Santhanam: சம்மர் ஹிட் கன்ஃபார்ம்.. சந்தானத்தின் டிடி நெக்ஸ்ட் லெவல் ரிலீஸ் தேதி இதோ!

நடிகர் சந்தானத்தின் (Santhanam)  முன்னணி நடிப்பில் தற்போது உருவாகியுள்ள திரைப்படம் டிடி நெக்ஸ்ட் லெவல் (DD Next Level) . இந்த படத்தைப் பிரபல இயக்குநர் எஸ். பிரேம் ஆனந்த் (Director S. Prem Anand) இயக்கியுள்ளார். இந்த திரைப்படமானது தில்லுக்கு துட்டு திரைப்படத்தின் தொடராக அமைந்துள்ளது. தில்லுக்கு துட்டு படத் தொகுப்பில் ஏற்கனவே தில்லுக்கு துட்டு 2, டிடி ரிடென்ஸ் எனப் படங்கள் வெளியாகியுள்ளது. அந்த வரிசையில் 4வதாக தற்போது டிடி நெக்ஸ்ட் லெவல் திரைப்படமானது ரிலீசிற்கு தயாராகியுள்ளது. இந்த திரைப்படத்தைப் பிரபல நடிகர் ஆர்யா (Arya) தயாரித்துள்ளார். மேலும் இவர் இப்படத்தில் ஒரு பாடலையும் எழுதியுள்ளார் என்பது குறிப்பிடத்தக்கது . இந்த திரைப்படமும் இதற்கு முன் வெளியான படங்களைப் போல் நகைச்சுவை கலந்த திகில் கதைக்களத்துடன் உருவாகியுள்ளதாகக் கூறப்படுகிறது.

இந்த படத்தின் ஷூட்டிங் கடந்த 2024ம் ஆண்டு இடைப்பட்ட மாதத்தில் தொடங்கியது. இதைத் தொடர்ந்து இப்படத்தின் ஷூட்டிங் கடந்த 2025, பிப்ரவரி மாதத்தில் நிறைவடைந்தது. இதைத் தொடர்ந்து இப்படத்திலிருந்து அப்டேட் ஒவ்வொன்றாக வெளியாகி வருகிறது. இந்நிலையில், தற்போது இப்படத்தின் ரிலீஸ் தேதி வெளியாகியுள்ளது. சந்தானத்தின் இந்த படமானது வரும் 2025, மே 16ம் தேதியில் உலகமெங்கும் வெளியாகவுள்ளதாகப் படக்குழு அறிவிப்பை வெளியிட்டுள்ளது. தற்போது இந்த தகவலானது ரசிகர்கள் மத்தியில் வரவேற்பைப் பெற்று வருகிறது.

நடிகர் சந்தானம் வெளியிட்ட அறிவிப்பு :

Naalu pei 👻
Naalaayiram prachana! 🥷🏽🛳️🎥🍿❤️😂

DD (Double Dose) of Entertainment ungal abimaana thirai arangugalil – from May 16!

Tamil – Hindi – Telugu#DhillukuDhuddu #DDNextLevel #DDNextLevelFromMay16@arya_offl @TSPoffl @NiharikaEnt @iampremanand @menongautham… pic.twitter.com/sZYAF0ZRtN

— Santhanam (@iamsanthanam) April 9, 2025

சந்தானம் நடிப்பில் காமெடி திகில் கலவை :

நடிகர் சந்தானத்தின் இந்த படமானது தமிழ், தெலுங்கு மற்றும் இந்தி என மூன்று மொழிகளில் திரையரங்குகளில் வெளியாகவுள்ளது. நடிகர் ஆர்யாவின் தயாரிப்பில் உருவாகியுள்ள இப்படத்திற்கு இசையமைப்பாளர் ஆஃப்ரோ இசையமைத்துள்ளார். இவரின் இசையமைப்பிலிருந்து இப்படத்தின் முதல் பாடல் கடந்த 2025, மார்ச் மாதத்தில் வெளியாகி ரசிகர்களிடம் வரவேற்பைப் பெற்றது.

முற்றிலும் காமெடி கலந்த, மாறுபட்ட கதைக்களத்துடன் உருவாகிவரும் இப்படத்தில், சந்தனத்துடன் பல்வேறு பிரபலங்கள் இணைந்து நடித்துள்ளார். அவர்கள் யாரென்றால், கவுதம் வாசுதேவ் மேனன், செல்வராகவன், ஷா ரா, லொள்ளு சபா மாறன், ராஜேந்திரன், நிழல்கள் ரவி, யாஷிகா ஆனந்த், கஸ்தூரி சங்கர் கீதா திவாரி எனப் பல்வேறு பிரபலங்கள் இணைந்து நடித்துள்ளனர்.

இந்த திரைப்படமும் தில்லுக்கு துட்டு திரைப்பட தொகுப்பில் 4-வது திரைப்படமாக உருவாகியுள்ளது. இதற்கு முன் வெளியான 3 படங்களும் மக்களிடையே நல்ல வரவேற்பைப் பெற்ற நிலையில், தற்போது ரிலீசிற்கு தயாராகியுள்ள, டிடி நெக்ஸ்ட் லெவல் திரைப்படமானது கண்டிப்பாக ரசிகர்கள் மத்தியில் வரவேற்பை பெரும் என்று எதிர்பார்க்கப்படுகிறது.