒன்று, தொடர் மழையால் மண் சரிவு ஏற்பட்டு திடீரென வேரோடு சாய்ந்தது. விழுந்த வேகத்தில் அந்த மரம் அங்கே இருந்த உயர் அழுத்த மின் கம்பங்கள் மற்றும் மின் கம்பிகள் மீது பலமாக விழுந்ததால், மின்கம்பிகள் உடனடியாக அறுந்து கீழே விழுந்தன. இதன் காரணமாகச் சேர்வராயன் கோவில் மற்றும் அதனைச் சுற்றியுள்ள 20-க்கும் மேற்பட்ட மலைக் கிராமங்களுக்கான மின் விநியோகம் உடனடியாகத் துண்டிக்கப்பட்டு அப்பகுதிகள் இருளில் மூழ்கின. 2026-10-23T15:05:11+05:30 வீடியோ - Tamil News Videoshttps://content.jwplatform.com/players/97XbN7nV-i3kV1w3s.html Sathis Shttps://www.tv9tamilnews.com/videos/ntk-candidate-karthika-and-8-others-released-on-bail-from-coimbatore-central-prison-114875.html https://images.tv9tamilnews.com/wp-content/uploads/2026/10/kathiga.jpg சிறையிலிருந்து விடுதலையான நாதக வேட்பாளர் கார்த்திகா.. தொண்டர்கள் உற்சாக வரவேற்பு! திருப்பூர், அக்.23: திருப்பூர் மாவட்டம் தாராபுரம் சட்டமன்றத் தொகுதி இடைத்தேர்தல் களம் அரசியல் காய்ச்சலால் சூடுபிடித்துள்ள நிலையில், கடந்த 4-ஆம் தேதியன்று நடைபெற்ற பிரசார நிகழ்வுகள் மாநில அளவில் பெரும் அதிர்வலைகளை ஏற்படுத்தின. அன்றைய தினம் தாராபுரத்தில் முதலமைச்சர் விஜய்யின் தேர்தல் பிரசார வாகனப் பேரணி நடைபெற்ற போது, பாதுகாப்பு நிமித்தமாகக் காவல்துறையினர் குறிப்பிட்ட சில இடங்களில் போக்குவரத்தைக் கட்டுப்படுத்தியிருந்தனர். அதே நேரத்தில், நாம் தமிழர் கட்சியின் தாராபுரம் தொகுதி வேட்பாளரான கார்த்திகா மற்றும் அவரது ஆதரவாளர்கள் பிரசாரப் பணிகளில் ஈடுபட முயன்ற போது காவல்துறையினருக்கும் அவர்களுக்கும் இடையே வாக்குவாதம் ஏற்பட்டது. இதனைத் தொடர்ந்து, முதலமைச்சரின் கான்வாய் செல்லும் பாதையில் சாலை மறியலில் ஈடுபட்டது மற்றும் தாராபுரம் காவல் நிலைய முற்றுகைப் போராட்டம் நடத்தியது உள்ளிட்ட காரணங்களுக்காக அவர்கள் மீது வழக்குப் பதியப்பட்டது. நள்ளிரவில் நடந்த கைது நடவடிக்கை: இந்தச் சம்பவங்களைத் தொடர்ந்து, தாராபுரம் காவல்துறையினர் அதிரடி நடவடிக்கையில் இறங்கி நாம் தமிழர் கட்சியின் வேட்பாளர் கார்த்திகா, அவரது கணவர் முருக சந்திரகுமார் மற்றும் முக்கிய நிர்வாகிகளான இசை மதிவாணன், கந்தசாமி, சூர்யா, சஞ்சய் காந்தி, விக்னேஷ், ஷேக் பரித் உள்ளிட்ட 12 பேரைக் கைது செய்தனர். கைது செய்யப்பட்ட அனைவரும் தாராபுரம் நீதித்துறை நடுவர் நீதிமன்றத்தில் ஆஜர்படுத்தப்பட்டு, பின்னர் கோவை மத்திய சிறையில் அடைக்கப்பட்டனர். தேர்தல் களத்தில் பிரசாரத்தில் ஈடுபட்டு வந்த பெண் வேட்பாளர் ஒருவர் நள்ளிரவில் கைது செய்யப்பட்டு சிறையிலடைக்கப்பட்ட விவகாரம் நாம் தமிழர் கட்சியினர் மத்தியிலும், பல்வேறு அரசியல் தலைவர்கள் மத்தியிலும் கடும் கண்டனங்களை எழுப்பியது. 2026-10-23T14:57:19+05:30 வீடியோ - Tamil News Videoshttps://content.jwplatform.com/players/zrp6yoic-i3kV1w3s.html Sekaran S